مش عارف بس أنا الموضوع عندى أعلى شوية أنا بقالى فترة ما قستوش بس عموما هقيس الأسبوع ده و أرجعلكم لأنى على ما أفتكر أرقامكم دى أقل بكتير من عندى
عرض للطباعة
مش عارف بس أنا الموضوع عندى أعلى شوية أنا بقالى فترة ما قستوش بس عموما هقيس الأسبوع ده و أرجعلكم لأنى على ما أفتكر أرقامكم دى أقل بكتير من عندى
هو بصراحة موضوع جيد بس احب الفت الانظار لحاجة مهمة ان استهلاك اعلى من كده قبل اول 5000 و حيقل كتير عن كده بعد اول 10000 كيلو
وده بيعتمد على الموتور
انا عربيتي بيرسونا اوتوماتك 2009 و اليك استهلاك البنزين
ال 20 لتر بنزين بيعملوا في المتوسط من 200 كيلو الى 240 كيلو وده بالحسابات على عداد الزيت مش من كمبيوتر الرحالات و تخميناته
بصورة أخرى استهلاك البنزين بين 8.3 الى 10 لتر لكل 100 كيلو
مع العلم اني مأضيها سفر كل اسبوع جمعة و سبت واغلب الاحيان بسوق على 90 عشان الردار وخصوصا يوم الجمعة الصبح ربنا يهدهم
كمان نصيحة ذهبية وعن تجربة متفولش التنك على آخره مون بس 20 لتر و لاحظ استهلاك البنزين حتلاقيه اقل كتير و سحب العربية احسن من انك تفول التنك كله
ضيف على كده ان الاستهلاك ممكن يوصل الى 6 او 7 لكل 100 متر او حتى أقل مع السير على سرعة 90 بشكل منتظم وركز على انتظام السرعة على 90 و بجد وحتى لو مشغل التكييف حتندهش من استهلاك البنزين لما تخلص رحلتك وتلاقي مؤشر التنك اتحرك حاجة بسيطة اوي وده اقل معدل استلاك كما هو مذكور في الكتالوج
تحياتي,,,
استهلاك بنزين البرسونا مبنى على اسلوب القياده جدا
لاحظتها بطريقه غريبه
جربت اصفر العداد واحسب الاستهلاك داخل مدينة نصر وصل معايا ل 13 لتر لكل 100 كم مع الحرق والتكييف واستغربت جدا واتخضيت
جربت تانى وصفرته وطلعت على الدائرى على سرعة 80 على الخامس الاستهلاك بئا 5 لتر لكل 100 كم
واسترغربت اوى يعنى اسلوب القياده يفرق من الصفيحه تعمل من 180 كم تنقريبا حتى 400 كم (حسب اسلوب القياده فقط)
استهلاكى حاليا 7.2 لتر / 100 كم داخل القاهره بدون حرق ولا تكييف
شكرا على الموضوع المفيد
معلش يا جماعة اتأخرت عليكم عقبال ما قست الاستهلاك بالظبط و يا ريت عايز ردكم ضرورى كده حلو ولا عندى مشكلة:
بعد حسابات دقيقة توصلت فى الآخر إن العربية فى وسط البلد مع الآخد فى الاعتبار إنى عندى جزء محترم يعتبر طوالى زى الدائرى و الأوتوستراد و شارع الزهراء الرئيسى لأنهم فاضيين نسبيا و طبعا ده الصبح بس لأنى و أنا راجع بيبقوا زيهم زى وسط البلد
المهم عشان ما أطولش عليكم عملت 260 كم فى الصفيحة
كده كويس!!!!!!!!!!!!!!!!!!!!!!!!!!!!!!!!!!!!!!!!!
بالنسبه لاستهلاك البرسونا معايا
بيختلف حسب اسلوب القياده لو فى توقفات كتير وطلعات بالعربيه كل شويه
او لو ماشى على طريق طوالى
وكان لى تجربه من فتره كنت مسافر من دمياط لمرسى مطروح على الطريق الدولى الساحلى
فولت العربيه من ينزينه بجوار المنزل وصفرت العداد
وسافرت وكان معايا والدتى وزوجتى ويوسف باشا ( سنتين)
وطبعا شنط السفر
وطول الطريق مشغل التكيف والسرعه ما بين 130 و140 كم /س
و موقفتش فى اى استراحه ( خدت الطريق طوالى ) لحد ما لمبة البنزين نورت على 565 كيلو وكان لسه 35 كيلو على مرسى مطروح كملتهم واللمبه منوره وفولت تان فى مرسى
يعنى التانك عمل معايا حوالى 600 كيلو
بصراحه انا شايفه استهلاك اكتر من رائع
طبعا الاستهلاك بيزيد داخل البلد لكن مابيزيدش عن 9 لتر لكل 100 كيلو
انا حبيت انقل تجربتى ولتمنى ما اكونش طولت
الرجاء توضيح اذا كانت العربيه مانيوال ام اتوماتيك
العربيه اتوماتيك
البوجيهات لو حالتها مش كويسة يا رجالة بتـأثر جامد فالاستهلاك
دا انا شفته فعربية محمد عبد العال