المشاركة الأصلية كتبت بواسطة hamada_71
بصراحة هيما لازم نسميه المتحدث الأول باسم مالكي m11 تحفة اسبيرانزا
أنا لسه مستلمها مكملتش معايا 100 كيلو لغاية دلوقتي زي الفل الحمد لله
بس مستني أعمل بيها مشوار حلو كده وبعدين أكتب لكم تقرير. كل اللي أقدر أقوله:
أولا بسم الله ما شاء الله مش عارف أبتدي منين
1- من بره العربية شكلها تحفة وأنا جيبها لونها نبيتي مخليها روعة
2- الكراسي كان عندي مشكلة إني وانا قاعد مش شايف غير التابلوه والشارع (معلش متعود على الفيورا لسه) بس إبتديت أتعود وعرفت أقدر المسافات
3- سحب العربية ممتاز
4- العربية عموما من الداخل مريحة (وياسلام مع معطر والتكييف وشوية قرآن تبقى روعة)
5- في المطبات حدث ولا حرج ماتحسش بحاجة تقريبا ما فيش غير المطبات الرفيعة العجيبة اللي بيحطوها ورا بعض كتير دي
6- وده أهم ما في الموضوع أنا عندي ولد وبنت صغيرين وكنت وأنا بدور على عربية بقارن بين صني وسيراتو وm11 وشفت أول حاجة السيراتو طبعا عملوا عمايل وهي دي يا بابا وكده بعدين شفت الصني قالوا إيه دي لأ طبعا التانية (اللي هي السيراتو) وأخيرا شافوا m11 بعدها بقوا يشوفوا السيراتو في الشارع يقولوا ياي إيه دي (على فكره السيراتو عندنا في الإسماعيلية منتشرة زي مايكونوا بيوزعوها على بطاقة التموين)
أخيرا أنا كنت ناوي أعمل تقرير بس إن شاء الله لما أعمل بيها مشوار كويس كده