عرض للطباعة
زى العنوان مبيقول
هل سبق وان فسخت خطوبتك
وياريت نعرف الخطوبة قعدت اد اية
وما هى اسباب فسخ الخطوبة
والفسخ كان منك او منها
وبقالك اد اية فاسخ
ويا ترى لسة حاسس انك بتحبها وبتحنلها
وهل حاسس انك ندمان على فسخ الخطوبة
وهل جربت انك تخطب تانى
اعتبروا الموضوع من قبيل الفضفضة لكل واحد ربنا مقسملوش لسة انة يتجوز
انا كنت هخطب الصيف الجي بس الموضوع باظ خالص بعد حب اربع سنين ووالدي كان مكلم والدها بس كنا مستنيين عشان الجامعة وكدة
لسة مفيش كام يوم .. حاسس اني مش عايش :(:(
بس احتفظ بالاسباب لنفسي
عموما ربنا مايحكم على حد يفارق حد بيحبه
والله هم مابعده هم
ادعولي
والله انا حصل معايا كتير قول 5 او6مرات
وكان سبب الفسخ منهم احيانا ومنى احيان اخرى
لعدم التوافق فى الفكر والطموحات وفكرة تاسيس
بيت يعنى تلاقى مثلا واحده كل اللى يهمها انت هتجيب
لها ايه وبس ومش مهم انت مين وشخصيتك ايه
وفى واحده تلاقيها مخالفه معاك فى كل افكارك
والغريبه ان ده مش عن حق ولكن مرض بعيد عنك
خالف تعرف
معلش ...انا بس رديت لانى حاسس ان الموضوع فية تطفل على مشاعر الاخرين
والاحسن ان الموضوع كان يكون عن سبب فسخ الخطوبة ومواقفها بس مش اكتر وافتكر ان الموضوع دة موجود فى الاجتماعى وبتاريخ جديدة وفية مشاركات كتيير ونشطة
http://www.nilemotors.net/Nile/133379-a.html
وانا اسف لصاحب الموضوع بس انا حاسس اننا بكدة هانبقى بنكرر المواضيع
اه فسخت خطوبتي الحمد لله
قعدت حوالي 6 شهور
من شهر مايو 2009 الي نوفمبر 2009
فاسخ بقالي 4 شهور ونص
الاسباب والله مش عارف عارف لما بيبقي واحد بيجري وراك بقاله 3 سنين ولما تروحله تعمله اللي هو عاوزه وتخطب بنته يترسم عليك بس الرسمه جت بزياده وافورت منهم كلهم والله من اول يوم من يوم قراية الفتحه بس الشهاده لله كانوا كويسين معايا اول اسبوع بعد كده بدأت المعاناه عارف لما يكون حد اقل منك وهو عارف كدا بس بيحاول يعوض ده مع اني والله متواضع معاهم وعمري ماحصل مني شيء غلط وحتي لو حصل كنت بعتذر وماكنتش بتكبر + عارف برضو شغل الحماوات المقرف مع اني حماتي كانت عمتي اللي بقالها 3 سنين بتشاغلني +البنت كانت تقيله جدا في طبعها وكفايه كده علشان ماخدش ذنوب اكتر من كده
الفسخ كان مني واحلي حاجه انها جت مره واحده زي القلم نزل عليهم كلهم مره واحده والله لغاية دلوقتي بيكلموا ابويا اني ارجع وانا ولا في الدماغ
كنت بدأت احبها بس الحب لوحده ماينفعش وكل ماكنت افكر ارجع في الاول وارجع اتخيل نفسي وسطهم تاني ارجع اقول الحمد لله اللي خلصني منهم
لا مش ندمان خالص علي الفسخ لأنه جاء بعد 3 صلوات استخاره ونفسي قفلت من ناحيتهم تماما وبحمد ربنا قوي
