السلام عليكم
انا كنت عاوز اعرف مكان كويس اغسل فيه العربيه فى مدينه نصر و اعمل الشمع , اهم حاجه يكون المكان ده فاضى الى حد ما و اسعاره كويسه علشان انا المحطات اللى حوالين بيتى زحمه اوى و مش عارف اغسل العربيه فين فيا ريت لو حد يعرف مكان كويس يفيدنى
عرض للطباعة
السلام عليكم
انا كنت عاوز اعرف مكان كويس اغسل فيه العربيه فى مدينه نصر و اعمل الشمع , اهم حاجه يكون المكان ده فاضى الى حد ما و اسعاره كويسه علشان انا المحطات اللى حوالين بيتى زحمه اوى و مش عارف اغسل العربيه فين فيا ريت لو حد يعرف مكان كويس يفيدنى
قدام جامع السلام عند بنزينة وطنية كدا قي مشغله كويسه جدا جدا صحبها هو الي بغسل باديه يعني ظمير بجد وغير كدا عندو اسلوب مختلف
الغسيل 25 جنيه :boat:
يعنى فى المحطه نفسها بتاعت وطنيه ولا حد منفصل , حضرتك تقصد جامع السلام اللى فى الحى العاشر من كده ؟
انا عارف الي انت قصدك عليه ياباشا
هو مش في البنزينة نفسها
بس قصادها علي طول في شارع في اخره مدرسة الصديق التجريبية
هو بقي اول محل وانت داخل الشارع دا علي اليمين
انا بعدي من قدامه كتير وبشوفه
بس عمري ما فكرت اغسل عنده
لو غسلت العربية بغسلها في وطنية
والغسيل فيها عادي ومافيهوش جديد
علشان كدا بحب اغسلها انا بحس انها احسن
بس متعبة شوية
ياريت لو تقولنا نظامه
والسعر الي انت قايله دا غسيل بره بس
ولو استخدم شمع هيبقي ايه النظام
وكده
اه مسجد السلام الي في اول الحي العاشر
احسن حاجة تغسل العربية بنفسك اسرع و اوفر الواحد بيروح يضيع سعتين انتظار لحد ما يجي دورك و كمان بيكروتو و عاوزين بقشيش و مهما اديت مش بيعجب
+11111111111
على طوول بغسل عندهم وكل معارفى كلهم بيرحو هنااك...فعلا ممتازين وعندهم سرعة فى الاداء ...وفى الاخر هتلاقى واحد الى بيفنش العربية اديلة 2 ج ولا حاجة ....وحااااااااسب تفكر تعمل زوايا عندهم او ترصص او اى حاجة....اخرك اووى تحط نيتروجين ...بمعنى الكلمة عساكر وبتعك جامد
طيب ممكن اقول راى انا كمان هى تعتبر بعيده حبه عن م نصر
هى برده بنزينة الوطنيه ومتسالونيش ازاى بتغسل ب 20 جنيه
ديه على طريق الواصل بين م نصر والشيراتون بجد الناس اللى فيها عندهم ضميييييييييييييير جدا وبيطلعوا العربية زى الفل
في برضة وطنيه اللي في زهراء مدينه نصر لسة جديدة و معليهاش زحمه
و كمان وطنيه اللي في محور الشهيد عند المقابر برضة بتبقي فاضية و عملت فيهاالشمع قبل كدة و كانوا كويسيين
مظبوط هو ده مكانه انا غسيل العربيه بنفسك امتع و اوفر بس في المكان الى تعرف تغسيل في عاربيتك بنفسك الا اذا انت ساكن في فيلا وبخصوص الاسعار 25 ج دول جوه وبره الراجل بهتم بجوه العربيه جدا وخلي ريحتها تحفه بس بخصوص الشمع انا مش واثق بس انا وقع عندى شويه بويه على قالى ازالة البويه وتلميع العربيه كلها 100 ج
طيب حد يعرف مكان كويس في الجيزه؟؟؟ لاني كنت بغسل في بنزينة موبيل العجوزه بس بتتجدد وهتشتغل بعد شهرين ومش عارف اغسل العربيه فين وعايز اعملها شمع كمان
