انا قررت ابقى من العصابة ياجماعة واتنازل عن حبى لليابانى وبدور على استرا 1200
حالة شاذة فياريت الاخوة الاعضاء يفيدونى من حيث العيوب والمميزات والاسعار فى السوق وقطع الغيار
معلش بقى انا تقلت عليكم من اولها لكن دة عشمى فى اخوااتى اهل العصابة:satelite:
عرض للطباعة
انا قررت ابقى من العصابة ياجماعة واتنازل عن حبى لليابانى وبدور على استرا 1200
حالة شاذة فياريت الاخوة الاعضاء يفيدونى من حيث العيوب والمميزات والاسعار فى السوق وقطع الغيار
معلش بقى انا تقلت عليكم من اولها لكن دة عشمى فى اخوااتى اهل العصابة:satelite:
يا باشا ولا يهمك خالص
انا مش معايا العربية فا إستنى الناس الى معاها العربية تدخل و هيردوا عليك على طول
الله يوفقك يا باشا يا رتني كنت اقدر اساعد بس انشاء الله هتوصل للانت عاوزه
عمااد معا العربيه دي بزبط
بس اللى اعرفه انها عربيه حلوه واسعار قطعا حلوه
بس نستنى التفاصيل منه
لو استعمالك للعربيه فيه سفر و مشاوير طويله أنصحك تفكر فى ال1600cc منها
تماام يا تامر باشا
بص يا باشا انا معايا العربية دى اول حاجة العربية ممتازة جدا ومش هتحس انها 1200 لو بتسافر كتيير حلوة بردو ومن ناحية قطع الغيار هى غالية شوية بس معمرة وبتعيش وكل ماتحافظ عليها هى مش هتتعبك من ناحية الاسعار فى السوق هى من 50 ل 55 حسب الحالة انا كنت جايب بتاعتى موديل 2002 المانى ب 56 الف وكانت عامله 60000 كيلو وكانت حالتها فوق الممتازة بكتيير كمان والحمد لله بس هى ممكن تكون تقيلة لو العربية محمله وانت مسافر مثلا مش هتلاقى السحب اللى فى دماغك يعنى لو مركب 4 وانت الخامس طبعا وحاول تدور على واحدة المانى وتقيمى ليها 8/10 ومتهئلى التقييم ده احسن من عربيات كتييير
ومن ناحية الباور مش هيكون زى التويوتا اللى انت راكبها من حيث النعومة ولكن من حيث الاداء جامد طحن
الف شكر ليكو كلكو على النصايح الغالية دى وبالاخص الاستاذkanvict
والله انا ركبت العربية دى كذا مرة لانها كانت مع ابن عمتى وجبت بيها 170 وماشاء الله عليها ماقالتش لاء وكانت 2002 وكان جايبها من فترة وكانت حالة شاذة جدا
وانا ركبت عربيات كتير 1000 و1200 زى ال 206 والبولو والابيزا
لكن مارتاحتش غير فى الاوبل بصراحة
وبعدين دى حاتسافر يوميا مش اقل من 150 ك فلازم العربية تكون حمالة اسية وانا واثق فيها جدا وعشان استهلاك البنزين كمان
وبعدين التويوتا دى بتاعة الحاج
لازم نستقل بقى
ربنا يوفقك ياباشا بس خلي بالك االابيزا وال 206 والبولو من فئه الكورسا مش الاسترا
العربيه دى معايا موديل 2000 و 1200 سى سى معايا من سنه و نصف كنت شاريها عامله 86 الف كيلو بـ 48 الف
-اولا عربيه قويه جدا و سرعتها تصل الى 170 و معاك 4 ركاب
-داخل البلد استهلاكها اكثر من ممتاز و شقيه قوى و بتشد مع اى 1600 بقوه موتورها 2 كامه ايكو تك
-صاجها بسم الله ماشاء الله تقيل جدا و عزلها رائع و صالون مميز و تكييف محترم و تاثيره بسيط على السحب و استهلاك البنزين
عيوبها الشائعه الحساسات و اهمهم حساس الاير ماس فلو و ده باعتبره مخ العربيه و من غيره تحس ان العربيه اتجننت ثمنه 1200 الى 1250 جنيه و عمره الافتراضى حوالى 10 سنين و فى التوكيل بـ 2500 !! مش عارف ليه مع ان تركيبه بعشره جنيه و اى حد ممكن يركبه بسهوله!! و الحساس المهم الاخر الايديال موديول و ده ب 500 جنيه و تأثيره فى السلانسيه فقط . اما باقى الاجزاء فثمنها عادى و مقارب للكورى .