نفسي قوي اخطب تاني والله واتجوز الاحساس ده جميل قوي وخصوصا لما يكون اللي قدامك بيحيك ويحترمك ومتفاهم معاك احلي احساس في الدنيا فعلا الزواج موده ورحمه وسكينه
هو بس انا عندي استفسار بسيط من الناس الي بيقدموا على مرحلة الخطوبه دي , هل كل واحد وهو رايح يخطب ويرتبط بيبقى شايل المسؤوليه ومخطط ازاي هيتحمل مسؤوليه الخطوة دي بكل ما تحمل من نتائج سواء كانت سلبيه او ايجابيه ؟ انا دائما لما بفكر في الموضوع ده ببقى خايف وبقول لنفسي اني مش هقدر اتحمل مسؤوليه انسانه تانيه معايا واذا ربنا قدر والموضوع كمل للجواز مش عارف هل هقدر اتحمل مسؤوليه بيت واطفال وانا ابقى صاحب القرار عن حياة الناس دي ؟ من الاخر هل الموضوع صعب زي ما انا بتخيله ولا هو بسيط ولا ايه بالظبط ؟؟؟
نفس الاحساس ده عندياقتباس:
المشاركة الأصلية كتبت بواسطة kemoelord
ياريت حد يرد علينا
يا باشا هونها تهوناقتباس:
المشاركة الأصلية كتبت بواسطة kemoelord
ليه مصعبها علي نفسك
طيب مافي مليارات قبلك اتجوزوا
حصلهم ايه ؟؟؟ ولا حاجه
اصل انت مش هتشيل مسئولية دوله
وبعدين زوجتك ماهياش صغيره
وانتوا وسط اهلكوا برضه
والواحد مع العمر بيكتسب خبره
الكلام اللي انت بتقوله ده معناه ان ماحدش يتجوز لان الجواز صعب
الموضوع مش سهل ولا معقد من وجهة نظري طبعا احنا منتظرين تعقيب من الاعضاء اللي اتجوزوا
وبعدين اللي مكتوبلك هتشوفوا
تخيل والدك وهو في سنك ايه رايك ؟؟
هي هي ايه الفرق بينك وبينه
يا استاذ اكتو كل واحد ليه حرية الاختيار فانه يقول الاسباب او ميقولش....وفى اعضاء قالت الاسباب وفى اعضاء احتفظت بالاسباب لنفسها...اقتباس:
المشاركة الأصلية كتبت بواسطة eng.octooo
ومن وجهة نظرى ان دا مختلف عن الموضوع الاولانى...لان الموضوع ده بخصوص الفسخ وبس
مش مقدمات الخطوبة او التعارف...الخ
اقدمها باسلوب سمح فائق الاحترام...
يمكن علشان الواحد لسه عايش مع اهله فاحساس المسؤوليه ده مش عنده , او يكون عامل السن عليه تاثير , هو اكيد الموضوع مش مستحيل لدرجة ان الواحد مش هيعمله بس انا بتكلم عن النقله وهي ان تكون فجاه مسؤول على حد وكلام حضرتك صح في ان الي هرتبط بيها دي مش صغيره يعني انا مش هشيل المسؤوليه لوحدي ولا ايه ؟اقتباس:
المشاركة الأصلية كتبت بواسطة dr.amr
اقتباس:
المشاركة الأصلية كتبت بواسطة dr.amr
نصيحه لصاحب الموضوع
متقلقش ابدا:36_1_1[1]:
انا اعرف واحد متجوز بقاله كتير بس لسه عايش :120105~352:
اقتباس:
يا استاذ اكتو كل واحد ليه حرية الاختيار فانه يقول الاسباب او ميقولش....وفى اعضاء قالت الاسباب وفى اعضاء احتفظت بالاسباب لنفسها...
ومن وجهة نظرى ان دا مختلف عن الموضوع الاولانى...لان الموضوع ده بخصوص الفسخ وبس
مش مقدمات الخطوبة او التعارف...الخ
اقدمها باسلوب سمح فائق الاحترام...
