اهلا بيك معانا يا اسلام
بص يا سيدى انا هتكلم عن موديل 1998 لان دى الى معايا و عارف فيها كل حاجه انما الموديلات الجديده بصراحه معرفش عنها كتير و يا ريت اى احد من الاخوه الى عنده موديلات جديده يفيد اسلام فى النقطه دى
اولا: العربيه دى يابانى خالصه مخلصه ينى تقريبا اخر موديل طلع صنع فى اليابان لان كل الجديده تقفبل بره سمعت اسرائيل و مالزيا و الله اعلم الاخوه يفيدوك برده لو انا غلطان
ثانيا:موتور العربيه سعته1600 سى سى بقوه 95 حصان موتور بوكسر.... و لو عاوزه تعرف اكتر عن مواتير البوكسر ادخل على الرابط دا
http://www.youtube.com/watch?v=-G5TcWg0TMc
ثالثا :ثبات العربيه اكثر من ممتاز بفضل الموتور البوكسر و تصميم العفشه
رابعا :تكيف العربيه تلاجه فى جميع الاجواء
خامسا: قطع غيارها موجوده و انا ممكن اقولك تجيبها من عند مين بالظبط و باسعار ممتازه
سادسا:فرامل العربيه اكتر من ممتازه و على سرعات عاليه كمان
سابعا: العربيه تصميمها روعه حيث ممكن تعدل فيها زى منتا عاوزه و ممكن اقولك على الناس الى بيعدلو برده و عندهم حاجتها كلها
الاهم بقى الميكانيكى الى هتتعامل معاه
انا ان شاء الله اقولك على ميبكانيكى استاذ سوبارو و بيفهم فيها جدا و معاملته ممتازه و انسان محترم يعنى مش هتتعب فى الحته دى
اى استفسار تانى انا فى الخدمه و اتمنى تنضم العائله السوبارو قريبا و صدقنى مش هتندم
اه نسيت اقولك العربيه جميع الكماليات زجاج كهربائى الاربعه و مرايات كهربا و باور و تكييف و سنتر و التانك و الشنطه من الداخل و زورار مانع الانزلاق السياره لو ماشى على مايه