فين الامان في الفلونس 125000 للاطفال

**mah_khourshid** · 23-03-2010 12:03 PM

السلام عليكم
انا من اشد المعجبين للفلونس لدرجه انى بعت عربيتي السيراتو 2010 وقررت اجيب اللفلونس وكنت امبارح في توكيل رينو بتفرج علي الفلونس بس بتفرج عشان اشتري فكنت بفليها وكانت الفاجئه الفاجعه
انا كنت قاعد ورا في الفلونس والراجل قاعد قدام وقفلين الابواب ولما داس علي الزرار بتاع اللوك "اللوك عمل صوت ولما فتحت الباب الجامبي (الورا) فتح بكل سهوله فئولتلو هوه فين اللوك قال مش عارف دي حاجه
الحاجه التانيه ان مفيش لوك للاطفال فالباب كل العربيات فيها الموضوع ده لما بفتح الباب في لوك من الجنب في الصاج بتاع الباب طبعا كلكو عارفين الموضوع اللوك ده , ده حتي الموضوع ده موجود في الهيونداي و اللانوس واسيراتو ده غير العربيات التانيه
ياجماعه انا ابني عنده سنتين يعني لو الانا بقوله ده لو صحيح في الفلونس مش عارف اقول ايه هل ياطره اغير رئي مش عارف؟؟؟؟؟؟؟؟؟؟؟؟؟؟؟
ياجمااااااعه ياريت حد يفيد من الناااس الفلونسيه
ضرورييييي جداااااااا

**bukla** · 23-03-2010 12:12 PM

انا حكلمك على الفئة الى ب 135000 لان دى اللى انا شوفتها
فية فى لوحة المفاتيح اللى فى باب السائق فى أخرها زرار خاص بلوك الابواب الخلفية لما ضغطت علية قفل الابواب الخلفية فقط و منع كمان فتح الزجاج الخلفى من الازرار الخلفية
بس انا متأكد انة موجود فى كل الفئات يا ريت تروح تشوفها تانى

**elmadawy** · 23-03-2010 02:47 PM

المشاركة الأصلية كتبت بواسطة wal

تمام كلامك صح - زرار الغلق اللى فى منتصف التابلوه تحت زرار الانتظار دا بيقوم بغلق ابواب السيارة والشنطة وتنك البنزين وانت ماشى يعنى متعرفش تفتح الحاجات دى من الخارج بس ممكن تفتح الابواب من الداخل
-اما الزرار الاخير اللى فى لوحة المفاتيح اللى فى باب السائق بيقوم بغلق الابواب الخلفية والزجاج وبيمنع فتحهم كمان من الخلف الا لما تدوس عليه تانى

الله ينور علي التوضيح

**mah_khourshid** · 23-03-2010 03:31 PM

شكرا ياجماعه علي سرعه الرد
بس انتو متاكدين من موضوع الزرار اليفي الباب ده عشان انا سئلت عليه امبارح قلي انه لمنع فتح الزجاج الخلفي فقط
وكمان ياجماعه محدش علق علي اللوك الفي صاج الباب اسمه (child lock) الموجود في كل العربيات

**mah_khourshid** · 23-03-2010 03:35 PM

انا مش عارف بدءت اخد موقف من الفلونس بعد الموضوع ده ونفسي الثقه ترجع تاني لاني كنت مقتنع بيها موووووووووووووت
ساعدوني ياجماعهوثبتوني على الفلونس

**elmadawy** · 24-03-2010 09:37 AM

بصراحه اعجابي بيزيد يوم عن يوم بهذه السيارة ويمكن يكون الموضوع ده وضح حاجات اخري ومميزات لهذه السيارة وشكرا لكل الزملاء علي التوضيح

**adhamsabry51** · 24-03-2010 12:25 PM

بس يا جماعه انا بالأضافه لكل الكلام ده انا عندي في الكليو في زرار السنتر لوك اللي بايدك ده في قلب الباب و كنت اكتشفته بالصدفه و انا حاسس ان الكلام ده في رينو استاندرد و لا ايه يعني هل ممكن يكونوا لغو الموضوع ده

**mah_khourshid** · 24-03-2010 01:12 PM

متشكر جدا ياجماعه
انا بجد كل شويه بقتنع بالصاروخ كمان و كمان
بس عندي استفسار مهم مهم جدا
بالنسبه للوك البيحصل بعد سرعه معينه زي مانتو بتئوله هل الوك ده عشان منع فتح الابواب من الخارج ولا عشان منع فتح الباب من الداخل لامان الاطفال
ودلوقتي انا عايز احجز الب 125000 هل الفئه دي هتحسسني بالفخامه المطلوبه ولا ايه انا سئلت التوكيل ايه اكترفئه عليها طلب في الحجز قلي الب 135000 عشان فيها كل المطلوب
يعني 10000 عشان تكيف تتش باثنين زون و جنط 16 و بلو توث
انا بالعافيه ال 125000 هتبئه معايه و مش مستعد للتقسيط ايه رئيقو استني شويه ولا اتكل على الله واجيب الب 125000 و كده تمام و 100% 100% مع العلم اني لسه بايع السيراتو بتعدي و مستعجل علي الصاروخ
وايه رئيوكو في الفضي و الزهبي والرمادي الغامق انا محتار في الالوان الثلاثه
اسف للاطاله يارجالة
ومتشكر على الردود الفعاله بتعتكو

**bukla** · 24-03-2010 03:12 PM

المشاركة الأصلية كتبت بواسطة mah_khourshid

متشكر جدا ياجماعه
انا بجد كل شويه بقتنع بالصاروخ كمان و كمان
بس عندي استفسار مهم مهم جدا
بالنسبه للوك البيحصل بعد سرعه معينه زي مانتو بتئوله هل الوك ده عشان منع فتح الابواب من الخارج ولا عشان منع فتح الباب من الداخل لامان الاطفال
ودلوقتي انا عايز احجز الب 125000 هل الفئه دي هتحسسني بالفخامه المطلوبه ولا ايه انا سئلت التوكيل ايه اكترفئه عليها طلب في الحجز قلي الب 135000 عشان فيها كل المطلوب
يعني 10000 عشان تكيف تتش باثنين زون و جنط 16 و بلو توث
انا بالعافيه ال 125000 هتبئه معايه و مش مستعد للتقسيط ايه رئيقو استني شويه ولا اتكل على الله واجيب الب 125000 و كده تمام و 100% 100% مع العلم اني لسه بايع السيراتو بتعدي و مستعجل علي الصاروخ
وايه رئيوكو في الفضي و الزهبي والرمادي الغامق انا محتار في الالوان الثلاثه
اسف للاطاله يارجالة
ومتشكر على الردود الفعاله بتعتكو

اولا الموديل اللى حضرتك بتقول علية ب 125000 فى التوكيل سعرة 120000
و لو عايز تعرف الفروق راجع الرابط دة
http://www.nilemotors.net/Nile/129285-113-119-a-2.html