نظريه فكره شراء سياره مستعمله
السلام عليكم
انا فى الموضوع ده حبيت انقل جزء من تفكيرى ووجهه نظرى فى شراء سياره مستعمله
انا هنا مثلا ححدد رينج من 45 الى 55 الف جنيه لشراء السياره
ليه المبلغ ده بالظبط حددته؟؟؟
اقولكم
لان الملبلغ ده من وجهه نظرى يعنى متوسط ولا هوا صغير اووى ولا مبلغ كبير يجيب عربيه حديثه جديد
وكمان المبلغ ده تقريبا هوا اللى ممكن تشترى بيه عربيه فوق سنه 2000 اللى فيها المستلزمات الادنى من الرفاهيه برضه ما انت عاوز تكون راكب عربيه جميله فى شكلها ومرفهه نوعا ما ومتقرفكش وتخليك زى ما تكون متجوز الميكانيكى وكل يوم عنده
المهم انا دورت فى الرينج وحطيت بعض الشرروط لنفسى كالتالى
1- اولا انا عايز عربيه تكون اوتوماتيك علشان انا ناوى اشترى اوتوماتيك واشترى معاها رجلى الشمال اللى حصرفه على الدكتور من ادويه لخشونه الركبه اشترى ركبتى من دلوقتى احسن واحتفظ بيها فابريكه جوه على الاقل
2- انا عايز لما اشترى العربيه بعد مده الله اعمل قد ايه يعنى لما اجى ابعها متقلش كتيرر عن تمنها علشان ازود عليها واشترى جديد باذن الله
3- مش عايز عربيه تكون دبابه من جوه وشكلها قديم مش عاوز اتعقد هوا حكايه الشكل دى صحيح مش اساسيه بس علشان مفضلش ابص على عربيات الناس طول ما انا ماشى عاوز يبقى عندى اكتفاء ذاتى:C_laugh[1]:
4-اضافه للبند السابق مش عاوز حاجه بتكنولوجيا معقده واحس انى راكب اف 16 وفى الاخر اقف على المحور علشان كارت العربيه عاوز برمجه او رصيدى خلص ويقولى اشحن الكارت :L_bhuhhh[1]:يرجوا مراجعه التوكيل
5- عاوز ماركه:36_9_4:
طبعا فى حاجات كتير تانيه بس نكتفى بهذا القدر
بصوا هوا طلبى يمكن ناس تشوف انه صعب اووى او انى بحلم
لكن انا تقريبا ممكن الالقى الحاجات دى فين
غالبا الكلام اللى بقول عليه ده يا جماعه تلاقوه فى العربيات الغاليه اللى ملهاش سوق فى مصر واللى لما تيجى تبيعها تخسر النص حتى لو العربيه كويسه
اللى هيا ايه يعنى
تقريبا اغلب الفرنساااوى
من ستروين الى بيجو الى رينو
بس انا بفضل احسنهم الستروين
العربيه الاولى فى فرنسا وكمان احسن اعتماديه من وجهه نظرى انا من
الرينو اللى شركه رينو بيشتغلوا الناس ومحسسنهم انهم راكبين اف 16
بس البيجو مش وحش برضه
وكمان كماليات لو تركبها متلاقيهاش فى عربيات كتير 2010
وكمان لما تيجى تبيعها مش حتخسر كتير الخساره الاكبر بتبقى فى الاول للى شاريها زيرو
الخبطه الاولى اللى كبيره يعنى
وفى كمان اختيار كان عاجبنى اوووووى
هوا المازدا فاميلى موديل 99 وموديل 2000
العربيه دى عامله تقريبا فى رنج 45 الف
وفيها كل حاجه كامله زجاج كهربا وباور واوتوماتيك وabs ومرايات كهربا
عيبها الوحيد من وجهه نظرى صعوبه قطع الغيار
بس مش كل قطع الغيار
ولو نزلت بورسعيد حتلاقيلها كل حاجه
انا خلصت ومستنى ردرودكم يعنى نتشارك ايه وجهه نظر حضرتك ولو فعلا حتشترى حاجه مستعمله فى الرينج ده ممكن تشترى ايه؟؟؟؟؟
الموضوع ده حيبقى مفيد جدااااااااا لاى حد يقراه بعدين ويكون بيفكر يشترى عربيه مستعمله
وربنا يكتبه فى ميزان حسنتنا ان شاء الله
سلاااااااااااااام