روحت صيانة ال 5000 في العبور ... للاسف

كنت ناقشت من فترة احسن فرع لرينو عشان صيانة ال 5000 ولما قولت اعمل ايه لو روحت ولقيت المعاملة وحشة اوي اي حاجة تضايق وفيه ناس زعلت مني لمجرد اني بسبق السوء قبل الخير المهم روحت صيانة ال 5000 وادي المشاكل اللي رايح بيها

1-بوش في الكرسي بتاعي مش ثابت …. مش اتعمل زي ماهو

2-مؤشر الحرارة فجاة بقي 6 شرط وبعد نص دقيقة نزل 4 شرط ... قالي احنا عملنا تشك اب علي دورة التبريد ومش فيها حاجة .. اومال ليه حصل كده قاللي دي مش اول شكوي لاني قبل كده واحد اشتكي من الحكاية دي بتبقي العربية سخنت فجاة ونزلت الحرارة تاني .. (نورت المحكمة ) طب ماهو لازم يكون فيه سبب لكده ... مش عارف

3-النور ضارب لتحت .. قالي لا مظبوط .. قولتله لا ضارب لتحت .. قالي لا مظبوط لو عليته هايبقي ضارب في وش اللي ادامك .. ياعم انا حر عليه .. لا هو كده كويس
4-كاوتش لغطا التنك عشان داخل لجوه .. مش موجود .. طب هايجي امتي .. تابعنا
5-رجة في الفتيس والبدالات .. مش ليها حل هي كده وبعدين دي في كل العربيات .. طب ماهو ده سبب قوي انها تتحل .. مش ليها حل
6-سخونة من الكونسول .. عاوزة عازل ومش موجود .. يعني هايجي امتي .. تابعنا
7-ظبط زوايا عشان بتحدف شمال .. طناش ومش اتعمل ونسيت اسأل عليها لما روحت استلم العربية
8-شدة في المارشدير .. غيرنا الزيت وراحت .. جميل اوي فعلا راحت بس الفتيس حركاته تقلت خصوصا الغيار الاول
9-استهلاك البنزين عالي مابين 8 و 9 حتي لو طريق سريع .. نسيتها
10-العربية اتغسلت وبعد ماغسلوها فتحوا الشبايبيك ورموها في الجراج بتاعهم روحت لقتها كلها تراب من جوه والراديو شغال
طب غسلتوها اقفلوا الازاز علي الاقل عشان الصالون مش يترب واتعب شوية واقفل ام الراديو عشان البطارية


11-ده غير التكشيرة بتاعته علي الصبح وبعد ماطلع معايا للعربية جابلي استمارة املاها وانا بملاها لقيته اختفي ببص بره لقيته بيستلم من صاحب ميجان ياعم تعالي خلص مع اهلي الاول وبعدين روح لعميل تاني خصوصا اني ماكانش فيه غيرنا احنا الاتنين يعني مستعجل ليه طبعا استنيت من الذوق لحد لما خلص مع الراجل التاني وجالي قاللي ...مليت الاستمارة .. .... قولتله اه قالي خلاص كده
قوللته فين العربية قالي في الورشة ؟؟؟ .. فجاة كده
طب ماتقولي انها هاتدخل الورشة طب فين المفاتيح ؟ في العربية في الورشة .. طب هاتلي المفاتيح عشان فيها مفاتيح شقتي وخد مفتاح العربية بس وهاتلي حاجات من العربية قاللي ممنوع تدخل الورشة ثواني اخلص مع البشمهندس وادخل معاك الورشة طب مانا جي قبله المفروض تخلص معايا الاول كل حاجة وبعدين تبدأ معاه المهم استنيت شوية وعمال يرغي مع العميل التاني روحتله قوللته انا عاوز امشي قاللي طب ثواني راح منادي علي زميله قاله لو فاضي ادخل معاه الورشة وعلي فكرة حضرتك تستلم العربية كمان ساعتين قولته هاجي بعد شغلي علي 4.30
قاللي لا اخرك 4 قولته انتوا مش بتخلصوا 5 سكت ثانية وقاللي طب اوك بس 5.01 مش هاتستلم العربية
الاجراءات ..
استلمت العربية واول حاجة عملتها اتصلت ب 16202 وعملت شكوي بكل التفاصيل واللي كنت بكلمه سمع مني كل حاجة بالتفصيل الممل ويمكن ده ريحني جدا اني لقيت حد يسمعني وقاللي في خلال 48 ساعة هايتم الرد علي شكوتك..
ولحد دلوقتي مستني رد

