68000 كم عملتها بالياريس .. وما عملتش صيانة لحد دلوقتي

ياجماعة عربيتي ياريس 2008 عاملة 68000 كم ولغاية دلوقتي أنا معملتش ليها صيانة (بإستثناء الزيت والفلتر)
من فترة حسيت العربية مش متزبطة ... أنا من أسيوط و بشتغل دكتور ومش فاضي أروح التوكيل ... أرجوكم عايز أعرف بعض المعلومات عن:
1- الكاوتشات تتغير علي أمتي !! وهل أغير ال 2 الأمامي ولا كل ال 4.. وإيه أحسن ماركة (بردجستون ولا ميشلان)
2 - تيل الفرامل برضه يتغير المفروض علي كام !!وهل أغير الأملي بس ولا معاه الخلفي
3 - السيور : (سير الكاتينة) أغيره أمتي ... قرأت مرة واحد في المنتدي بيقول أنه جنزير مش زي بقية السيور ؟؟؟ و (سير الدينامو والباور) أغيرعم كل أد أيه؟؟
3- فلتر الهوا .. أغيره كل أد أيه؟؟
4- فلتر البنزين .. أغيره كل أد أيه؟؟

وشكرأ

الكلام ده كله موجود فى كتيب المالك بتاع العربية و فى كل الاحوال حضرتك عديت الحاجات ديه كلها و لازم تغيرها و طبعا التيل و الكوتش على حسب الاستخدام

طبعاً اهمال الصيانة له بالغ الضرر على العربية ,, خذ اجازة من الشغل واحجز في التوكيل للصيانة واذهب للصيانة وحوش مبلغ محترم لتغيير قطع الغيار الازمة

اقتباس:

---

المشاركة الأصلية كتبت بواسطة tamer273

ياجماعة عربيتي ياريس 2008 عاملة 68000 كم ولغاية دلوقتي أنا معملتش ليها صيانة (بإستثناء الزيت والفلتر)
من فترة حسيت العربية مش متزبطة ... أنا من أسيوط و بشتغل دكتور ومش فاضي أروح التوكيل ... أرجوكم عايز أعرف بعض المعلومات عن:
1- الكاوتشات تتغير علي أمتي !! وهل أغير ال 2 الأمامي ولا كل ال 4.. وإيه أحسن ماركة (بردجستون ولا ميشلان)
2 - تيل الفرامل برضه يتغير المفروض علي كام !!وهل أغير الأملي بس ولا معاه الخلفي
3 - السيور : (سير الكاتينة) أغيره أمتي ... قرأت مرة واحد في المنتدي بيقول أنه جنزير مش زي بقية السيور ؟؟؟ و (سير الدينامو والباور) أغيرعم كل أد أيه؟؟
3- فلتر الهوا .. أغيره كل أد أيه؟؟
4- فلتر البنزين .. أغيره كل أد أيه؟؟

وشكرأ

---

يا سيدي الفاضل لازم تراعي عربيتك عشان العربية تراعيك
أنا معايا ياريس برضه وبروح التوكيل كل 10000 كله عشان الصيانة
بص أنا غيرت الكاوتش في 55000 ألف وجبت كومهو
وجانطها جنوط صبور 15 وفرق شوية في الثبات
أما عن فلتر الزيت والهوى والبنزين ده كل 10000
سير الكتينا يا محترم بعد 65000, يعني الحق نفسك
تيل الفرامل عند 25000
سير الدينامو والبوار مغيرتش لسة
لازقين غيرت بطارية

بالمناسبة أنا عامل 63000 كيلو

وربنا يحفظك ويباركلك في العربية

تحياتي

ياه .. أنا مكنتش أعرف أن القصة دي مشكلة قوي كده ... أنا قرأت في المانيوال بتاع العربية و الكلام ده مضبوط
بفكر أعمل توكيل لسواق جدع كده ويخلصني من القصص دي
بس أنا معرفتش برضه أغير لبردجستون برضه زي ال original ولا حاجة تاني ... أنا لاحظت أن الفردتين اللي قدام مدعوكين بس اللي ورا معقولين ... طب حد يعرف أيه أسعار الأطارات دي بكام؟؟

متشكر أوي جماعة

اقتباس:

---

المشاركة الأصلية كتبت بواسطة tamer273

ياه .. أنا مكنتش أعرف أن القصة دي مشكلة قوي كده ... أنا قرأت في المانيوال بتاع العربية و الكلام ده مضبوط
بفكر أعمل توكيل لسواق جدع كده ويخلصني من القصص دي
بس أنا معرفتش برضه أغير لبردجستون برضه زي ال original ولا حاجة تاني ... أنا لاحظت أن الفردتين اللي قدام مدعوكين بس اللي ورا معقولين ... طب حد يعرف أيه أسعار الأطارات دي بكام؟؟

