-
انا و مافى و مونيكا
النهاردة الماف عملها
فعلا بهدلنى . قمة القرف . بس من كتر الاحداث و البلاوى فعلا و الله مش هقدر احكيها
كل اللى اقدر اقوله الماف اتهبب النهاردة و الحمد لله انا فى الاخر اللى ظبطته
و رجع زى الاول
بعد ما كنت فقدت الامل و خلاص كنت هشترى واحد النهاردة
الحمد لله ... فلوس الواحد حلال
و شكرا
-
طيب ابوس ايدك ايه اللى حصل عشان انا مذلول بقالى يومين يا محمد
-
الحمد لله أنها جت بسيطة ياباشا
وإنت يا محمد ربنا يكون فى عونك ويقدرك إنك تخلصها على طول
-
امين يا رب
بس مش فاضى و مضطر لغاية الجمعه امشى كده
-
السلام عليكم يا ابو طنانى
انا هقولك على اللى حصل بالظبط
انا من حوالى اسبوعين جبت سبراى اكاى علشان انضف الماف اللى هو عادى و شغال بس انا اتبترت على النعمة . المهم الماف بعدها هبل شوية و بعدين الحال كان ماشى
من حوالى 4 ايام مونت العربية بنزين 90 لانى دايما ماشى ب 92 بس ملقتش
الحاجة الغريبة حسيت ان العربية لما اقرص فيها بتطلع صوت تكتكة كدة زى بتاع البنزين الـ 80
المهم سافرت السبت و رجعت الاحد و امبارح حاسس ان العربية مش عفية زى الاول و النهاردة كانت بتقطع بصوت غريبة و العربية بتعلى و توطا بس بدرجة عالية
رحت طبعا حبيت اتفزلك و جبت شوية جاز " كيروسين " و رشيتة على الماف و اجارك الله
العربية بقيت زى الزفت
رجت للميكانيكى فكيناه و بعدين غسلة ببنزين و برضوا نفس الحكاية
لدرجة انى شيلت الفيشة بتاعة الماف خالص و العربية ماشية زى الفل بس طبعا الدخنة السودا ظهرت لان العربية من غير ماف
بعد كدة و من هنا الجزء المهم رحت تنيت الريشة بحيث انها تلمس البوردا اكتر و تبقى لاصقة فيها
و من هنا الف شكر بقة . لمبة الاعطال نورت على طول
رحت للكهربائى و قالتلة رد علياو قال الماف دة حد لعب فية
طبعا انا استعبطت و قلت مش ممكن
قاللى طب تاعلى بعد ساعة
روحت عند بيت ابويا و فتحت الكبود و جبت مفك رفيع بتاع النضارات " اللى بيربط بيه دراع النضارة " المهم رفعت الريشة بشويش و رحت فارد الحتة اللى انا تنيتها
و بعدين رحت مريحيها على الخريطة
بالبلدى يعنى طولتها شوية
بحيث انها لمست حتة ابعد شوية على الخريطة
و دورت و بسم الله ما شاء الله زى الفل و الحمد لله
نسيت اقولك و انا رايح للكهربائى ندرت ندر لله فى حالة ان الماف اتصلح و بقى كويس من غير تغيير
انا هتبرع بعشر قيمة الماف اللى هو 75 جنية للفقراء
و الحمد لله بكرة ان شاء الله هحط الفلوس فى اى ملجا علشان ربنا سترها معايا
و الله العظيم يا طنانى العربية دى شككتنى فى فلوسى بس ربنا عالم انا تعبان فى كل قرش
بس الحمد لله على كل حال
و اى خدمة يا طنانى
-
اللى حصل عندك هو اللى عندى الجاز و الأسبراى مسح البورده
و انا لمية الأعطال منوره على طول
سحب زى الزقت و حاجة هم
-
بصلها يا طنانى من منطلق إنك هتمشى و تتحرك رياضة يعنى
و فلوسك حلال يا عم cayman69300
-
يا سيدى الحمد لله فلوسى حلال
و ربنا اعلم بحاسب نفسى كل يوم
بس المشكلة بنود بتطلع من الهوا
يعنى عايز ارتاح من الهم دة
عارف كان معايا شاهين . اقصى حاجة حصلت معايا ان طرمبة المية ضربت على الطريق الصحراوى قبل اسيوط بـ 20 كم
و وصلت بالعافية و غيرت الطرمبة بنوع المانى و دة كان اغلى نوع بـ 80 جنية
و 5 اجرة الميكانيكى يعنى 85 جنية و دمتم على كدة
لكن الفكترا لو مناخيرها عطست شوية تفتح ب 200 او 300 جنية
بس
عايز ادور و اتوكل على الله مش شوية ماف & شوية المية نتنقص & شوية الفتيس مش عارف فية اية & دخنة سودا من ورا
تعبت من المفاجات
و شكرا على ذوقك و ادبك
-
طرمبة المية بتاعتنا اللى تقول عليها صح ب 200 جنيه
-
واحد صاحبى كان معاه شاهين و طرمة المية و قعت من العربية عشان مكنتش مربوطة كويس و كانت ماشية زى الفل و جدى باع الفلفو الى معاه و جاب شاهين عشان مش بتاعت مصاريف بس دا بعد لما باظت حاجة فى الفلفو مكنتش موجودة ولقاها بالعافية
Content Relevant URLs by
vBSEO 3.6.0 PL2