انا مش عاوز اذي حد لاني مش هاستفاد انا كل اللي عاوزه الحاجات الموجودة في العربية تتعمل والله بقي في العبور في المقطم في الهند المهم تخلص

ايه القرف الى بيحصل دا يعنى العبور بيحصل فيه كدة والمقطم نفس الكلام ويمكن اكتر
والله حرام الى بيحصل دا
خليك معاهم لغاية ما يردوا على شكوتك ولو محلوش الحاجات الى عندك جهاز حماية المستهلك موجود

منتهى قلة الذوووق اعمل شكوى فى اللى كان معاك واكتب تقرير مفصل وابعتة لرينو فرنسا بتاريخ وموعد الصيانة وان شاء الله المشاكل دة تتحل

يمكن مضغوطين من الزحام

انا روحت عملت الصيانه ال 5000 ف المقطم يوم الاثنين الى فات وكنت عايز اعمل حاجات بسيطه والله معملو حاجه عربيه طلعط زى ماهى ده حتى مش نظفوها همت زودو السوائل وكفى الله المؤمنين شر القتال ده حتى قولتله ف حدفه يمين قاله هشوفهلك قوتله الى عازل قالى تعاللى يوم بدرى قوتله الكراسى بتزيق قالى هوديك لالورشه روحت الورشه الى هناك قالى سبهلى نص ساعه روحتله بعد نص ساعه طبعا مركونه زى ماهى ولا اى حاجه حصلت قولتله خلصت قالى اه مشيت بيها من هنا طلعت ع الطريق صوت تزيق الكراسى شغال انا مستنى افضى يوم وهروح اظبطهم ان شاء الله علشان انا مش بحب الحال المايل والقرف ده

اقتباس:

---

المشاركة الأصلية كتبت بواسطة mohamed.ramah

اعمل شكوى فى اللى كان معاك واكتب تقرير مفصل وابعتة لرينو فرنسا بتاريخ وموعد الصيانة وان شاء الله المشاكل دة تتحل

---

جرب الأول تحاول تكلم مدير فرع رينو العبور ( م/ خالد شلبى )
لو معرفتش توصله أو لو محلش المشكلة يبقى عليك و على رينو فرنسا

اقتباس:

---

المشاركة الأصلية كتبت بواسطة د.محمود صلاح

يمكن مضغوطين من الزحام

---

تبقى مشكلتهم برضة يا دكتور مش مشكلة العميل

اقتباس:

---

المشاركة الأصلية كتبت بواسطة hamed_73

انا روحت عملت الصيانه ال 5000 ف المقطم يوم الاثنين الى فات وكنت عايز اعمل حاجات بسيطه والله معملو حاجه عربيه طلعط زى ماهى ده حتى مش نظفوها همت زودو السوائل وكفى الله المؤمنين شر القتال ده حتى قولتله ف حدفه يمين قاله هشوفهلك قوتله الى عازل قالى تعاللى يوم بدرى قوتله الكراسى بتزيق قالى هوديك لالورشه روحت الورشه الى هناك قالى سبهلى نص ساعه روحتله بعد نص ساعه طبعا مركونه زى ماهى ولا اى حاجه حصلت قولتله خلصت قالى اه مشيت بيها من هنا طلعت ع الطريق صوت تزيق الكراسى شغال انا مستنى افضى يوم وهروح اظبطهم ان شاء الله علشان انا مش بحب الحال المايل والقرف ده

---

بما أنها مش حالة فردية ( سوء الخدمة ) يبقى أعملو شكوى بصيغة واحدة و أبعتوها لرينو فرنسا

الله يبشركم ياجماعه انا لسه مكملناش ال 5000 بس كده حنوديها فين

وبعدين موظف زى ده ميستاهلش من الاخر المرتب اللى بياخده ده لازم يتعمل فيه شكوى وكمان تعمل شكوى فى حمايه المستهلك عشان ده حقك فى الضمان والتوكيل ولا انا غلطانة ياجماعه؟؟؟؟؟؟

معلش يا باشا هى عربيتك نوعها أيه ؟

لما عملت صيانة ال 1000 في الإسكندرية بعدها بعده ايام اتصلوا بيه و سألوني عن اخبار الصيانة و رأيي فيها . قلت لهم كويسة بس عندي عضة في المرشيدي مش علي طول كانت قبل الصيانة بحس بها علي طول و دلوقتي اخف . ردوا عليه و قالوا لي وديها تاني . فهل المفروض هما يتصلوا بالعملاء بعد الصيانة و الا هي جت معايا كده .