متشكر أوي جماعة

---

نصيحة اعمل حاجتك بنفسك و الموضوع كله يخلص فى يوم ان شاء الله و موضوع الكوتش ده انت بتغامر المفروض احسن كوتش يبقا قدام و انت قلت مدعوكين البريدجستون كويس بس غالى مش عارف السعر الصراحة و ربنا يستر طريقك

اقتباس:

---

المشاركة الأصلية كتبت بواسطة mokhtarm

يا سيدي الفاضل لازم تراعي عربيتك عشان العربية تراعيك
أنا معايا ياريس برضه وبروح التوكيل كل 10000 كله عشان الصيانة
بص أنا غيرت الكاوتش في 55000 ألف وجبت كومهو
وجانطها جنوط صبور 15 وفرق شوية في الثبات
أما عن فلتر الزيت والهوى والبنزين ده كل 10000
سير الكتينا يا محترم بعد 65000, يعني الحق نفسك
تيل الفرامل عند 25000
سير الدينامو والبوار مغيرتش لسة
لازقين غيرت بطارية

بالمناسبة أنا عامل 63000 كيلو

وربنا يحفظك ويباركلك في العربية

تحياتي

---

فلتر الهواء كل 20 الف والبنزين كل 60 الف مش 10 والتيل علي حسب الاستخدام بس هو في المانيوال ممكن يقعد لحد 50 او60 الف كم

اقتباس:

---

المشاركة الأصلية كتبت بواسطة tamer273

بفكر أعمل توكيل لسواق جدع كده ويخلصني من القصص دي

---

انا مفهمش في القصة الفنية دي قوي بس الواضح ان في حاجات كتير لازم تتعمل ومتقلقش نفسك

ومش لازم تعمل توكيل لحد علشان يصلحلك عربيتك

انت هتحجز في التوكيل وتبعت اي حد وتخليهم يعملوا اللازم وكله بالفواتير بعيد عن اي حوارات

انما اللي اقصده انك متعملش توكيل لاي حد لانه ملوش اي لازمة

:satelite:

انت هتبوظ العربيه على فكره

يا أبو صلاح التوكيل ده هاعمله لسواق عشان أنا مش فاضي أروح أزبط العربية ... عشان الراجل هايسافر بيها حوالي 400 كم من أسيوط للقاهرة ... وطبعا الكماين واللجان علي الطريق الله ينور ...
أنا كان نفسي يفتحوا مركز صيانة تويوتا في الصعيد ...تخيل حضرتك أن كل ميكروباصات المواقف اللي بتنقل الناس بين مدن الصعيد وبعضها وكمان اللي بتنقل بين المراكز والقري 95% ماركة تويوتا و حوالي 30% منها HI-Ace موديلات 2009 و 2008 (عشان مفيش ترخيص بيطلع لأي ميكروباص إلا بموديل السنة بتاعته).. ناهيك عن كم سيارات تويوتا الملاكي ... المفروض مراكز الخدمة والصيانة تبقي أكثر من كده ..

و بعد كده مركز صيانة أبو رواش ده أنا عمري مارحته ومعرفش أصلا هو مكانه فين و لا نمرة التليفون حتي ...
أنا مش هاستخدم العربية إلا لما ألاقي وقت أزبطها
بس يا جماعة لو حد يعرف حاجة تاني لازم أغيره بالمرة يقوللي ...

اقتباس:

---

المشاركة الأصلية كتبت بواسطة tamer273

يا أبو صلاح التوكيل ده هاعمله لسواق عشان أنا مش فاضي أروح أزبط العربية ... عشان الراجل هايسافر بيها حوالي 400 كم من أسيوط للقاهرة ... وطبعا الكماين واللجان علي الطريق الله ينور ...
أنا كان نفسي يفتحوا مركز صيانة تويوتا في الصعيد ...تخيل حضرتك أن كل ميكروباصات المواقف اللي بتنقل الناس بين مدن الصعيد وبعضها وكمان اللي بتنقل بين المراكز والقري 95% ماركة تويوتا و حوالي 30% منها hi-ace موديلات 2009 و 2008 (عشان مفيش ترخيص بيطلع لأي ميكروباص إلا بموديل السنة بتاعته).. ناهيك عن كم سيارات تويوتا الملاكي ... المفروض مراكز الخدمة والصيانة تبقي أكثر من كده ..

و بعد كده مركز صيانة أبو رواش ده أنا عمري مارحته ومعرفش أصلا هو مكانه فين و لا نمرة التليفون حتي ...
أنا مش هاستخدم العربية إلا لما ألاقي وقت أزبطها
بس يا جماعة لو حد يعرف حاجة تاني لازم أغيره بالمرة يقوللي ...

