عرض للطباعة
السادة الزملاء
الواحد ازاى ينضف الرداتير من الميه القديمة والعربية المفروض تكون دايرة ولا مبطله وسخنة ولا لا علشان وش السلندر
وهل ممكن اعمل ده فى بنزينة
انا عندى ميه خضرا لكن لقيت لون بنى حولين القربة من جوة وده بعد مشتريت العربية زيرو بعده بيومين لقيت اللون ده
اين الردود
بص ياباشا ...والعربيه دايره ومش سخنه اوي افتح القربه وفك طرف الخرطومين الرفيعين اللي داخلين ع القربه (واحد جاي من الرادياتير والتاني جاي من الموتور) ودلدلهم لبره وهات خرطوم ميه وحطه في القربه وزود بايدك بنزين من الاكسراتير هتلاقي الخرطومين بينزلوا الميه المصديه ويحل مكانهم الميه اللي من الحنفيه لغايه ماتلاقي الميه نازله من الخراطيم نظيفه يبقي كده تمام رجع كل حاجه زي ماكانت واظبط مستوي الميه واقفل غطا القربه .دي الطريقه اللي بيعملها اي محل هتروحله عاوز تنظف الدوره عنده .تمام .
انا بعمل حاجتين زياده عن اللي فات ...
-قبل مااعمل الموضوع ده بفضي شويه ميه من القربه وبحط فيها زجاجتين خل ,ايوه خل مطبخ ماتخافش يكون تركيزه عالي واقفل واستني لما الموتور يسخن او اخد كام مشوار وانزل الميه بعد كده بالطريقه اللي فاتت .الخل بيحل الصدا والاوساخ .
-بعد ماالميه تبقي نازله نظيفه علشان انا بحب ازود ميه مقطره بقفل الخرطوم بتاع الميه العاديه واكمل بجركنين ميه مقطره (بجيبها من صرف التكييف اللي في البيت ) وكده يبقي كله تمام .جرب وادعي لاخوك ..
اقتباس:
المشاركة الأصلية كتبت بواسطة hellboy
ههههههههههههه حلوة اوى حكاية الخل دى .
بس انا بصراحة معرفش وعايز انظف الرادياتير بردو.
http://img101.herosh.com/2010/03/21/328082236.jpg
انا اهم حاجه عندى وش السلندر هل ده مش غلط والعربية سخنة ادخل ميه بارده
طالما هتزود مية والعربية دايرة ماتخفش من أي حاجةاقتباس:
المشاركة الأصلية كتبت بواسطة ahmedshafei77
والكلام إللي إتقال لك على كيفية عمل دورة الغسيل وعلى الخل كله سليم ..
ليا تعديل بسيط للتبسيط
إلغي القربة
فك الخرطوم القادم من الموتور على الرادياتير ودلدله على الأرض
فك غطاء الرادياتير وضع مكانه خرطوم الحنفية ( وخلي الحنفية على النصف علشان ضغط المية يبقى معقول موش بطيء ولا شديد )
دور العربية من غير ما تدوس بنزين لغاية ما المية اللى نازلة على الأرض نظيفة ..
رجع كل حاجة زي ما كانت