اتنصب عليا من البنك و مش عارف اعمل ايه

**speed4speed** · 22-03-2010 07:50 PM

كنت بحط ايداع فى بنك مصر فى حسابى الجارى
كنت حاتط مبلغ مش كبير ( 300 الف ) و فجأه لقية صراف الخازنه بيقلى دول 295 الف !!!!
استغربت جدا مع انى كنت عادد الفلوس كويس
هى عامة مش مشكله ال5 الف
المشكله انى حاسس انى انضربت على قفايا فى الموضوع دا
أعمل ايه ؟؟؟

**Most_H** · 22-03-2010 07:55 PM

حضرتك كنت مركز معاه وهو بيحطهوم فى المكنة؟؟؟؟

**MRBEBO** · 22-03-2010 07:55 PM

يا خبر اسود 5000 جنيه وحضرتك بتقول مش مشكلة ؟!!!!!!!!!

ليه انت بتلاقي الفلوس في الارض ولا حاجة

يا باشا اطلب كشف حساب تفصيلي وراجع حسابك كويس وشوف ال 5000 جنيه دول راحوا ازي وهد الدنيا على دمغهم لو في اي غلط في الحساب

انا فاكر اني سحبت مرة مبلغ وبعدين الماكنة هنجت ومطلعتش الفلوس والفلوس اتسحبت من الرصيد

ولما اتصلت بخدمة العملاء قعدوا يستعبطوا ويقولوا لا انت سحبت الفلوس فعلا وفين وفين بعد اسبوع رجعولي الفلوس تاني

بلاش تسيب حقك متخليش الناس دي تطمع اكتر واكتر

فاكر واحد صحبي راح شركة صرافة في مصر الجديدة وكان بيغير عملة

الراجل اخد الفلوس منه وعدهم في مكتب داخلي ورجع قاله الفلوس نقصه 100 دولار

وصحبي متاكد مليار في الميه من الفلوس ... بس طبعا هتعمل ايه في النصبين

كانت غلطته انه مخلاش الراجل يعد الفلوس قدامه

**نور القمر** · 22-03-2010 08:03 PM

المفروض تكون استلمت ايصال بالايداع ومضوك على نسخة منه عندهم
طيب قبل ما تمضي ما شوفتش انت مضيت على كام ؟؟؟
متهيألي صعب النصب ... لان المفروض قبل الامضاء بنتأكد من الرقم في الايصال
اطلب كشف حساب ودور عندك على ايصال الاستلام

**Most_H** · 22-03-2010 08:10 PM

الموضوع يا جماعة ، انه راح يحط المبلغ، الراجل بعد ما عدهم علشان يودعهم، قاله نقصين 5000 جنية

يعنى الراجل فى وسط ما هو بيعد الفلوس، ضرب على 5000، والله اعلم

**نور القمر** · 22-03-2010 08:14 PM

طيب ازاي تسكت !!!!
المفروض مكنتش تسكت دي 5000 مش 50 جنيه
ولو صممت على موقفك اكيد كان البنك اتصرف وجرد الفلوس اللي مع الموظف

**MRBEBO** · 22-03-2010 08:16 PM

المشاركة الأصلية كتبت بواسطة most_h

الموضوع يا جماعة ، انه راح يحط المبلغ، الراجل بعد ما عدهم علشان يودعهم، قاله نقصين 5000 جنية

يعنى الراجل فى وسط ما هو بيعد الفلوس، ضرب على 5000، والله اعلم

يبقى نفس اللي حصل مع صحبي في مكتب الصرافة

بس ايه اللي جاب 500 لــ 5000

المفروض يا جماعة تبقوا عدين الفلوس كام رزمة وتخلوا اللي هيستلمهم عارف انك عارف عددهم

والاهم تبقى عينك عليه وهو بيحطهم على مكنة العد ... مش يعدهم في مكتب داخلي

الافضل من كده كمان شفت ناس بتعلم الفلوس باكلشيه او حاجة زي كده

ولدي كان بيعمل كده كان بيمضي امضاء صغير جدا على الفلوس بشكل مش واضح

والعلامة دي طبعا تضمنلك حقك مليون في الميه لانك بكده مميز فلوسك

**nabaster** · 22-03-2010 08:20 PM

اولا مع احترامي ليك انتا غلط علشان اولا الفلوس متعدتش قدامك وثانيا علشان سبت حقك ولو ان اصلا صعب تثبتها بس برضه كنت متسبش حقك وتعمل شوشره للموظف

المشاركة الأصلية كتبت بواسطة نور القمر

طيب ازاي تسكت !!!!
المفروض مكنتش تسكت دي 5000 مش 50 جنيه
ولو صممت على موقفك اكيد كان البنك اتصرف وجرد الفلوس اللي مع الموظف

لا يا نور ولا كان حد هيعرف يثبت علي الموظف حاجه ويوم ما تلاقي فلوس معاه هيقولك فلوسي

حصلت عند واحد قريبي ماسك مدير فرع لبنك مشهور وكان في صراف تحتيه نفس الحكايه كده الـ 100 الف يضرب منهم الفين مثلا

الـ 50 الف يضرب منهم 500 وحاجات زي كده كتير لحد ما الموضوع ابتدا يتكرر

واتقبض عليه متلبس اختلاس

ومحدش في كل مره كان يقدر يثبت عليه حاجه الا لما اخر مره كان متصور بكاميرا المراقبه بتاعة البنك الي كانت لسا متركبه جديد في المكان ده

A.Yakout

**أشرف العدوي** · 22-03-2010 08:29 PM

لو الفئة 50 جنيه
ممكن تلاقي روزمة وقعت منه او اتحطت في فلوس تانية
كنت المفروض تعمل محضر في البنك نفسه
و لما يعملوا جرد اخر اليوم هتبان الزيادة
يا اما الروزمة دي وقعت منك انت في عربيتك او مكتبك او في بيتك
كدة يعني
حاول تدور عندك الأول

**aif** · 22-03-2010 08:32 PM

غالبا ممكن يكون الغلط في رزمة فئة 50 جنيه
وممكن اوي يكون الغلط منك انت وتكون الفلوس مظبوطة ..... في المبالغ دي غالبا الغلط بيكون في عدد الرزم مش في عدد الاوراق داخل الرزمة .... يعني التركيز في العد المبدئي لعدد الرزم افضل من التركيز على الماكينة اللي بتعد
حصلت معايا في 2000 جنية ..... كلمت والدي ع الموبايل فورا وانا ع الشباك ( كان هو مديني الفلوس احطها في حسابه ) وطلع والدي اداني الفلوس ناقصه وانا طبعا ما عديتش وراه ..... والدي بقى
....
لو اتأكدت ان الفلوس كانت صح 100% روح لمدير الفرع مباشرة واحكيله .... ممكن يكون فيه كاميرات مراقبة وتقدر تثبت كدة .... وممكن يكون الصراف نصاب ويحطوه تحت المراقبة مستقبلا

الموضوع: اتنصب عليا من البنك و مش عارف اعمل ايه

LinkBack

أدوات الموضوع

عرض

اتنصب عليا من البنك و مش عارف اعمل ايه - انشر الموضوع فى :

-

-

-

-

-

المواضيع المتشابهه

الحقونىىىىىىىىىىىىىى اتنصب عليا

اتنصب عليا يا رجالة ..

حاولت اعمل خير اتنصب عليا

حاسس اني اتنصب عليا

الكلمات الدلالية لهذا الموضوع

المفضلات

المفضلات

ضوابط المشاركة