شكرا لتعليق حضرتك
هههههههههههههههههههههاقتباس:
المشاركة الأصلية كتبت بواسطة wesam_salom
ياباشا الناس مش ناقصه
احنا عايزين لما الواحد يبقي قادر يتجوز يتجوز
مش نبقي خايفين نتجوز
طيب انت مثلا ايه رائيك في الجواز بس بجد ؟
ايه شعورك بعد مااصبحت رب اسره؟
ايه احساسك لما تشيل ابنك وتلعب معاه ؟
بجد والله مش هزار
هو انت عندك كام سنه ياباشا؟اقتباس:
المشاركة الأصلية كتبت بواسطة kemoelord
علي فكره ماتحاولش تقارن نفسك بوالد مثلا
الموضوع مختلف تماما
المسؤليه بتيجي علي فترات مش مره واحده
يعني واحده واحده مسؤلياتك بتكبر وانت بتكون نضجت معاها
ماتحكمش علي نضوجك ده قبل 25 سنه
وبعدين مافيش نقله بتحصل مره واحده ولا حاجه
انت بتخطب الاول وبتتعرف عليها وبتخرج معاها
كأنك مع واحد صاحبك بس بتحبه :36_1_1[1]:(اذا كنت فعلا كده :36_3_18[1]:)
وكله من الهرمون ابن التييييييييييت اللي بيخليك غصب عنك تغلط وتعملها :pointi~2[2]:
هههههههههههههههههههه
اه فسخت خطوبتي لسه يوم 19-3-2010
كنت قرايت الفاتحه في شهر اكتوبر ولبست الشبكه في 12-2-2010
عدم التفاهم بيني وبين ام العروسه كانت بتلف وتدور كتير وانا كنت داخل طوالي مش عندى لف ودوران
الفسخ كان مني ببقالي اربع ايام فاسخ الخطوبه
بحن ليها اه لكن حب لا
مش بفكر اخطب تاني دلوقتي لما يجي النصيب
انا بما انى متزوج من زمان ومعايا ماشاء الله 3بنات وولداقتباس:
المشاركة الأصلية كتبت بواسطة dr.amr
الجواز هو فعلا سنة الحياه ومن غيره مافيش حياه
لكن اكيد مسؤليه كبيره وطالما اخذت القرار لازم تكون قد
المسؤليه ..... فى مشاكل بتقابلك احيانا بس دورك فى الحياه
انك تتغلب على المشاكل دى
لكن مش كل الحياه مشاكل برضه وكفايه انك تروح بيتك
بعد يوم تعب وشقى تلاقى اولادك يستقبلوك ويجرو عليك
وتقعد تهزر معاهم وتتابع معاهم اخبارهم ايه والدراسه
والمذاكره واللعب وتحس فعلا بحلاوة الحياه معاهم
ممممممممممممممممممممممم
مفيش ولا عضوة ردت
الحمدلله الذي عافانا مما ابتلي به غيرنا
انا شيفة ان النسبة العالية دي لمعدل فسخ الخطوبات نتيجة ان ناس بتخدها علي محمل التجربة ياصابت ياخابت
مع اني شيفه انها خطوة مصيرية متقلش غير شئ بسيط عن العقد
يعني المفروض كل طرف يكون راضي عن لتاني بنسبة كافية قبل اتمام الخطوبة
مش يتخطبوا عشان لسه هيجربوا نصيبهم
ما هو احنا هنرد يا ايس هتلاقي الكلام بيكرر نفسه زي باقي المواضيع و ان مطالب الزواج هي السبب :)اقتباس:
المشاركة الأصلية كتبت بواسطة icehearted girl
علي العموم دا نصيب و فسخ الخطوبه دا خير و ان كان ظاهره شر لكن اكيد ربنا له حكمه و سبحانه و تعالي عارف الخير فين
و اي حد بيفسخ خطوبته سواء البنت او الولد اكيد بيحنوا لبعض بس هي فتره و بتعدي و بينسوا
و الانسان سمي انسان من نسيان
بس يا ايس العقد اكبر بكتير من الخطوبه
يعني الخطوبه مجرد وعد بالزواج لو تراجع اي طرف بيبقي وقعه اقل بكتير من الطلاق
أكيد فعلا فسخ الخطوبة خير.... الحمدلله انها اتفسخت احسن مكان اتنين مش مناسبين يرتبطوا ببعض
او احسن مكان دا حصل بعد العقد
بس مبقاش متطلبات الزواج هي السبب الرئيسي دلوقتي
بشوف قدامي اسباب كتير جدااااااااااااااااااااااا ا غير الموضوع دا
اكيد طبعا مش هي السبب الرئيسي بس انا بقولك اللي هما هيقولوا :)اقتباس:
المشاركة الأصلية كتبت بواسطة icehearted girl
ربنا يباركلك في حياتك واولادكاقتباس:
المشاركة الأصلية كتبت بواسطة hashem1999
ويارب تشوفهم دكاتره (بلاش احسن هيطلع عينهم :fdsa:) ومهندسين (مجربتهاش قبل كده:36_1_1[1]:)
هو ده اللي بقول عليه وكتير من اللي في سني نفسهم يحسوه
تحس ان فيه حاجه في حياتك ناقصه
وهما اللي بيكملوها
امانه عليك يا ابو هاشم لما تشوف موضوع مفتوح والناس بتقطع في فروة المتجوزين والجواز تدخل ترد زي رد حضرتك ده
حتي لو فيه مشاكل ده جزء من حياتك
هى البنت تعوز اية من الانسان الى ارتبط بيها اكتر من انة يحبها ويخاف عليها ويحترمها ويقدرها ويوفر ليها حياة كريمة ويتحمل اهلها بكل غباوتهم وخصوصا امها.