فعلا البنزينه دي فيها ناس كويسين اوياقتباس:
طيب ممكن اقول راى انا كمان هى تعتبر بعيده حبه عن م نصر
هى برده بنزينة الوطنيه ومتسالونيش ازاى بتغسل ب 20 جنيه
ديه على طريق الواصل بين م نصر والشيراتون بجد الناس اللى فيها عندهم ضميييييييييييييير جدا وبيطلعوا العربية زى الفل
للناس اللي مش عارفاها هي البنزينه اللي على اليمين وانت رايح fbi
انا كنت بروح مع واحد صاحبي بنزينه مش فاكر هي موبيل ولا ايه بس هي في شارع التحرير على ناصيه قدام السنترال وجنبها بنزينه غازاقتباس:
طيب حد يعرف مكان كويس في الجيزه؟؟؟ لاني كنت بغسل في بنزينة موبيل العجوزه بس بتتجدد وهتشتغل بعد شهرين ومش عارف اغسل العربيه فين وعايز اعملها شمع كمان
عارفها دي؟
وطنيه اللي عند جامع السلام
مش هتعرف عربيتك بعدها هههههههههههههههه
قصدك التعاون
من كتر الناس اللي بتروحلهم بقو يتلصقو الشغل وانا لسه غاسل عندهم آخر مره والعربيه زي ما دخلت زي ما طلعت !! ولسه متوسخه من جوه وقعدت انضف فيها تاني لما روحت ،وكمان في ظبط الزوايا هناك خبطو عربية واحد صاحبي وهو بيجربها قام الراجل بتاع الظبط لففلو الدركسيون ودخله في شجره والعربيه اتدمرت فعشان كده مبحبش اروح البنزينه دي
وكمان عايز مكان يعمل شمع والبنزينه دي مش بتعمل
الله يرحمك يا موبيل العجوزه :stink[1]:
انا دايما بغسل فى كالتكس عباس العقاد
الغسله برا وجوا ب 15 وقول 5 بقشيش يبقى كله 20 , بس لو انت من الناس اللى بتخاف على الدهان من الصابون وعلى فرش الابواب من الفوط المبلوله يبقى هناك مينفعكش لانهم فى الحته دى ضايعين
هما بينضفو العربيه والشنطه بالمكانس وبعدين ممكن ينضفلك الموتور بالهوا وفلتر الهواء والتكييف وبعدين من برا بميه وصابون وبعدين الدواسات والعتب والتابلوه والكونسول بفوط مبلوله , الحق يتقال شغلهم كويس اوى وعندهم ضمير
اه غالبا هي التعاون وفعلا البنزينه بتبقى زحمه فظيعهاقتباس:
قصدك التعاون
من كتر الناس اللي بتروحلهم بقو يتلصقو الشغل وانا لسه غاسل عندهم آخر مره والعربيه زي ما دخلت زي ما طلعت !! ولسه متوسخه من جوه وقعدت انضف فيها تاني لما روحت ،وكمان في ظبط الزوايا هناك خبطو عربية واحد صاحبي وهو بيجربها قام الراجل بتاع الظبط لففلو الدركسيون ودخله في شجره والعربيه اتدمرت فعشان كده مبحبش اروح البنزينه دي
وكمان عايز مكان يعمل شمع والبنزينه دي مش بتعمل
الله يرحمك يا موبيل العجوزه :stink[1]:
حتى لو فيبر ... هم بيلحوسوه بالفوط المبلولة اللى معاهم ... من رأييى ان تنظيف السيارة من الداخل محتاج مكان تانى غير محطات البنزين يكونوا على مستوى اعلى شوية من محطات البنزين
A.Saad
دول في بلد تانيه يا باشا مافيش اي علاقه بمدينه نصر
هو فى ضرر على صاج العربية من الفوطة الزفرة يا جماعة ولالا
ام عادى استخدم فوطة زفرة
وبعدين هل فى فرشة محترمة الواحد يشتريها عشان يحافظ بيها على الميتالك بتاع العربية ولالا وبتكون فى حدود كام ومنين
وبردوا الواحد يشترى شامبو مخصوص للعربيات مش احسن من استخدام اى صابون