أفضل مكان أعمل فيه صيانة للوجان فين؟؟

اقتباس:

---

المشاركة الأصلية كتبت بواسطة SeiffoZ

أفضل مكان أعمل فيه صيانة للوجان فين؟؟

---

والله يا استاذ سيف باللى احنا شايفينه دة نعمل الصيانة فى البيت افضل
لكن نصيحتى ليك لو عندك ملحوظة فى العربية ومتحلتش ماتخدش العربية وتمشى
لا اتمسك بحقك .. يا يحلولك الملحوظة ... يا يقنعوك بالرئى الاخر
................................
عموما انا المرة الوحيدة اللى رحت فيها الصيانة فى توكيل العامرية كنت رايح متحفز جدا
لكن لاقيت المستوى جيد غير ما كنت متصور لكن طبعا دة لا يمنع من وجود بعض السلبيات نتيجة الزحام
وهى سلبيات غير فنية حتى الان ولكن بعض السلبيات من مهندسين الاستقبال فقط .. ودى تجربتى المتواضعة :satelite:

انصحك بعمل الصيانه فى فرع الاسكندريه ممتازين جدا معايا ميجان 2 من 2006 لحد دلوقت لو فى مشكله ادخل على مدير الورشه كله يبقى تمام

اللوجان زحمت الدنيا

اقتباس:

---

المشاركة الأصلية كتبت بواسطة Amr_Moh

اللوجان زحمت الدنيا

---

عندك حق بس ديه مشكلتهم هما مش مشكلتنا احنا :satelite:

اقتباس:

---

المشاركة الأصلية كتبت بواسطة Amr_Moh

اللوجان زحمت الدنيا

---

:Ta_clap[1]:

اقتباس:

---

المشاركة الأصلية كتبت بواسطة bishoy02010

عندك حق بس ديه مشكلتهم هما مش مشكلتنا احنا :satelite:

---

لازم يحلوها فعلاً لو عايزين يحفظ على حجم المبيعات


بس إنت ازاي اقتنعت تنزل من ب م للوجان

اقتباس:

---

المشاركة الأصلية كتبت بواسطة amr_moh

لازم يحلوها فعلاً لو عايزين يحفظ على حجم المبيعات


بس إنت ازاي اقتنعت تنزل من ب م للوجان

---

لما تكون موديل 77 واللوجان 2010 يبقى هقتنع بس بينى وبينك فى حاجات فى البى ام متتعوضش

السلام عليكم
أنا رحت عملت صيانة الـ 5000 من أسبوعين،
روحت لمهندس الإستقبال وحكيت ليه على المشاكل وكان رده يبين الأقواس:
1 - ماكانش فيه مشاكل من حيث حرارة التكييف (قاللى مش كل العربيات)
2 - نتشة الفتيس والدبرياج (قاللى دوس الدبرياج للأخر)
3 - الباب اللى ورا السواق تقيل شوية (هاينعم مع الوقت)
4 - لمبة ال stop معلقة (كتب فى التقرير إن يكشفوا على أنوار العربية)
بعد حوالى ساعة قالولى تعالى إستلم، لقيت العربية بترابها، هل المفروض يغسلوها؟ :U_thin1[1]:
ولقيت لمبة الـ stop زى ماهية، يعنى ماعملوش حاجة
طبعاً رفضت استلمها وخليت مهندس الإستقبال يستدعى فنى من الورشة لرؤيتها، قال ليه إن مكنة الـ stop بايظة وهاتتغير فى الضمان فصوروا الرخصة. وبعد ربع ساعة رجعولى العربية وكل شئ تمام.
الخلاصة: ماتمشيش من غير ماتكون مقتنع ولو عندك مشكلة حقيقية بشوية إصرار هايحلوهالك
معذرة على الإطالة

كلام حضرتك صح اني كان المفروض مش امشي غير لما كل حاجة تتعمل مظبوط وزي مانا عاوز بس مشكلتي اني مش كان ينفع اسيب العربية خالص تبات لاني ببساطة رايح استلمها بعد شغلي وكانت حوالي 4.45 وكمان انا اتعقدت من المهندس اللي كان معايا فا كان كل همي امشي بيها واروح مكان تاني المقطم مثلا يعملوها

هو انا عامل الشكوي من اول امبارح وقالولي في خلال 48 هانرد عليك واهو مستني الرد يا مسهل يارب

عاوز اقول لحضرتك اني موضوع العضة بتاعة المارشيدير قاللي انهم غيروا زيت الفتيس وراحت تمام هي فعلا راحت الحمدلله بس الفتيس بقي نقلاته تقيلة جدا والاول بيجي بصعوبة لدرجة اني اوقات بطلع علي التاني ...طبعا ده ماكانش موجود قبل ماروح كان الفتيس كويس س فيه عضة وانا بجيب المارشيدير بس