لية البنت تتبطر على دة كلة ويكون عندها استعداد انها ترمى كل ما ذكرتة.
لية يكون سهل عند البنت انها تبيع وتتحسسك ان كل حاجة متعلقة بكرامتها وكأن لا كرامة لك ولية الكرامة يكون ليها وجود بين الاحبة رغم ان خلافاتهم بعيدة خالص عن الكرامة
بصراحة حاجة بقت تقرف وفعلا جنس خلق من ضلع اعوج
مممممممممممممممم
الله يكرمك يفندم
لو فيه فعلا انسانة بالمواصفات اللي قلتها دي..واعتذر عن وصفي ليها بالانسانية ..يبقي ربنا يعينك عليها
بس في سؤال بيلح عليه للمفسوخين خطبتهم
اي الحكمة من ان كل طرف يرجع للتاني هداياه
طب دي اسمها هدايا يابشر :s
وبتقعدوا فعلا تفتكروا جبتوا ايه وهم جابوا ايه؟
هو في حد بيتجوز اليومين دول عشان يخطب اساسا ؟
و الله نفسي اتجوز بس مش علي الطريق المصريه
و الله مش هتصدقوا لو قولتلكوا اني مبتأقلمش مع عيلتي اصلا
فمابالكم باهل العروسه بقي ؟
بجد الحياه بجواز او من غير حاجه تخنق
كانت فاتحه بس استمرت من مارس 2009 وانتهت في اغسطس 2009
وجت منها للاسف
وحاسس اني اهنت نفسي قوي لاني استحملت كتيير وكنت فاكرها تستاهل بس للاسف طلعوا عيله مش مظبوطين نفسيااااا
ما علينا احيانا
فجاه كده بفتكرها وبكون مخنوق قوي لكن مش كتيير يعني
وبصراحه اول ما الظروف تسمح هكررها تاني باذن الله
صحيح يا ايس بالنسبه للهدايا انا فعلا حاولوا يرجعولي الهدايا بتاعتي بصيت لهم من فوق لتحت ومشيت
بس الفكره ان الواحد كل مايشوف الهدايا دي هيفتكر الطرف الاخر فشعان كده يبقى الاحسن يتخلص منها
بظبط يا bmya
يعني اولا معتقدش انها تذكار سعيد
وثانيا هتقلل من شأنك خصوصا لو انت اللي طلبتها
متهيالي كل مهتجيب هدايا كل مهتحرس علي استمرار الخطوبة
سمايل واحد مدبر
كل يغنى على ليلاه:120105~352:اقتباس:
المشاركة الأصلية كتبت بواسطة icehearted girl
انا فى رأيى انك اخدت اهم حاجه
ولا دباديب الدنيا تعوضها
حريتك
انا مخطبتش قبل كدا والحمد لله لان الظروف حاليا لا تسمح بالرغم اني فكرت في الموضوع ده
لكن اعتقد ان الاختيار الصحيح ( النابع من الام والاب) بيكون مستمر
وربنا بيبارك فيه لان الاهل بيكونوا راضيين
ورضاهم مهم في الموضوع ده
عذرا على الخروج عن الموضوع
اقتباس:
المشاركة الأصلية كتبت بواسطة أم حمـــاس
انا مختش الهدايا بس دفعت نص تكاليف الخطوبه وخت الشبكه
ههههههههههههههههههههههههه ههههههههههههههه ويا عم الواحد ليه يستحمل غباوة ام العروسه مش كفايه ان الواحد مستحمل غباوة الناس الي بيتعامل معاهم كل يوم ههههههههههههههاقتباس:
المشاركة الأصلية كتبت بواسطة ahmed12345678
