عرض للطباعة
سلام عليكم ازيكم ياجماعة
كبوت العربية مبيفتحش البتاع اللي بشدها عشان الكبوت يفتح المفرود بتبقي الي حد ما تقيلة او بتعاكس معايا في الفتح لكن هي دلوقتي عاملة زي مايكون الكبوت مفتوح فعلا لكن هو مش مفتوح
هل الموضوع دا يخص السمكري ولا الكهربائي ولا مين؟؟؟؟؟؟؟
ولو حد عنده فكرة او حصلت معاه قبل كدا هل الموضوع دا كبير ولا حاجة بسيطة يارب حد يطمني
الموضوع بسيط تلاقى الكابل اللى بيشد ده اتقطع او الكالون فيه حاجة الحل عند السمكرى او بتاع الابواب بس انت ما قلتش العربية كبوتها بيفتح لبره و لا لجوه؟
سمكري غالبا
وديها لسمكري يظبطها
الحمد لله ياجماعة المشكلة اتحلت
عديت علي السمكري انهاردة وطلع السلك اللي بيفتح الكالون بتاع الكبوت مالص من مكانه(خرج من المجري بتاعه)والراجل رفع الكابوت شوية كدا بالعافية وثبته بخشبة وفك الكالون خالص وفتح الكابوت وعدل كل حاجة زي ماكانت
والف شكر ليكوا علي المشاركة