نسيت أقول إن أنا روحت لفرع المقطم لأنه أقرب لى جداً
بس لو كان فرع العبور كنت عملت نفس الكلام

اقتباس:

---

المشاركة الأصلية كتبت بواسطة frhateg

لما عملت صيانة ال 1000 في الإسكندرية بعدها بعده ايام اتصلوا بيه و سألوني عن اخبار الصيانة و رأيي فيها . قلت لهم كويسة بس عندي عضة في المرشيدي مش علي طول كانت قبل الصيانة بحس بها علي طول و دلوقتي اخف . ردوا عليه و قالوا لي وديها تاني . فهل المفروض هما يتصلوا بالعملاء بعد الصيانة و الا هي جت معايا كده .

---

أنا قريت من وحوش كتير إنهم بيتصلوا لكن واضح إنهم بيتصلوا بعينات عشوائيه يعني مش كل إللي بيعمل صيانه بيتصلوا بيه ...أنا شخصيا عملت صيانة ال 5000 من حوالي شهرين و محدش كلمني منهم. و تقبل تحياتي.

انا اتصلت بيهم امبارح وقولتلهم انا عامل شكوي ومحدش عبرني بجد بجد لو مش اتحركتوا انا هابلغ جهاز حماية المستهلك ولو مش عمل حاجة انا هاعرف ازاي ابعت الشكوي للشركة الام في فرنسا قاللي يا فندم حضرتك الشكوي بتاخد 48 ساعة من تاني يوم مش من ساعتها قولتله يعني افهم من كلامك اني بكرة هايكون فيه رد قالللي ان شاء الله قولتله ماشي ربنا يسهل ويكون كلامك بجد مش تسكيت

توكيل رينو من التوكيلات المحترمة ياجماعة شكله كدة اخد عين بس نرجع ونقول لا يأس مع الحياة ولا حياة مع اليأس:ask:

اقتباس:

---

المشاركة الأصلية كتبت بواسطة hardlive

للامانة برضه انا حبيت اقول اني توكيل العبور كلمني امبارح واللي كلمني سمع مني كل حاجة بهدوء وسابني اقول كل حاجة حصلت وقاللي اتشرف بيك تجيلي يوم الثلاثاء ان شاء الله ....

---

http://www.nilemotors.net/Nile/136024-a.html

ياجماعة فى حاجة مهمة جدا لازم تعرفوها لما يكون فى حاجة فى العربية ودى العربية التوكيل عشان الحاجة دى بس
ومتوديهاش فى مواعيد الصيانة لاتهم فى مواعيد الصيانة غالبا لا يعملوا اى شئ فى العربية الا الصيانة للعربية فقط ةلا يصلحوا العيوب المطلوبة

اقتباس:

---

المشاركة الأصلية كتبت بواسطة mmg

ياجماعة فى حاجة مهمة جدا لازم تعرفوها لما يكون فى حاجة فى العربية ودى العربية التوكيل عشان الحاجة دى بس
ومتوديهاش فى مواعيد الصيانة لاتهم فى مواعيد الصيانة غالبا لا يعملوا اى شئ فى العربية الا الصيانة للعربية فقط ةلا يصلحوا العيوب المطلوبة

---

والله فعلا فكره كويسه ...ممكن تكون مكلفه من حيث الوقت و المجهود "لأن معظمنا بيقطع مسافات علشان يوصل لأقرب وكيل بالنسبه له" بس لو ده هو الحل خلاص تتعمل مره أو مرتين و نظبط كل حاجه ونرجع تاني للصيانات الدوريه. وتقبلوا تحياتي.

اقتباس:

---

المشاركة الأصلية كتبت بواسطة mmg

ياجماعة فى حاجة مهمة جدا لازم تعرفوها لما يكون فى حاجة فى العربية ودى العربية التوكيل عشان الحاجة دى بس
ومتوديهاش فى مواعيد الصيانة لاتهم فى مواعيد الصيانة غالبا لا يعملوا اى شئ فى العربية الا الصيانة للعربية فقط ةلا يصلحوا العيوب المطلوبة

---

بالاضافه لده فى نصيحه مهمه كان حد من كبار القسم الى ليهم خبره فى التعامل مع التوكيل قالها وهى أن يستحب أنك لما تروح تركز على اهم حاجه عندك يعنى تحاول تقول على حاجه واحده بس