انا هستلم ماتريكس الاسبوع الجاى اية هى مميزاتها وعيوبها واية الى اعملة اول مستلمها
عرض للطباعة
انا هستلم ماتريكس الاسبوع الجاى اية هى مميزاتها وعيوبها واية الى اعملة اول مستلمها
5lik 5fif 5fif 3la al 3rbya 3shan al korean 3omr osir w msh btt7ml dh r2ii 3n tgrba m3 hyundai
IBIIIIIIIIIIIIIIIIIIIIIIIIIIIIIIIIIIIIIIIIIIIIIZZZ ZZZZZZZZZZZZZZZZZZZZZZZZZAAAAAAAAAAAAAAAAAAA FOR EVER
كرونة ازاى هى الماتريكس مش جر امامى يبقى فيها كرونة ازاى
اعتقد ان قصده الكوري korean مش الكورونه عموما الف مبروك يا باشا ربنا يعطيك خيرها ويكفيك شرها
الماتريكس من افضل السيارات من جوه الكابينة
ربنا يخليك وانشاء الله لما استلمها هجبلكم كل اخبارها معايا اول بأول
الف مبروك وربنا يديك خيرها . العربية مرييحة ناس كتير يا رب تبقى منهم .
بس ياريت ماتركبش ديفيندر العربية اصلاً ابعادها صعبة على اللى حواليك . عشان مش كل شوية تلاقى حد بيريحك عليك .
الف مبروك يا باشا ربنا يعطيك خيرها ويكفيك شرها
ألف مبروك و أحسنت الاختيار ... الماتريكس عربية عملية جدا و محركها ذو قدره و تكنولوجيا جيده و علي الرغم من ثقل وزنها ( أكتر من 1300 كجم ) اللا انك هاتندهش من سحبها .... بس طبعا أكيد مش هايبقا زي الانترا بشكليها و الجيتز ال 1600 و الفرنا ال 1600 لأن طبعا في فرق في الوزن ...
العربيه عملية جدا جدا لأبعد ما تتخيل و مساعدين العربيه و السوست ناشفين شويه ( يعني ماتحسش كده انها عربيه جديده و ناعمه زي الانترا مثلا ) و ده لانها ميني فان يعني من الأخر نص نقل !!!
أنا كنت مره رحت أجيب واحد صاحبي من المطار و كان معاه كمية شنط من تقلهم السير في المطار ماعرفش يمشي بيهم ... تخيل لما حطيتهم في الماتريكس العربيه مانزلتش بطه علي الأرض و كنت باخد المطبات بحريه فامتزعلش ان العربيه ناشفه شويه ده بس عشان هي عربية متعددة الأغراض ( Multi Purpose Vehicle )
و طبعا مش هاقولك بقي علي أماكن التخزين المتعدده في كل حته و تحت الكراسي و حوامل الأكواب و الصواني ماتعدش .... من الأخر أنا بعشق عربيتي و أعتقد انك هاتقع في غرامها زيي ان شاء الله !!!
اياك اياك اياك من حاجتين !!! :
1 - البنزين يبقي 92 و اوعي تقرب من ال 90
2 - العربيه ماتعرفش طريق المدينة الصناعيه فين .. ماتعرفش تروح غير أبو رواش بس !!! تعمل الصيانات بانتظام و ماتفكرش تروح اللا التوكيل مهما كان العطل ...
أنا بعمل كده من ساعت ما جبتها و الحمد لله عربيتي دلوقتي عامله 70000 كيلو و لسه زي الزيرو و الزيت بيعد ال 10000 كيلو مش بينقص نقطه و المساعدين كفائتهم 75% و هما بييجو في العربيه و هي زيرو أصلا 85% , و لو شفتها ماتقلش أبدا انها عامله 70000 ... أنا مش بقر علي عربيتي بس بجد ماترحش اللا التوكيل و ماتسمعش كلام حد يقول لك روح كده وللا كده ..
و ربنا يباركلك فيها يا رب و صدقني ماتبصش للكوروللا مثلا في الشارع بحقد لان الماتريكس لو اعتنيت بيها كويس هاتديك عمر و أداء أحسن من ميت كوروللا !!!
ايوا انا حاسس بالموضوع ده من اول ماستلمت العربيه وكنت حاسس ان فيها حاجه غلط!
