و الله يا استاذ عمر , الجدل لو كان من غير هدف و نتيجه يبقي لغو مجالس و مضيعه للوقت , بمعني لو في اتنين او مجموعه من الناس بيتناقشوا في امر ما عظم او قل شأنه و كانوا يتمتعون بحسن النوايا تجاه بعضهم و متمتعين بالعلم الوافر الذي يخص الموضوع الذين يتناقشون فيه و قبل ذلك كله لديهم رغبه للوصول للحقيقه او حل للمشكله التي يناقشوها , فأنا اعتقد انهم سينجحون في الوصول لهدفهم و يستفيدوا و يفيدوا غيرهم , و الناس دي لو حصل بينهم اختلاف و ليس خلاف هيعرفوا يحترموا بعض و لن يحيدوا عن الهدف الأصلي للحوار و يدخلوا في معركه الغرض منها الانتصار للرأي الشخصي و فقط .
هي دي مشكله العرب و المصريين عموما و ده اللي جايبنا لورا , تعظيم الذات . يعني تبقي قاعد في اجتماع مثلا بتناقشوا موضوع مهم و تلاقي كل قسم او قطاع بيتشارك في حل المشكله بيرمي المشكله علي غيره و ان وجهه نظره هي الصحيحه المهم المشكله تبعد عنه وخلاص و النتيجه اجتماع للحناجر و الموضوع الأصلي بيضيع.
اذكر مقوله لأحد كبار اللأمه الأربعه ( رأي خطأ يحتمل الصواب و رأي غيري صواب يحتمل الخطأ) ما قالش العكس ولا قال يا عم انا امام و محدش يعدل عليا , و سيدنا عمر ابن الخطاب الذي وقف علي المنبر وتجادله امرأه و قال ( اخطأ عمر و اصابت المرأه ) ما استكبرش وهو امير المؤمنين و انتصر لرأيه مع انه يقدر . يا ريت نأخذ الناس دي قدوه نبراس وقدوه لينا.
المفضلات