استفسار خاص بالباور سبلاي لعربية فانتازيا 2010
السلام عليكم ورحمه الله وبركاتة
معايا فانتازيا 2010 حصل معايا حاجة غريبة كنت بفتح العربية بالريموت و فجاة لمبة الاشارة اللي
على اليمين قدام نورت لوحدها ومش عاوزة تقفل حتى لو قافل الكونتاكت بتاع العربية روحت للتوكيل
في غمرة وقالولى الباور سبلاي بتاع العربية اتحرق Power Supply وعاوز يتغير بس مش
موجود عندهم كقطع غيار ولازم يعملوا طلب لية من برة وهتاخد وقت حوالي 3 اسابيع لحد ما تيجي وطبعا اللمبة هتفضل منورة 24 ساعة لحد ما تيجي الباور سبلاي ... ممكن حد يفهمني موضوع
الباور سبلاي دة اية وهل فعلا التوكيل بغمرة مش متوفر عندة قطع الغيار وسايبها للطلب كدة بس ... وشكرا على التعاون
استفسار خاص بالباور سبلاي لعربية فانتازيا 2010
الف شكر لحضرتك لردك السريع على استفساري انا كنت حاسس انة فيوز بردة ... بس الفكرة اني
لما كنت هناك في التوكيل المهندس قالي انة وصل العربية على جهاز الاعطال هناك وانها محتاجة
قطعة الغيار الجديدة دي اللي اسمها باور سبلاي فانا قولتلة ان العربية في الضمان لسة والتغيير
هيكون في الضمان واكد علية ان الموضوع كلة في الضمان حتي لمبة الاشارة اللي على اليمين لو
اتحرقت نتيجة انها منورة على طول
ياريت لو تعرف حد عندة جهاز الاعطال ممكن اروحلة ونكشف بردة عليها ونتاكد وشكرا لحسن تعاونك
استفسار خاص بالباور سبلاي لعربية فانتازيا 2010
شكرا لاهتمامك وردك على استفساري، دة كان كلام المهندس اللي في التوكيل ، ربنا يسهل انشاء الله انا هافضل معاهم في الكلام بس القلق انك تفضل مستني فترة طويلة معاهم من غير ما ت صلح حاجة وتفضل العربية من غير تصليح. ولما اوصل لنتيجة هاكتب تقرير في الموضوع
استفسار خاص بالباور سبلاي لعربية فانتازيا 2010
السلام عليكم ورحمه الله/
سا جماعة حصلت حاجة تانية معايا ... طبعا انتوا عارفين اني مستني مركز الخدمة يرد عليا بان قطعة الغيار اللي هي الباور سبلاى دة ييجي بقالي اسبوع و من ساعتها لمبة الاشارة اللي على اليمين قدام لسة منورة لقيت النهاردة على شاشة الراديو عبارة Battery Low and Radio will off ... حد عندة فكرة هل ممكن اللمبة اللي منورة دية تكون سبب يفضي البطارية بتاعت العربية ولا دي حاجة تانية
استفسار خاص بالباور سبلاي لعربية فانتازيا 2010
والله كان عمل كدة المهندس النهاردة وقالي انها هتفصل لوحدها بعد 12 ساعة انا قولتلة اتصرف دلوقتي وصلح العربية البطارية هتفضى ... رد قالي احنا ممكن نفصل اللمبة علشان متفضلش منورة وقالي ماهو الفيوزات كلها عاوزة تتغير عندك وانا طلبتلك علبة فيوزات جديدة احسن علشان الفيوزات كلها عاملة قفلة في العربية بس هي هتاخد وقت عقبال لما توصل من برة فخلينا نفصل اللمبة لحد ما تيجي العلبة والله اديني معاهم ووراهم لحد ما نشوف اخر الموضوع اية ... في واحد صحبي قالي على مكان اسمة امير وجوزيف في مدينة نصر في شارع ابو داوود الظاهري بيفهموا كويس جدا في الفانتازيابس القلق انك تعمل حاجة برة الضمان.
استفسار خاص بالباور سبلاي لعربية فانتازيا 2010
الحمد لله يا جماعة تم اصلاح العيب وتركيب القطعة الجديدة (باور سبلاي، وفيوزات) واليكم السناريو كالاتي:
اتصل بية مسئول خدمة العملاء لابلاغي بوصول قطع الغيار وجاهزة للتركيب، روحتلهم وتم التركيب واحنا بنجرب العربية مشكلة الانوار اتحلت ولكن السنتر لوك باظ والعربية مرضيتش تقفل خالص، راحوا خدوا العربية تاني وبيتوها يوم عندهم لعمل تغيير كامل للسوفت وير بتاع العربية واستلمتها تاني يوم الحمد لله شغالة، لكن المفتاح التاني الريموت وقف ومش عاوز يشتغل ودة اكتشفتة النهاردة، المهم اني هاضطر اروحلهم تاني المشكلة ان مفيش نظام ومش مرتبين وبيكتشفوا الحاجة زي ما يكون اول مرة يشتغلوا في عربيات سكودا !! لدرجة ان المهندس قالي هاجرب شوية حاجات على جهاز الاعطال كدة يمكن تكون عاملة قافلة في السنتر لوك، مش فاهم ازاي حد مهندس يقول كدة شغال في سكودا وعلى كذا عربية !! ، ربنا يسهل انشاء الله - انا حبيت اكتبلكم تقرير عن اللي حصل