طب انتا بتحس ان العفشه ليها صوت شويه في المطبات؟ ان بحس بصوت تهبيد خفيف كده مش عارف ده طبيعي ولا لأ....
ياريت تقولي عشان انا رايح اعمل صيانه الالف كيلو قريب و عايز اعرف لو في حاجه عشان اقولهم
يؤسفني يا أخي اني أقول لك ان الماتريكس فيها عيبين اكتشفتهم بعد عشره 3 سنين و 70000 كيلو ... العيب الأول ان عفشة العربيه دي بتحتاج طربيت من الوقت للتاني و ده لأن وزن العربيه الكبير ده و ارتفعها بيعمل عزم كبير جدا علي العفشه و انت بتحود يمين و شمال .. ماتقلقش دي كلها تربيطات هايعملوها لوحدهم في الصيانه من غير ماتقولهم ....
العيب التاني ان الماتريكس مش بتحتفظ بزواياها لفتره طويله و بتحتاج لضبط زوايا من وقت للتاني و ده لنفس الأسباب برده ...
و لازم تتعايش مع العيوب دي و تحب عربيتك زي ما أنا بعشقها و اللا تبيعها بقي و خلاص
شكرا يا باشا على الردود الجامدة دى وانا انشاء الله هعمل زى منتا قولتلى وهعملها صيانة دايما فى التوكيل بس هى بتحتاج تربيط عفشة كل قد اية؟
كل 5000 كيلو يعني كل ما هاتروح الصيانه و هاتحتاج ضبط زوايا كل 10000 كيلو و لو انت بتمشي في طرق مش كويسه يبقي برده كل 5000 كيلو ....
ربنا يوفقك ان شاء الله
العفشه فيها صوت لأنها محتاجه تربيط و ده امر طبيعي ...بس ممكن يكون اللي انت سامعه صوت الكاوتش مش أكتر و ماتنساش ان الكاوتشات الورانيه تقريبا معاك في العربيه و صوت دوشتها بيبقي ملحوظ بشكل كبير ... و مع الوقت هاتقدر تميز اذا كان صوت الكاوتشات العادي و للا صوت تخبيط عفشه
ليه تقلق ... ان شاء الله مفيش حاجه ... ممكن يكون صوت الكاوتش و طبعا هاتتعود عليه مع الوقت لأني كنت مستغربه برده أول ما جبت العربيه دي بس بعد كده اتعودت عليه
الماتركس عربيه جميله ومفيش عيوب مؤثره بس لو حتشتري عربيه ع الزيرو نصيحه انك تامن عليها تامين شامل واشتري دماغك
الماتركس من افضل العربيات الموجودة حاليا فى مصر
وفيها مميزات كثيرة وامكانيات عالية بالمقارنة بسعرها واسعار باقى السيارات اللى فى نفس المستوى
الماتريكس من افضل العربيات من حيث القيمة مقابل السعر
شكرا يا باشا على الردود بس اية رأيك اركب اكصدامات معدنية ولا بلاش اصل شكلها بالاكصدامات شديدة مووت
اسمع نصيحتي و بلاش لعدة أسباب :
1- ان الاكصدامات دي غير قانونيه و أنا رخصتي اتسحبت مرتين بسبب الموضوع ده و المشكله مش فكده المشكله انك لازم تروح تفحص بعد ماتكون شلت الاكصدامات عشان تاخد رخصتك تاني ... و فك و تركيب الزفت ده مش سهل و مش أي حد بيعمله ...
2- الأكصدمات دي خطر علي شاسيه العربيه في حالة التصادم القوي و خصوصا الاكصدام الخلفي خطر علي قنطرة الشاسيه الخلفية ... و اسال مجرب لاني اتخبط مره من ورا و المهندس في غبور قال لي لما رحت وديتلهم العربيه اني أحمد ربنا ان الخبطه مش جامده و اللا كنا هانحتاج نغير القنطره دي ... و رغم كده في علبه مقفوله بتبقي ورا أكصدام العربيه الخلفي اسمها الظهر دي غيرتها عندي بسبب الاكصدام ده لانه مربوط بيها بشكل مباشر ....
ثم ان الماتريكس ميني فان مش 4*4
صدقني أحسن حماية ليها هو التأمين تبع غبور ...
بعد كده بقي انت حر ...
