بيك بالموصافات دي يعمل كام cbr 400 model 94 في شوية شغل

يا جماعة انا دلوقتي قدامي واحدة هواندا cbr 400 عاده موديل 94 عاملة من 30 الي 40 الف كيلو
الي محتاجاه كله علشان في حجات صاحبها حيعملها
1- رش فيبر علي صاحب المكنة
2 جوز مرايات ,, ,, ,,
3 سكرينة
4 فرديتين كوتش
5 تيلين فرامل امامي و خلفي

مش حله موتور
يا ريت تفيدوني هي موجودة في محل في سيدي جابر بتاع واحد ايمه ولعة ولا حريقة , مش عارف
و صاحبها قالي انها مكتوبة في الرخصة 86 علشان الضريبة هل ده صحيح
ححاول اجيب صور ليه
ممكن اعرف ايه الي يحدد سعر البيك من 13000 الي 20000 يعني ايه حسب حالتها ايه الي يفرق مابين دي و مابين دي غير الفيبر و حل الموتور و اشاسيه و الكيلو مترات
عشان اقدر احدد قيمة البيك لوحدي اهو الواحد يتعلم عبال ما اشوف واحد فيكوا يجي معايا
معلش تعبتكوا معايا

اولا مافيش هوندا 400 عادة موديل 94 العادة سيان 400 او 250 اخرة موديل 89 يعنى دى ممكن تبقى موديل 88 او 89 مش اكتر ,, لو على كلامك انها مش حلة و موتور نضيف وماشية قول مثلا 35 الف كيلو تعمل 13 يوم ما تتنطط

طيب انا اصدق مييين في ناس حتي علي الفيس بوووك كانوا عارضين واحدة 400 1995 3 علي 23 الف

كل ماكينه على حسب حالتها مش بالشكل ممكن تاخد واحدة ب 13 او 14 وتكون متبهدله عشان توقفها على حيلها ومش هترجع طبعا زى الفبريكه ممكن تصرف كتير على حسب اللى فيها وكمان رش الفيبر دة بيقلل من القيمه عداد الكيلو متر بيقلل من القيمه لو ماشيه كتير وواضح من كلامك انها تعبانه اوى انصحك ابعد عنها وشوفلك واحد فبريكه حتى لو غاليه عشان ما تتعبش وتندم انك اشتريت ماكينه من اساسو الرييس ان ماكش فبريكه بلاش منو احسن لانو ملوش فى الشد زى الموتوسيكلات التانيه

هو ايه يا جماعة هو واحد يقولي ممكن تجيب 400 حالتها كويسة و مش محتاجة مصاريف كتير من اول 13000 و الاني لا و التالت يقولي مش حتلاقي بالسعر ده اصلن
دلوقتي انا اصدق مييين ولا اسيبني من حوار الريس ده و اجبلي كرنكة و اريح دماغي و دماغكوا

88 89 = 400 ار.............احنا بنسميها عاده
90 الى 98 = 400 ار ار .........زاحنا بنسميها فاير
تمام قبل كده في 86 87 .....عاده برضه بس هاتلاقي مكتو ب على الفيبر هيركارينا
اللي بيحدد الموديل مافيش خلاف رقم الشاسيه والماتور
ns 29 ده الفاير
ns 23 ده العاده
طبعا ده غير اختلاف الشكل
انا هاديك شوية معلومات عامه عن السعر
العاده من 86 ال 89 ....استراد فابريكا ب 19 سقفها
الفاير من 90 ل 98 بتبدا من 21 الى ال 27
وكلهم بيتراوح الكيلو متر بتاعهم من 15 ل 20 الف
المستعمل بقى جسب الحاله
الفيبر مبهدل ينزلك 1500 الكاويتش ينزلك 1000
الكيلو متر ينزلك بتاع 2500
وعيش انت بقى مع البايع اللى تقدر تفطس فيه فطس
كل حاجه بفلوس
ده الاشاره ب 100 جنيه ومش هاتلاقي اصليه كمان

لايف كدا جاب لك المفيد