السلام عليكم ورحمه الله و بركاته
انا ممكن ال 5 الاف اعملها فى سنه لسبب ان العربية بيتى خالص مجرد فسحة كل اسبوع مرة
فبالتالى ال 5الاف بيقعدوا معايا مدة طويييييييلة
اى اقصة مدة لتغير الزيت حتى لو معملش 4 او 5 الاف كيلو خلال سنه؟
عرض للطباعة
السلام عليكم ورحمه الله و بركاته
انا ممكن ال 5 الاف اعملها فى سنه لسبب ان العربية بيتى خالص مجرد فسحة كل اسبوع مرة
فبالتالى ال 5الاف بيقعدوا معايا مدة طويييييييلة
اى اقصة مدة لتغير الزيت حتى لو معملش 4 او 5 الاف كيلو خلال سنه؟
مافيش توقيت محدد , ما قرأتش تعليمات بتوقيت محدد ,, يقال 6 أشهر والله اعلم
انا استعمالى للعربية خفيف زى حضرتك وفى الصيانة بالتوكيل المهندسة بتاعة التوكيل كانت قالت لى ان
زيت ال 5000 يكون تغييره بعد 5000 كم او ستة اشهر
وزيت ال 10000 يكون تغييره بعد 10000 كم او سنة
وانا فعلا بحط زيت 10000 وبغيره بعد سنة
المفروض ميقعدش اكتر من 6 شهور
اللى انا اعرفه انه 6 شهور
وفى انتظار المتخصصين فى هذا المجال
للتوضيح
مهندس محمد التازى قال عن زيوت فيسكو انها بتقعد سنتين فى الموتور بس مش عارف الزيوت التانية اخبارها ايه
والله الموضوع ده الواحد مش عارف مين الصح ومين الغلط يعني في التوكيل قالولي وانا بغير زيت وبحط زيت 10000 هيتغير بعد ال 10000 او سنه ايهما اقرب وانا الصراحه شاكك في موضوع سنه ده لان حاسس انه ما يقعد اكتر من 6 شهور فياترى اعمل ايه ؟؟؟؟؟
اى يا جماعة دا زيت القلية بيقعد سنه و اتنين (بدون استخدام)
محدش عارف زيت العربيات بيقعد قد اى مع الاستخدام ؟
مكتوب على موقع شركه موبيل ان الزيت الموبيل 1 ممكن يقعد سنه مش 6 شهور زى ما بعض التوكيلات هنا بتقول
افتكر مالوش
عوه ف المده حسب الكيلو بس
كان معى الأول ميتسوبيشى لاتسر زيرو و التوكبل كان يحط زبت موبيل 1 و ينصح بتغيره كل 10.000 كيلو او سنة (ايهما أسبق)----فاكر مرة علشان كان أستخدامى خفيف قوى زى حضرتك قعدت حوالى سنة و اربع شهور بين 10.000 و 20.000 و لما رحت أعمل صيانة ال20.000 المهندس فى الأستقبال زعل جدا لما عرف أنى قعدت الفترة دى و قالى و لا يوم بعد السنة.
فى توكيل فولكس (العربية زيرو برضه) النظام اختلف و رغم استعمالهم لنفس الزيت (موبيل 1) الا أنهم ينصحون بالتغيير كل 10.000 كيلو او 6 شهور (ايهما اقرب)، أخر مرة سالت المهندس مش موبيل 1 بيقعد سنة أمال أنتم بتقولوا 6 شهور ليه؟ قالى سنة دى فى بلد غير مصر التراب فيها مش يالشكل ده. أبقى تعالى أفرجك الزيت بينزل لونه ايه بعد 6 شهور و أنت تصدق. و شدد جدا على اهمية تغييره عند 6 شهور. و فعلا كمبيوتر العربية من اسبوعين كل ما أجى احط المفتاح فى الكونتاكت يدى رسالة تحذيرية أنه فاضل 6500 كيلو أو 14 يوم على الصيانة و الرسالة بتتغير بالناقص يوميا (لأنى غيرت الزيت من خمس شهور و نصف).
أعتقد لازم نحترم تعليمات التوكيل فهم الأدرى بالعربية.
يا جماعه الزيت ما دام مفقدش اللزوجه بتاعته يقعد في الموتور 100 سنه
انا بردك استخدامى قليل و باستخدم زيت موبيل السوبر و باقعده 6 شهور لان الكيلومترات اللى باعملها بتجيب 2500 كم بالعافية فى 6 شهور
انا بغير كل سته شهور مع زيت مصر وكله زى الفل