يارب تطلع إشاعة

**akramlail** · 23-03-2010 02:02 AM

من نحية مفيش امن فمفيش امن خااالص
البلطجية فى كل مكان بيمرحوا عادى جدا وممكن تشوفة ماسك سيف او مطوة علنا عادى
بالنسبة لاسكندرية انك تشوف حد سكران او مسطول على البحر دة عادى وممكن شايل سلاح
ويسبتك على البحر مابالك بقى الشوارع الجانبية وجمب الكافتريات
انا من كام شهر سمعت صوت ضرب نار ورانا فى المندرة والناس ملمومة
اتارية حرامى طالع يسرق شقة باين ولا انبوبة وكان فاكرها فاضية وطلعلو واحد قام الحرامى ضربة بالنار واظاهر معوش غير طلقة واحدة والناس جريت وراة واتلمو علية وهوة يجريهم بالمسدس كانت مهزلة لحد مكتفوة دة بعد نص ساعة من الكر والفر
وطلبو النجدة جت طبعا بسرعة مهووولة وقالولو يحق لك الصمت ههههه
لا طبعا جت بعد ساعة وخدوة وهما قرفانين يخدوة يعنى احتمال يكونو سابوة على اول الشارع
وعمااار يا اسكندرية يا جميلة يا مارياااااا

**pro_samir** · 23-03-2010 04:27 AM

المشاركة الأصلية كتبت بواسطة a7med_pharma

طيب لو إنت لقيت نفسك في الموقف ده ..هتعمل إيه؟؟

بالنسبة ليا
أنا بايع الدنيا بإلي فيها ..ومعنديش أهم من كرامتي أخاف عليها
هعمل زي ما إنتوا ممكن تتخيلوا
أطلع بالعربية بسرعة ..وأجري بيها
وأقوله:" لو إنت راجل بقا ..موتني"

أو ممكن أشتبك معاه ..أصل أنا معتقدش إن السلاح هيكون حقيقي
أو هيكون فيه رصاص
أصل ده حرامي ..مش قاتل
والفرق كبير أوي
ومحدش هيقتل علشان يسرق عربية ..ممكن يسرقها بطرق أسهل كتير من القتل

والعمر مكتوب ..وأنا فعلا بايع الدنيا ومش باقي عليها
وأهي فرصة نادرة إن الواحد يموت شهيد

مش عارف إية اللي فكرني بالموضوع دة انهاردة وانا مروح ، يمكن علشان ساعات بركب ناس من الطريق معايا بالليل فا افتكرت الموضوع دة وسرحت

وكنت بفكر زيك كدة بالظبط ، ربنا ما يكتب علي حد فينا يتحط في الموقف دة

وموضوع قفل السنتر دة مهم جدا وعدم الوقوف في حالة وجود أي قلق حتي لو كسرو الأزاز خصوصا علي الطرق الزراعية ، ومجرد الخوف نفسة ممكن يعمل مشكلة

والأفضل برضو ان تشيل حاجة للدفاع عن النفس خصوصا الأليكتريك ، العربية عندي مجهزة بشومة في الشنطة و منشاكو تحت الكرسي

**pedooooo** · 23-03-2010 05:16 AM

المشاركة الأصلية كتبت بواسطة n8os

مفيش احسن من الشوم

بيطربق من غير ما يموت

انا شايل واحده عموله ف الشنطه
و بنتها تحت الكرسى
و ربنا يسترها

**n8os** · 23-03-2010 05:53 AM

هههههههههههههههه

**Dojuar** · 23-03-2010 09:54 AM

المشاركة الأصلية كتبت بواسطة pro_samir

مش عارف إية اللي فكرني بالموضوع دة انهاردة وانا مروح ، يمكن علشان ساعات بركب ناس من الطريق معايا بالليل فا افتكرت الموضوع دة وسرحت

وكنت بفكر زيك كدة بالظبط ، ربنا ما يكتب علي حد فينا يتحط في الموقف دة

وموضوع قفل السنتر دة مهم جدا وعدم الوقوف في حالة وجود أي قلق حتي لو كسرو الأزاز خصوصا علي الطرق الزراعية ، ومجرد الخوف نفسة ممكن يعمل مشكلة

والأفضل برضو ان تشيل حاجة للدفاع عن النفس خصوصا الأليكتريك ، العربية عندي مجهزة بشومة في الشنطة و منشاكو تحت الكرسي

مش عايز اخوفك اكتر بس لو انت بتركب معاك ناس متعرفهاش ممكن الموت يكون متعه قصاد حاجات تانيه!!

لاني سمعت مره ان بعض تجار المخدرات الصغار بيوصلو شحنات من و الى بالطريقة ديه

ما بالك بقى لو في لجنة يا حلو!

**أشرف العدوي** · 23-03-2010 10:02 AM

المشاركة الأصلية كتبت بواسطة a7med_pharma

والحرامي إلي من النوع ده ..بيكون إعتماده الأول والأخير
إنك تكون خايف منه لدرجة إنك تديله إلي هوا عاوزه ..ولما يحس إنك خايف منه
ثقته في نفسه هتزيد أكتر وأكتر
إنما لو إنت ماخفتش منه ..ثقته في نفسه هتقل جدا
وممكن يرتبك كمان
عادي

على فكرة النقطة دي مظبوطة جداً عن تجربة شخصية
لو عايزني احكيها احكيها