-
افادونى فى لانسر 98
كل ما ادور العربية الصبح وعموما لما تكون باردة لازم اضغط على دواسة البنزين 5 الى 6 مرات علشان تدور خلاف كده العربية تدور وتبطل بعد 3 ثوانى المشكلة دى حصلت بعد ما ودتها لميكانيكى يزود السخان شوية علشان كانت بتتاخر كتير فى التسخين الصبص هو نظف الكاربيرتير بالاسبراى وعلا السخان روحت لميكانيكى تانى غير البوجيهات يا ترى اية المشكلة
-
المشكلة دة عندى يا باشا و بردة السبب السخان .الفكرة ان الميكانيكية لما بيلعبو فى السخان بيخربوة و تلاقى العربية بتنتش معاك لغاية لما تسخن كويس.
نصيحة شوف ميكانيكى كويس موثوق فيه يظبتلك السخان
-
شكرا على اهتمامك لو هاروح لميكانيكى كويس يبقى لازم هاجرب مليون ميكانيكى اولا لحد ما اجد واحد
-
بص يا باشا انت لو من سكان مدينة نصر انا ممكن اوصفلك ميكانيكى استاذ هو مشكلتة الوحيدة انا علية طولة بال تشل بس هو الراجل بيفهم احسن من اجدعها مهندس فى التوكيل.
انا بتعامل معاة فى عربيتى الكيا و عربية والدى لانسر 2001 و هو فعلا مظبتهم احسن من التوكيل
-
اخى mmringo
طب ممكن تقلنا فين الميكانيكى دة لان فعلا على رأى كيمو الواحد هيجرب مليون واحد علشان يلاقى واحد كويس فى الاخر
انا من مدينة نصر وفعلا محتاج لميكانيكى مجرب ويكون ثقة وياريت رقم تليفونة كمان ونبقى متشكرين ليك
-
مودى باشا احنا عنينا ليك انت و كيمو. هو الميكانيكى اسمو الاسطى على هو شغال اصلا فى شركة بتاعت استيراد عربيات تويوتا فطبعا هو استاذ يابانى .
عنوانة الحى العاشر بعد سوق السيارات على اليمين عند بنزينة موبيل ادخل يمين هتلاقى بعد 200 متر جامع ادخل بعدة يمين فى اول شمال هتلاقية فى وشك.
انا للاسف النمرة معايا فى العربية اول لما انزل هجيبها ان شاء الله و يا ريت تكلمو قبل ما تروح و لو اى حد عاوزنى معاة انا تحت امرة.
-
mmringo باشا متشكرين ليك واد القول ياباشا .. دة طلع جانبى قوى انا ساكن فى المشروع السويسرى .
شكرا ليك تانى مرة وربنا يدوم المحبة .
اخوك محمد
-
متشكر لك جدا ان شاء الله ساذهب له مع انى من سكان 6 اكتوبر بس مبحبش جاجة تكون مش سليمة فى عربيتى
-
على فكرة بردة يا مودى باشا انت و كيمو لو عاوزين عفشجى كويس انا اعرف واحد استاذ .و ربنا ما يحوجنا لاى صنايعى ان شاء الله
-
mmringo باشا احنا متشكرين ليك على خدماتك
وياريت برضة تقلنا عنوان العفشجى بتاعك لان اكيد الواحد بيحتاج من فترة لفترة يشيك على العفشة
وربنا يخليك وتعبينيك معنا يا باشا .
اخوك محمد (ابو سيف )
Content Relevant URLs by
vBSEO 3.6.0 PL2