عرض للطباعة
السلام عليكم و رحمة الله ...
ايه رايكم .. الحمد لله اخيراً ... نويت اشتري فيرنا ( وليست فيفا) بعد مقارنة كبيرة بينها و بين اللانوس .. لكن الفكرة دلوقتي اشتريها كاملة 1500 ولا فاصية (تكييف و باور) 1600 .. لان الاثنين تقريبا سعر واحد مع العلم اني مش بتاع سرعات عالية ولا حاجة
بص هوه انا معايه 1600 سحبها ما شاء الله كويس , و سمعت أن سحب ال 1500 أقل.
اذا مكنتش من محبي التسارع و الكلام ده هات الكاملة أحسن
فيرنا فيفا 1500
هوا بغض النظر عن التسارع ،،،
بس عموما مواتير هيونداي واخدة سمعة إنها عمرها قصير ،،
و ده بناء علي حالة الإكسنت القديمة موديلات التسعينات ،،
فعشان كده الناس بتقول ال 1600 علي أساس إنه جيل جديد من محركات هيونداي ،، اللي راكب في الماتريكس و الإلنترا القديمة و الجيتز و الكوبية ،،
يعني جيل ما بعد 2000 ،،
و العربيات دي من سنة 2003 و هيا نازلة مصر و موتورها شغال كويس ،،
فإحنا عاشمنين إن الجيل ده من المواتير يكون معمر أكتر من الجيل اللي قبله بتاع الإكسنت ،،
فمش حكاية تسارع بس ،،
مش حكاية فرق 100 Cc ،، فرق جيل عن جيل ،،
و في النهاية مش هتفرق كتير لأن حتي الإكسنت القديمة المواتير عاشت عشر سنين ،، دي مدة كويسة بالنسبة لعربية زيرو و اعرف ناس الإكسنت القديمة معاهم زي الفل و لا قالت بمم ،، بس بصراحة ناس علي المعاش ،،
نفض للفيفا خالص عشان ده شكل قديم المفروض كان ينزل سنة 2001 و 2002.وكانت بتكون موجوده فى مصر جمارك في اجازة الصيف و شوفتها في الخليج من زمان
هات 1500 كامله او 1600 كامله و متجبهاش فاضيه عشان فاضيه اوى اوى.كفايه انهم بنزلوها من غير ساعه
--------------------------------------------------------------------------------
(نفض للفيفا خالص عشان ده شكل قديم المفروض كان ينزل سنة 2001 و 2002)
فيرنا 1600 على طول انت ممكن فى اى وقت تركب زجاج كهرباء او سنتر وفى ساعات شكلها حلو بتتحط على التابلوة
لكن عمرك ما هاتقدر تركب كامه زياده 8 صباب زياده 100 سى سى زياده ده رأى الشخصى
جزاكم الله خيراً ... على الرد
اى خدمة يا بشمهندس
بس قلنا ليه فى النهاية اخترت الفيرنا عن الانوس
مدام انتا مش بتاع سرعات و لا جري
الكماليات الأصلية أحسنلك من القدرة الأعلى للمحرك (اللي مش هاتحس بيها لأنك مابتجريش)
حتي لو مش بتاع جري ده مش مبرر انه يجيب ال 1500
رايي ال 1600 للاتي
1 - موتور احدث
2- ال 100 سي سي دوه برضه لو مفادهوش في الجري هيفيدوك ان العربيه متتاثرش بالتكييف
3- الكماليات ممكن تضيفها براحتك
4 - بصراحه تصميم الفيفا مش بيعجبني بجس انه فعلا النفروض يكون التصميم الاقدم من الفيرنا المصري ة بصراحه نفسي منخليش غبوز ينجح في انه يضحك علي الناس اوي كده في موضوع الفيفا
5 - الصلون البيج هوا اشيك صحيح بس اكيد هيتبهدل اسرع و هيبان فيه عوامل الزمن
و اخيرا انا هاستلم ال 1600 قريب فاضيه
و لما سالت البائع اللي في غبور اللي بيخلصلي موضوع العربيه نفس سؤالك من احسن و ايه افضل
سكت شويه وقال الا تنين كويسين
و لما قرصت عليه جامد و قلتله عارف ان الاتين حلوين بس من اللي بتفضلها طيب
ضحك و قاللي ( شجع صناعه بلدك طبعا ) :>
مع ان الفيفا الكامله اغلي 3 الاف
على فكره لو فيه ناس مش مصدقه ان الفيفا موديل قديم بس على عداد الكيلو
الفرنا ديجتال أما الفيفا انالوج!!
:)
بصراحة بعد الاطلاع على المقارنة العبقرية بينهم في قسم المقارانات .. و بصراحة اللانوس و الفيرنا تقريباً في نفس المستوى.. بس اللي يطمن شوية ان الفيرنا شغالة لسة كويس و لا اعتقد ان غبور هييوقف انتاجها قريب ..و لكن اللانوس معروف انها آخر شحنة .. برغم من انتشارها الواسع ..والله اعلماقتباس:
المشاركة الأصلية كتبت بواسطة ahmed
أكيد 1600 فاضية أحسن عشان إنتا بتمشي بالمتور مش بالأوبشنز
فيرنا 1500 فيفا كاملة
جميلة جدا عن تجربة
فيرنا مصري 1600 طبعا
محرك أحدث ........ أقوى ...... نفس محرك الماتريكس
الفيفا الهندي قديمة في الشكل و التصميم و المحرك
الكماليات ممكن تضاف لاحقا
انا الحمد لله اقتنعت بكلامكم و قدمت على فيرنا 1600 بس هقرص شوية على نفسي و اجيب الكاملة و خلاص .. الواحد مش هيقسط كل يوم
الف مبروك مقدما ... وربنا يباركلك فيها ان شاء الله
صحيح الف مبروووووووووووووووووووك
الله يبارك فيكو جميعاً
السلام عليكم
انا عضو جديد بالمنتدى ويادوبك مستلم الفيرنا 1600 فاضية من اسبوعين.
بلا تردد انصح بال 1600 وان كانت فاضية علشان فرق القوة بالموتور (عدد الاحصنة)وكمان الفرق دة ح يريحك وانت مشغل التكييف.
مبروك مقدما وعلى فكرة عربيتى لونها فرانى واوعى وشك!!!!
بصره :)
فعلا بعد تجربه ال 1600 فظيييييييييييعه ماشاء الله
هو التسليم في خلال اد أيه ؟