بمناسبة التامين فيه شركات تأمين بتعمل تأمين شامل بما في ذلك السرقة والحوادث والتصليح في التوكيل اول 5 سنوات و ب 1.5 % من قيمة السيارة
يعني الماتركس ممكن تكون بحدود 1200 في السنة وتشتري دماغك
موضوع التأمين ب1200 اشك فية
لان انا لسة جايب الماتركس ومأمن عند الجمعية المصرية للتأمين وبعد الخصومات والفصال دفعت 1900 جم عن سنة لان النسبة 1.8% من العربية + شوية رسوم اخرى بتعمل 1900 جم بالضبط
بسم الله الرحمن الرحيم
بالنسبة للعربية الماتركس عربية لها مميزات وعيوب
والحمد لله مميزاتها اكتر من عيوبها
بالنسبة لمميزاتها تشمل الصاج الجيد والسرعة والجير الممتاز والثبات على الطريق
والعلو عن الأرض والعفشة القوية جدا وانها عائلية جدا وقطع غيارها اسعارها معقوله مقارنة بالياباني مثلا وعربية زي الفل وموتورها كويس جدا وناعمة،،
أما عيوب الماتركس تتلخص في مشكلة واحدة بس وهي في كل الماتركس بلا استثناء ـ على فكره دي تاني ماتركس اجيبها وكل اسرتي عندها ماتركس 2006 و 2007 و 2008
وفيهم نفس المشكلة وهي الدبدبة والتخبيط في الكوتش سواء الأمامي أو الخلفي بطريقة مفزعة تضايق اللي يركبها وما يعرفش العيب ده ، وتضبيط هوا الكوتش بيقلل الموضوع نسبيا ولكن مش نهائيا ،، ودي المشكلة الوحيدة في الماتركس وبعد تجارب واسئلة ومعايشة لتالت سنة مع الماتركسات اتضح انها ليست الا مشكلة صوت مزعج لكن مفيش اي تأثير منه على العفشة او القواعد او الكلام ده خالص ،، فعلى بركة الله اشتريها وهي عربية جميلة وخصوصا على الطريق ممتعه.
ومش هتلاقي اي اجابة وافيه غير اللي انا قلته بعد الخبرة الطويلة مع العربية دي والحمد لله ،،
شكرا على الرد وانا جبتها بقالى فترة والحمد لله معايا عشرة على عشرة ومفيش مشاكل لحد دلوقتى ويارب تفضل على كدة على طول
السلام لكل الناس , عموما دى اول مشاركة لي فى المنتدى , انا معايا ماتركس بالى سنة و الحمد لله العربية بعتبرها ideal deal , كل حاجة فيها perfect و دة مش كلام واحد و خلاص لكن كمان عن دراسات
1- الصاج متين احسن من كل العربيات الاسيوية حتى اليابانى و يقارب صاج العربيات الاوروبية
2- موتور عزمة معقول جدا و مخلى تسارع العربية هايل ( بس اكيد مش زى ال 120حصان بتاع الالنترا او السيفيك او التويوتا الجديدة - على فكرة all the same مش حاجة اسمها 140 حصان - دة كلام نصب علنى و علشان كدة احترم شركة غبور لانهم ماكذبوش فى نقطة ال HP )
3- very very very stable انا سوقت على 170 كم \س و العربية بعمل بيها اللى انا عايزه و زيادة كمان - العربية على سرعة 120 بتحس انك سايق على 50 كم\س
4- القعدة مريحة جدا بالنسبة السائق او غيرة
5- اتساع داحلى لا يوجد فى اي عربية تانية
6- التقفيل الكورى ممتاز و الخامات حلوة و long live
7- العفشة ممتازة و صوتها بيلين مع الوقت - يمكن تكون ناشفة شويتين لكن دة معمول مخصوص للعربية علشان هى mini -van و دة يخليها more durable يعنى تعيش اكتر من العفشة العادية لو انت ما بتحملش loads على العربية
والعربية تستهال اكتر من فلوسها و حتى استهلاك البنزين فى المتوسط زى العربيات الاوروبية ال1600 هو بينقى اعلى فتــفـوتة علشان الوزن اكتر ( 1325 كجم بالنسبة للمتركس ) و كمان ال 16 صباب اعلى من ال 8 صباب
العربية مافيهاش عيب لدرجة انها حصلت على المركز التانى فى المينى فان فى اوروبا و دة الينيك للى عايز يتاكد
http://www.whatcar.com/news-special-...291&EL=3161166