الف مبروك يا استاذ مينا
ربنا يديك خيرها و يكفيك شرها
عرض للطباعة
الف مبروك يا استاذ مينا
ربنا يديك خيرها و يكفيك شرها
ألف مبروك يا أستاذ مينا
وواحدة واحدة في التليين يا باشا علشان تحافظ على الموتور و علشان يديك أداء أفضل في المستقبل إن شاء الله
و مرحبا بك في نادي محبي الجين 2 :)
Congratulations ..Ya Mino i have sent you private message please check i need your opinion for Gen-2
الف الف مبروك يا مينا وربنا يباركلك فيها
انا كان عندي سؤال : هوه انتا ليه مقسطش مع الطارق وكنت ممكن تأمن برضه في كونتكت
وايه حوار الشيكات ده يعني لازم يكون عندك رصيد في البنك ولا ايه .... معلش انا معرفش حاجه لسه علي نظام تقسيط العربيات
فياريت تقولي هما احتاجو منك ضمانات ايه ؟ يعني للي مش موظف ولا عنده رصيد جاري .....
وعايز اعرف هما بيحسبو القسط الشهري بالاضافه للفايده ازاي ؟
الف شكر يا باشا الله يبارك فيك
الطارق ذات نفسه مش بيقسط اللي بيقسط البنك وكونتكت بتتعامل مع CIB يعني انت بتروح تعمل ايداع في البنك و هما بيدولك الشيكات في ساعيتها وكدة يبقي عندك حساب جاري
بالنسبة للضمانات انا شغال في شركة قطاع خاص بتجيب جواب مفردات مرتب مختوم من الشركة فقط اما لو اعمال حرة يبقي السجل التجاري و البطاقة الضريبية علي حد معرفتي
هما بيحسبو القسط بفايدة 8.55% علي اجمالي المتبقي بعد ما تكون دفعت المقدم
يعني لو العربية مثلا 80000 و انت دفعت الحد الادني للمقدم 25% يبقي دفعت 20000
الباقي 60000 * 8.55% = 5130 * عدد سنين التقسيط لو قلنا 5 سنوات
يبقي الاجمالي (5130*5)+60000 = 85650 /60 = 1427.5
و بعدين تزود التأمين 2.9% من 80000 =2320 في السنة و ممكن تدفعهم مرة واحده او تقسطهم 2320/12 = 193.33
يعني القسط + التأمين = 1427.5+193.33 = 1620.83
الف مبروك يا مينا
وربنا يكفيك شرها
معلش جت متأخرة شوية
ومرحبا بك في منتدي البروتون
بس حبيت اقولك براحة علي نفسك عشان
المانيوال من الجين فظيع
مغرية اووي اووي
حاول تمسك نفسك
ومع ان الموتور بيجي متلين اصلا
بس مش ختخسر يعني لو مشيت علي 100 او 120
من غير حرق اول 1000 كيلو
من باب الاحتياط والمحافظة
والف مبروك تاني يا باشا
واحب اشكر انا كمان
فهد علي مجهوداتة الجبارة
ويستمر حبة للجين 2 علطول
واحب اسمية عاشق الجين :)