الموضوع: عملت حادثة و الحمد لله اسيبكو مع الصور

المشاركة الأصلية كتبت بواسطة ahmed anwer

الصور ظهرت ،،

و أنا شايف الحادثة بسيطة ،،

غريبة حكاية توتل لوس دي ،،

المهم انتا بخير و كويس و سلامتك أهم حاجة ،،

أعتقد بيخلصوا مديونية البنك الأول و بعدين يدوك الباقي ،،

و أنا مش متأكد الصراحة

جزاك الله خيرا علي متابعتك
اديني مستني كلامهم النهائي و محتار مش عارف هيدوني كام من ال 500000 جنيه لو توتال لوس
لو كدا ممكن اوديها عند سمكري برة ولا اخد الفلوس واجيب واحدة جديدة قسط بردو
بس في حالة لو توتال لوس التوكيل قلي برضو لازم تدفع لينا 2000 جنيه حق المقايسة مش عارف علي أيه حسبي الله و نعم الوكيل

المشاركة الأصلية كتبت بواسطة hamdy

عملت حادثة وانا ماشي علي طريق اسماعلية الصحراوي الحمد لله قدر الله ما شاء فعل

[url=http://www.0zz0.com][/url]

[url=http://www.0zz0.com][/url]

[url=http://www.0zz0.com][/url]

[url=http://www.0zz0.com][/url]

و التلفيات في السيارة كالتالي :

1 – رفرف امامي شمال

2 – فانوس امامي شمال بكل محتوياته

3 – اكصدام امامي

4 – رفرف خلفي يمين وللاسف هو القايم حتة واحدة فلازم يقطع حتي من القايم – علي حسب كلام مهندس الاستقبال –

5 – كبوت امامي

6 – صدر امامي للسيارة

7 – فانوس خلفي يمين بكل محتوياته

8 – شنطة خلفية

9 – زجاج خلفي

اما الحاجت اللي متبهدلتشي الحمد لله ربنا ستر عليها

1- السقف زي ماهو الحمد لله مفهوش خربوش

2 – القوايم الامامية و اللي في النص و الخفي شمال مفهوش حاجة

3 – الموتور الحمد لله انا كنت رايح سيقها مفهوش اي حاجة

4 – العفشة يهيالي انها سليمة لسمعت صوت تخبيط ولا طاطأة

5 – حالة الصالون الداخلية تمام الحمد لله

المهم رحت و انا سيقها هياكل غبور ابورواش

جالي مهندس الاستقبال و عاين العربية معاينة مبدئية لقيته بيقولي دي ممكن تبقا اهلاك كلي

total lose

طبعا انا من هول الكلمة قلتله يا باشمهندس العربية متبهدلة صحيح بس مش للدرجة دي

طبعا انا عملت محضر بالحادث وخدت صورة منه ورحت بلغت عن الحادث في شركة بيت التامين المصري السعودي

المهم استنيت يومين كلمت ادارة التعويضات رد عليا المهندس وقلي احتمال تبقا اهلاك كلي بس هنستنا شوية لما تطلع المقايسة

المهم اتصلت بالتوكيل النهاردة طبعا بعد سلسلة من التليفونات قلولي المقايسة مكلفة 22360

اتصلت بمهندس التامين قللته مش هتروح عشان تناقش معاهم قلي الخبير هيروح بس طالما انت مامن عليها ب 50000 جنيه و لو نسبة الاصلات عتعدي ال 35%

يعني لو اكبر من حوالي 17000 جنيه هبقا اهلاك كلي

ازاي بس ياعالم حرام عربية عاملة 40000 كيلو موديل 2008 هاف وابشن هيهلكوها عشان الحاجات دي

و العربية انا جيبها بالقسط حسبي الله و نعم الوكيل

مش عارف اعمل ايه حاسس ان شركة التامين دي نصابة ولا ايه

وانا عايز اصلحها في التوكيل اعمل ايه

و هل في حالة الاهلاك الكلي هيدوني القمية اللي هما قدروها بنفسهم من شهرين فقط وانا بجدد معاهم التامين الا وهي 50000 فقط

قلولي اعمل ايه لحسن شقا العمر كدا الحمد لله

بسيطة ان شاء الله انت تعمل اية؟؟؟؟
تحاول تنزل مع التوكيل لغاية ما توصل لــ 20000
و تخلي شركة التامين تدفع الحد الاقصى اللي هوة 17000
و انت تدفع الفرق دة من جيبك
و بصراحة انا شايف الحل دة انسب الحلول لان لو اتكهنت هاتخسر جامد
و احتمال كبير ما تاخدش ال 50000 الف كلهم هايحسبوا عليهم فترة استهلاك
و ربنا معاك

المشاركة الأصلية كتبت بواسطة elsherif_2000

بسيطة ان شاء الله انت تعمل اية؟؟؟؟
تحاول تنزل مع التوكيل لغاية ما توصل لــ 20000
و تخلي شركة التامين تدفع الحد الاقصى اللي هوة 17000
و انت تدفع الفرق دة من جيبك
و بصراحة انا شايف الحل دة انسب الحلول لان لو اتكهنت هاتخسر جامد
و احتمال كبير ما تاخدش ال 50000 الف كلهم هايحسبوا عليهم فترة استهلاك
و ربنا معاك

شكرا عي الرد و اهتمامك بس هما اصلا هيحمولني 10% كمان من قيمة الفاتورة كمان ادفع تاني لا حول ولا قوة الا يالله

المشاركة الأصلية كتبت بواسطة mado85

معلش يا باشا قدر الله ما شاء فعل, نحن السابقون وانتم اللاحقون بص يا باشا بره في قسم هيونداي هتلاقي موضوع باسم حادثة نيو النترا ده بتاعي العربية لسة عاملة الف كيلو اتبهدلت اكتر من عربيتك و مش مامن عليها بولا جنيه والله و ضايع مش عارف اعمل اية خسرت كل فلوسي والله في 10 دقايق احمد ربينا قدر الله وما شاء فعل المهم انك طلعت سليم انا كرهت العربيات والله معلش ربينا يصبرك ويصبرني . حمد الله علي سلامتك

حمدله علي سلامتك انت ياباشا واللهي الواحد لما بيشوف بلاوي الناس بتهون عليه بلوته ربنا يصبرك
طب ناوي علي ايه ؟؟؟؟

حمد لله على سلامتك يا باشا واحمد ربنا انك كنت مأمن عليها

طب هو ايييه اللى حصل بالظبط!! واضح ان العربية اتخبطت من قدام ومن ورا ازاى؟؟