مش عارف ايه تفسير الموضوع دا والعامل بيضظر يقلل سرعة المسدس علي الاخر عشان مايفصلش لكن بردو بيفصل , حد عنده اي فكرة؟؟
عرض للطباعة
مش عارف ايه تفسير الموضوع دا والعامل بيضظر يقلل سرعة المسدس علي الاخر عشان مايفصلش لكن بردو بيفصل , حد عنده اي فكرة؟؟
خرطوم فائظ التنك لايؤدى وظيفته بصوره طبيعيه
وتراكم الغازات داخل التنك ( بدون تصريف )
بيزود الضغط جوه التنك وبالتالى بيعمل رد فعل عكسى على مسدس التموين
مما يؤدى الى فصل مسدس التموين مع سرعة التموين
بيضطر الراجل يقلل السرعه شويه
اول مرة اعرف ان فيه خرطوم فايظ للتنك
طيب والموضوع دا يتظبط ازاي وهل ليه تأثير علي اي حاجة تانية في العربية السحب مثلا
وايه اللي ادي الي حدوث المشكلة اصلا:majd(4):
الله ينور يا هندسه
خرطوم فائظ التانك مسدود غيرة خالص
ممكن يكون اتسد فمنع الغازات انها تهرب
انا دخلت مخصوص عشان أعرف حل المشكلة الغريبة دي !!
شكراً لحضراتكم للردود الواعية
العربية واخدها من حوالي 3 او 4 شهور وكان فيها العيب دا من اول ما اشتريتها لكن كان علي اخف شوية علي ما افتكر , ولكن العربية مش بقطع مني والمؤشر شغال كويس والسحب مش قوي بس دا ممكن يكون بسبب البوجيهات لأني مش مركب الاصلية
بس اكتر حاجة مضيقاني في كدا اني مش عارف احسب استهلاك البنزين لأني مش عارف اذا كنت فولت لحد الاخر ولا لأ
بس غريبة انه ينسد لأنه المفروض بيسرب غازات مش بتحتوي علي اجسام صلبة
ياتري بقا الخرطوم دا يتغير بسهولة وهو غالي ولا لأ؟؟
اقتباس:
ياتري بقا الخرطوم دا يتغير بسهولة وهو غالي ولا لأ؟؟
أكشف على الخرطوم لايكون متنى أو مكسور وحاجز الضغط جوه التنك
زى مابنكسر خرطوم الميه ( نتنيه ) علشان ميطلعش ميه
وتغييره سهل ومش غالى ولا حاجه
الخرطوم دة عادى جدا ومش غالى ولا حاجة بس مع تراكم التراب بيعمل انسداد على فترات خصوصا لو حضرتك مش بتفول العربية كتير
جديده المعلومه دي
شكرا بارك الله فيك