---

فهمت قصدك من موضوع التوكيل ده
بس فعلا انت لازم تعمل الموضوع ده في اقرب وقت
وممكن تحاولى تقدم في الشكاوى والاقتراحات بفتح فروع في الصعيد
وابورواش على اول الطريق الصحراوي عن كارفور القاهرة

اقتباس:

---

المشاركة الأصلية كتبت بواسطة mokhtarm

أما عن فلتر الزيت والهوى والبنزين ده كل 10000
سير الكتينا يا محترم بعد 65000, يعني الحق نفسك
تيل الفرامل عند 25000
سير الدينامو والبوار مغيرتش لسة
لازقين غيرت بطارية

---

الزيت + فلتر الزيت كل 10000
فلتر الهواء والبوجيهات كل 25000
فلتر البنزين (التوكيل بيقول كل 100000 )
سير الكاتينه (جنزير) كل 150000
سير الدينامو كل 45000
زيت الباور- زيت الفرامل - سائل التبريد- زيت الفتيس للأتوماتيك كل 45000
تيل الفرامل لما يحتاج
الكاوتش: 50000 إلى 55000

وده طبقا وكلام التوكيل

شكرا يا Mohd أنت جبت من الآخر

قبل ما تسافر بالعربيه او تروح في اي مكان لازم تغير الكاوتش (الاربعه) مفيش كاوتش يقعد ٦٨٠٠٠ كم خصوصا في شوارع مصر. ركب بريدجستون او ميشلان الاتنين كويسين... بس المهم تجيبهم من عند حد محترم و مخزنهم صح و يكون تاريخ الصناعه مش قديم و طبعا يكون نفس المقاس اللي عندك. يفضل تخليك في البريدجستون لانه منتشر اكتر.

بكام الكاوتش البريدجستون

انصحك لو مصمم على التوكيل يكون توكيل ادارة (حرص ولاتخون)

---- انصحك لو مصمم على التوكيل يكون توكيل ادارة (حرص ولاتخون) ---


مش فاهمك ياباشا !!!

اقتباس:

---

المشاركة الأصلية كتبت بواسطة tamer273

---- انصحك لو مصمم على التوكيل يكون توكيل ادارة (حرص ولاتخون) ---


مش فاهمك ياباشا !!!

---

يقصد يقولك انه ما يكونش توكيل بالبيع والشراء يقصد توكيل إدارة للسيارة فقط لكنه لا يسمح بالبيع او التصرف في السيارة

التوكيل اللي في ابو رواش ده إدارة ؟؟؟

معلش سؤال كده علي السريع ؟؟؟
هو فلتر الهوا لما يكون عايز يتغير ممكن يخلي صوت الموتور عالي خاصة ف السرعات العالية ؟؟؟

اقتباس:

---

المشاركة الأصلية كتبت بواسطة tamer273

التوكيل اللي في ابو رواش ده إدارة ؟؟؟

---

توكيل ابو رواش صيانة و كل حاجة و فلتر الهوا لو مكتوم يخنق العربية و يعلى صوتها

اقتباس:

---

المشاركة الأصلية كتبت بواسطة tamer273

التوكيل اللي في ابو رواش ده إدارة ؟؟؟

---

يادكتور ، هو يقصد التوكيل اللي هاتعمله للسواق يكون توكيل بالادارة فقط وليس بالبيع ، لكن مايقصدش التوكيل اللي هاتصلح عنده العربية .

وبعدين بدل البهدلة دي، أسأل على المراكز المعتمدة من تويوتا عندكوا في اسيوط ، هايعملو نفس اللي هايعملوا في الصيانة بالظبط .

وحاول على الاقل قبل ماتسافر بيها لو أضطرييت ، انك تفك فلتر الهواء ويتنضف بكومبريسور هوا أو بلاور حتى ، وكمان يتفك البوجيهات وتتنظف بالبنزين كويس عند اي مكانيكي ، الموضوع ده مش هايخد 10 دقايق وحضرتك واقف ، لأن المسافة اللي هتسافر بيها كبيرة .

المشكلة أنه مفيش مراكز معتمده لتويوتا في أسيوط ... والمنتشر أكثر هي الكورولا مش الياريس .. وديت العربية لمركز صيانة هيونداي وقاللي أنه بيشتغل قي كل الحديث (الموديلات الحديثة يعني) ربط العفشة وغير البوجيهات وقاللي أنها كده تمام ... وبعد يومين ظهر تزييئ و أنا بشغل العربية وده غالبا من السيور ... رحت لتوكيل هيونداي مرة ثانية .. وقاللي مفيش حاجة ... وأنا خايف بس من قصة السيور دي

أمبارح حصلت حاجة غريبة
وأنا راجع بالعربية لقيت لمبة الموتور البرتقالي نورت (اللي جنب العدادات)... ولقيت العربية مش راضية تسحب خالص وماشية ببطء شديد .. وقفت العربية لمدة 15 دقيقة ثم شغلتها ثاني لقيتها اللمبة طفت والعربية بتسحب وزي الفل ... ده من سير الدينامو غالبا .. مش كده ؟؟.