هيا عربيتك تقفيل ايه ياباشا
انا جيييييييييييييييت :120105~352:اقتباس:
عمااد معا العربيه دي بزبط
بس اللى اعرفه انها عربيه حلوه واسعار قطعا حلوه
بس نستنى التفاصيل منه
من الاخر العربيه دى موتورها ايكوتك 2 كامه 16 صباب
يعنى عمرك ما هتحس بأنها موتور صغير
مفيش حاجه جديده اقولها بعد الاعضاء ما قالوا كل حاجه غير
ان الموتور ده من انجح المواتير اللى نزلتها اوبل فى مصر
موتور قليل الاعطال جدا (ميكانيكيا)
.قوى جدا و عزم دورانه محترم
عفشه قويه جدا جدا
ثبات قوى جدا
بصفه عامه عن العربيه محترمه جدا مش بشهادتى
لا بشهاده كل اللى جربوها
والله ياجماعة كلامكو دا شجعنى اكتر عليها خصوصا زى ماقولت ابل كدة انى جربتها
وبعدين يانجد انا مش فارق معايا موضوع السيدان والهاتشباك اوى
بالعكس انا بحب الاهاتش باك اكتر
بس للاسف الموديل دا الهاتش باك منة قليل جدا وهلاقى قطع غيارة نار
لاقدر الله لو لازاز انكسر او الشنطة اتخبطت اعمل ايه ساعتها
عشان كدا انا بفضلها فى السيدان
ويارب كدة ان شاء الله ان جيب الاسترا 2010 بس بعيد عن منصور حبيب الملايين ههههههههههههه
منه لله بوظ سمعة الاوبل فى مصر
بس نصيحه لوجه الله
اى حد عمتا لما بيشترى عربيه بيدور كده كده على حاله نضيفه
او يلقى حاجه كويسه بس عايزه تتشد بسيط
لكن الاوبل لازم لازم لاااااااااااااااااااااااا ااااازم تجبها حاجه a1 من الاخر
عشان تستمتع بركوبها
لانها لو مش كده لقدر الله هتعقدك فى الاوبل كله او الالمانى بصفه عمه
كلام زي الفل
صحيح منصور دا انا اكتر واحد بحبه
يا حبيبي يا منصور يا عمري انتااا :M_yes[1]:
حكايه الهاتش باك دي ولا سيدان لك الخيار وصح الهاتش باك عليها حلو بس المشكله انه قليل مصر زي ما قولت فا بلاش منها جيب السيدان وربنا يوفقك
الاسترا 2010 المانيه مش ح تدخل مصر طالما منصور بيتنفس :stink[1]:
ممكن يجبلك الاسترا الصينيه ويحط شعار الاوبل دا مجنون وبعملها :ma(30):
انا معايا 1200 موديل 2000 بس كامله فتحة سقف وبجد البصمه الالمانى تحسها فيها سواء فى صالونها او صاجها وبصراحه ركبت عربيات كتير بس العربيه دى ما شاء الله وعلى العموم هى مش بتاعة شد وحرق ودى طبيعة الالمانى بس فى السفر ثابته جدا وهاتحس انك راكب عربيه فعلا
ادائها بيختلف طبعا على حسب كام واحد راكب معاك
وربنا يوفقك تتوفق فى فى عربيه حالتها كويسه
تمااام يا فولكانو