بالنسبه للدكتور عمرو انا عارف ان حضرتك عاوز توضحلنا او الجواز كويس وسنه من سنن الحياه وانا مش ضد الكلام ده , انا واحد عندي 22 سنه بالمناسبه يعني مش صغير انا بتحمل مسؤولية نفسي بالعافيه وحاسس ان الاحساس الي عندي انه مش هيتغير ,, ربنا يستر وبعدين حلو اوي الواحد يقضي حياته مع نفسه كده ولو في مذاكره بيذاكر وخروج مع اصدقائه وبلاي استيشن ههههههههههههههههههههه حنفي الابقه
هو مين ده ياابو مريم ياترى نعرفه هههههههههههههههه:3mla:اقتباس:
المشاركة الأصلية كتبت بواسطة wesam_salom
بصوا ياجماعه اد ايه انا مستمتعه وانا بقرا تجارب الناس عشان الواحده لما تتخطب تاخد بالها من الامور ديه
بس حضراتكم شايفين الاسباب ديه من وجهة نظركم يعنى احنا بنسمع من طرف واحد ومش بنقدر نحكم مين اللى غلط عموما ده مش موضوعنا دلوقتى
بس فى كذا رد ان انتوا خايفين تدخلوا الجربه ديه تانى وفى نفس الوقت فى ناس داخله الموضوه بتحسبه
اولا ياجماعه ده كله قسمه ونصيب وانا الحمد لله نصحت زمايلى كتير انهم يدخلوها من غير حسابات وهى بتفرج من عند ربنا ولو ليك خير فى الشخص ده حتكمل حياتك معاه
بس اهم حاجه ان الواحد يفكر بالعقل قبل القلب عشان زمن الرومانسية بقى قليل فى زمنا ده وفى نفس الوقت عشان تلاقوا حاجه بعد الجواز تدوها بالمشاعر والكلام ده عشان تكسورا حاجز الملل
بس كده وربنا يوفقكم ياجماعه اللى عايزين يخطبوا والمخاطبين والمتجوزين كمان
أنا كنت خاطب قبل كده
ويمكن أعضاء كتير تكون عارفة القصة بتاعتي
كانت في كلية تجارة
كلمة حب مش هيا الكلمة إلي تقدر توصف إلي كان جوايا ليها
المهم
لما جينا للجد ..طلبوا مني طلبات خيالية جدا
عاوزين شقة تمليك لوحدها في أرقى مناطق الزقازيق(القومية)
وعاوزين شبكة بمبلغ خرافي
وعاوزين فــرح إسطوري في قاعة غااااااااالية جدا
وأنا يدوبك لسه بادئ حياتي ..عندي صيدلية وعربية وعندي شقة في بيتنا الكبير ..فيه جراج للعربية ..وجنينة كبيرة جدا
وأنا كنت شايف إن كفايا على والدي إنه فتح ليا الصيدلية ..وإشترى ليا عربية ..وجهز ليا شقتي
مكنش ينفع أطلب منه يشتريلي شقة في القومية بمبلغ خيالي(إلي مايعرفش ..أسعار الشقق في الزقازيق خراااااااااافية بشكل يهبل وأغلى من أماكن راقية في القاهره نفسها) ..ولا كان ينفع أطلب منه يجيبلي الشبكة الضخمة إلي طلبوها ..ولا كان ينفع إني أطلب منه مبلغ ضخم علشان الفرح الإسطوري إلي كانوا عاوزين
والأهم
أنا حسيت إنهم كانوا واخديني (مقاولة)
يعني
عريس دكتور ..ومعاه فلوس
بس للأسف علشان كنت بحب البنوتة أوي ..ألموضوع ده تعبني أوي أوي لما فسخت الخطوبة
ربنا يعوضك خير,,,اقتباس:
المشاركة الأصلية كتبت بواسطة A7MED_PHARMA
والله ياجماعه تجربة حب عميقه فاشله اصعب بكثير جدا من مسالة فسخ الخطوبه انا فسخت خطوبه مره لعدم وجود توافق والسبب الاكبر انه لا وجه للمقارنه بينها وبين حبيبتي الاولى التي لا يوجد مثلها في الوجود