بصوا انا لو طلعت بره م نصر بتوه والله ومحتاجة انى اروح مسرح الجمهورية التابع لدار الاوبرا المصرية اللى موجود فى شارع الجمهورية ياريت حد يقولى وصفه سهله بلييييييييييز:120146b
عرض للطباعة
بصوا انا لو طلعت بره م نصر بتوه والله ومحتاجة انى اروح مسرح الجمهورية التابع لدار الاوبرا المصرية اللى موجود فى شارع الجمهورية ياريت حد يقولى وصفه سهله بلييييييييييز:120146b
بصى انا هاوصفلك شارع الجمهوريه وانتى اسالى عليه بس الشارع ده فى كذا مسرح ع العموم
انت طبعا تقدرى تروحى طريق صلاح سالم هاتعدى من فوق العباسيه عن طريق كوبرى علوى وتكملى علاطول هتلاقى كوبرى تانى فى طريقك تطلعى وتنزلى منه وهنا هتلاقى الطريق حوالى اربع حارات حاولى تمسكى الحاره رقم اتنين من اليمين هتلاقى نفق الازهر تنزلى فيه اول لما تطلعى هتلاقى شارع فى وشك ويمين وشمال ممكن تاخدى الشارع اللى ادامك ده وتدخلى اول يمين ده شارع عماد الدين
بالظبط تالت اشاره تقابلك هو ده شارع الجمهوريه
شكرا جدااااااااااااااااااا لييييييييييييييييك
هو انا عرفت ان مسر الجمهوريه ده فى اخر شارع الجمهوريه جنب قصر عابدين هل لو انا دخلت شارع عماد الدين اكون قريبه من قصر عابدين ولا لا ؟؟؟
تانى حاجه معلش هو بصراحه انا بفضل لو فى طريق من كوبرى اكتوبر عارف حضرتك اللى هما حافظين مش فاهمين انا بجد بخاف انزل مكان معرفهوش
فلو اخدت نفق الازهر تقريبا كده حضرتك تقصد انى حكون قريب من جراج الاوبرا والعتبه والاماكن ديه صح؟؟ وانا والله بخاف :( :( عشان مش ببقى عارفه المكان
قصر عابدين ............ يبقا انتى كده عاوزه الشارع فعلا من اخره خالص
يبقا نوصف بقا من كوبرى اكتوبر لقصر عابدين وانتى عليكى الباقى
هتاخدى اكتوبر لغايه نزله التحرير . عارفاها ؟
النزله دى اخرها الطريق بيلف من تحت الكوبرى هتلاقى طريقين امامك (تحت الكوبرى) يمين (مالناش دعوه بيه ) وشمال متفرع لفرعين خليكى فى اليمين (ياعنى هاتمشى مع السور اللى على يمينك بتاع المتحف المصرى ) علاطول هتلاقى اشاره تقاطع على شمالك فقط وبعدها تقاطع ميدان التحرير هتلفى مع الجزيره الوسطى شمال وتدخلى اول شارع يمين (شارع الفلكى) اخر الشارع ده قصر عابدين فى الوش .
هناك بقا اسالى على المسرح
بس انا باردو من رائى ان نفق الازهر اسهل بكتير - بس خليكى فى اللى تعرفيه
واى استفسار فى الكلام قولى
لا ابدا مافيش تعب ولا حاجه
انا مش متأكد من موضوع فلفله ده بس تقريبا هو ده وفعلا هدى شعراوى متفرع منه
وشارع عماد الدين هو الشارع قبل الاخير قبل ميدان عابدين مباشرتا
والصوره دى فيها دخله الشارع اللى اخره القصر
http://up.arab-x.com/Mar10/7XY00697.jpg
Oooooooooooooh
شكرا ليك بجد كده وصلت المعلومة وبعون الله حتوه برده :)
اكيد بهرج كده فهمت الطريق وان شاء الله يعدى اليوم ده على خير :)
ميرسى ليك جدااااااااااااااااااا
معلش عذراً لأخي محمد عزت الوصفة أسهل من ذلك بكثير
من صلاح سالم حتى نفق الأزهر
أو البديل يمين إلى شارع الجعفري بالدراسة وصولاً لشارع الأزهر فكوبري الأزهر حتى ميدان الأوبرا
ثم شمال طوالي لا يمين ولا شمال حيث شارع الجمهورية يقطع ميدان الأوبرا بالعرض
مسافة أقل من كيلو متر واحد فقط ستجدي المسرح على يمينك
المشكلة في الركنة هناك فقط
هناك بارك صغير أمام المسرح دائماً مشغول
نصيحتي الشخصية هي ركن السيارة في جراج الأوبرا
وتمشية صغيرة لن تكلفك أكثر من 5 دقائق مشي حتى المسرح
وتوصلي بالسلامة
اهلا يا دكتور احمد
انا عارف ان النفق اسهل حاجه للوصول لانه مجرد طلوعى من النفق باكون فى منتصف شارع الجمهوريه
لكن هى عاوزه تروح قصر عابدين دى حاجه
تانى حاجه هى عاوزه توصل عن طريق كوبرى اكتوبر
أخي العزيز محمد
أنا فهمت إنها عايزة تروح من كوبري اكتوبر
لكن فهمت برضه إن مشكلتها في نفق الأزهر
علشان كدة اقترحت بديل مناسب هو كوبري الأزهر للوصول إلى ميدان الأوبرا
وبالتالي شمال طوالي حتى المسرح أو قصر عابدين
ووصفتك لكوبري أكتوبر كويسة جداً
وتقبل خالص مودتي
شرف كبير ليا انه يدور حوار بينى وبين حضرتك يا دكتور
بس المشكله ان احنا مش عارفين هى وصلت ولا لا
واكتر حاجه بلاحظها هنا فى المنتدى ان لما اى عضو بيستفسر عن مشكله فى عربيته او عن طريق او اى شىء مابنعرفش هو عمل ايه او حل المشكله ازاى
لالالالالالالالالالالالال الالالالالالالالا لالالالالالالالالالالالال الالالالالالالالالالا
انا لسه مررررررررررررررحتش والله وكمان كنت فى شغلى طول النهار لست انا هذا الشخص الذي يخلع ياسيدى الفاضل
انا حروح بكرة ان شاء الله ولما ارجع حقلكم وصلت ولا تهت
دكتور احمد عاجزة عن الشكر انك رديت بالشرح ده بس ياترى مش يوم الجمعه تحديدا ناحيه الدراسة والازهر بتكون زحمة نظراً ان فى مشيخه الازهر هناك وكتب الكتاب وكمان الازهر نفسه ووكالة الغورى والكلام ده كله مش بيكون زحمة الجمعه؟؟؟
شكرا ليكم ياجماعه انا رحت الحمد لله بس من كوبرى اكتوبر ولما وصلت قلت يانهار ابيض ده انا لفيت طريق راس الرجاء الصالح وكوبرى الازهر اسهل بكتير يالا مش مشكله المهم انى عرفت المكان والطريق ميرسى كتير ليكم
الحمد لله انك قدرتى توصلى
والحمد لله ان فى ناس بتابع استفسارتها