المشاركة الأصلية كتبت بواسطة مصراوي جدا
السعر حضرتك 90 ألف في التوكيل مصرية تليفون 19830 المبيعات والمعرض في 3 أ ش رمسيس عند منزل كوبري اكتوبر في معروف قبل الاسعاف في اول شارع رمسيس على اليمين
الموديلات المتوفرة حاليا هي 2007 لأن موديلات 2008 لسه ماجاتش حتى الآن ممكن تتأخر شوية وكمان السعر 90 ده يعتبر مخفض علشان موديلات 2007
العربية تجميع هولندي (اتحاد أوروبي) في مصانع ميتسوبيشي موتورز في هولندا ، وفي رأيي دي ميزة مش عيب لأن قواعد واشتراطات التصنيع والتجميع في الاتحاد الأوروبي قاسية وشديدة ومفيش فيها اي تهاون وبالتالي فالجودة مضمونة باذن الله
قطع الغيار ياباني ومتوفرة والشركة جابتها أوائل 2007 عند استلام أول دفعة من العربية لأن الوكيل لازم يكون موفر قطع غيار العربية
احنا بالفعل جات لنا عربيات كولت في مركز الخدمة سواء للصيانة الدورية او سمكرة ودهان
يا ريت حضرتك تروحي المعرض تشوفي العربية لأن تجربة العربية ومشاهدتها رؤى العين بتفرق كتير عن الكتالوجات والصور وتسهل اتخاذ القرار سواء ليها او لغيرها