محتاج استشارتكوا في موضوع شغل

الموضوع باختصار ان واحد بعتبره اخ كبير ليا اجر محل في عمارتنا عشان يفتحه سنترال ( المحل كان شغال سنترال اصلا بس صاحبه مش فايقله عشان عنده مطعم ) و كان عايزني اشتغل معاه بس الشغل هيبقي غالبا من 7 الصبح لغايه 12 بليل و في بريك للغدا و طبعا الموضوع لسه في اوله فهيبقي المرتب ضعيف و كمان هيجيب ناس معارفه و كده و الناس دي انا مبحبهاش من اساسه ( الناس دول شغالين معاه في المحافظه ) و صاحبي ده معتمد عليا اعتماد كبير جدا و انا مش عايز اخذله الصراحه بس موضوع شغل طول اليوم و كمان من 7 الصبح ( مجربتش صحيان 7 الصبح ده قبل كده غير في المدارس ) ده غير المرتب الصغير فهل اشتغل و خلاص خصوصا عشان شغل السنترالات ده مش متعب اوي و لا خليني قاعد في البيت ؟ الافتتاح يوم السبت الجاي تقريبا

طبعا تنزل

طالما قاعد فى البيت

يبقى الشغل ده احسن

فرصه انك تتعامل مع الناس وتبداء الالتزام بالمواعيد لحد ما ربنا يكرمك

وكل ما كان الشغل صعب فى الاول ده هيكون سبب من اسباب النجاح والاحساس بالفرق ان شاء الله

وخليك فاكر دايما

من كانت بدايته محرقه كانت نهايته مشرقه

أي شغل احسن من قعدة البيت لحد ما تلاقي الاحسن .... اسعى للرزق و ربنا يرزقك اكتر و اكتر

بعيد عن الالتزام او قيمه الراتب او الشغل عموما انت بتقول انه صاحبك ومش عاوز تخزله

انا رائى اخزله احسن ماتخسره (عن تجربه شخصيه وتجارب من الاخرين بلاش معرف فى الشغل)

اقتباس:

---

المشاركة الأصلية كتبت بواسطة mohamedezat

بعيد عن الالتزام او قيمه الراتب او الشغل عموما انت بتقول انه صاحبك ومش عاوز تخزله

انا رائى اخزله احسن ماتخسره (عن تجربه شخصيه وتجارب من الاخرين بلاش معرف فى الشغل)

---

بيني و بينك البزنس مالوش تلاتين أم لازمة مع القرايب و لا الاصحاب


و على راي المثل

اللي تحبه .... لا تحاسبه و لا تناسبه ....

قعدتك فى البيت مش حتجيبلك الشغل اللى انت عاوزه

لكن نزولك للشغل دا دى الخطوة الاولانية اللى حتخليك تلاقى شغل تانى احسن منه

الموضوع عامل زى السلالم

اطلع الاولانية حتلاقى التانية ظهرتلك

فطالما انت لسه مطلعتش السلمة الاولانية يبقى متستصغرهاش لانك مش حتفضل طول عمرك واقف عند السلمة الاولى


ان كان عدد الساعات كتير فعلا

فممكن الشغل يمشى كويس بعد كده والمرتب يزيد وتقلل من ساعات شغلك فيه عشان تقدر تفضى وقت للبحث عن شغل اخر

انا عارف ان اغلب الناس هاتفهم كلامى السابق لكن باردو احب اوضح انا مش ضد اى نوعيه من الشغل بالعكس انا بانصح باى شغل فيه ارهاق وتعب فى البدايه لان ده نتيجته حصاده هى الاستمراريه
انا فى بدايه حياتى كان عدد ساعات العمل عندى بال20 ساعه فى اليوم وزيى زى اى شاب اشتغلت خمسميت شغلانه لدرجه انى خلاص اتعودت على الشغل لو قعدت فى البيت بمل ومافيش ادامى غير هدف الوصول لتحقيق ذاتى رغم ان كل اللى فى سنى طبعا واخدنى تريقه ويابنى عيش حياتك والكلام الفاضى ده رغم انى فى السن ده مايعتبرش كلام فاضى


ابداء فى اى حاجه فى الدنيا وفى اى حته فى الدنيا مجرد انك تبداء بس هتلاقى الابواب كلها بتتفتح بس باردو بعيد عن المعارف من اى علاقه

خلى بالك انت لو بتنام فى السنترال مش هتشبع نوم برده , تفتح ازاى 7 الصبح وتقفل 12 بليل ده كدا لو نمت كل يوم 6 ساعات يبقى معملتش اى حاجه فى الدنيا

ده معتقل مش شغل , انا طبعا مع رأى الاخوه انك لازم تشتغل احسن من قعده البيت بس انت بتتكلم فى 17 ساعه شغل كل يوم ودى ايا كان عزيمتك مستحيل تستحملها ولازم تخذله

هاتفيدك خبرة التعامل اليومي مع الناس ..

عدد الساعات رهيب اوى

قوله لو ممكن يقسم الوقت ده على شخصين , انت و حد تانى مثلا

صعب اوى تتعايش مع النظام ده , ممكن تستحمل اسبوع بس مش هتقدر تكمل

عدد ساعات كتيرررررررررررررررررر جداااااااااااااااااااااا
وغالبا مش هتستحمل الوقت دة كلة اتفاوض معاة على تقليل عدد الساعات


فى سؤال جانبى
هى الستنرالات بتشتغل دلوقتى؟؟؟
اصلى اعرف ناس عندها سنترالات وبتشتكى من قلة الشغل وخصوصا بعد تخفيض اسعار دقائق المحمول

عدد الساعات كتيير اوى بس اتوكل على الله وابداء وحاول تقنع صاحبك انه يشغل السنترال على فترتيين بشخصين ( وردية )

اقتباس:

---

المشاركة الأصلية كتبت بواسطة maka

عدد الساعات كتيير اوى بس اتوكل على الله وابداء وحاول تقنع صاحبك انه يشغل السنترال على فترتيين بشخصين ( وردية )

---

هذا الرأى صح جداً و صلى استخاره

إحتراماً لكلام الإخوه

عارف يعني ايه تشتغل 17 ساعه في سنترال :fdsa:

يعني تحجز عند دكتور بواسير من دلوقتي

وأنا بصراحه مع كلام الاخوه اللي ولا تشتغل مع صاحب ولا قريب وخليكم اصحاب احسن

اقتباس:

---

المشاركة الأصلية كتبت بواسطة cyborg_ift

إحتراماً لكلام الإخوه

عارف يعني ايه تشتغل 17 ساعه في سنترال :fdsa:

يعني تحجز عند دكتور بواسير من دلوقتي

---

ههههههههههههههههههه :36_1_1[1]:

اشمعنا بواسير

لا ياباشا قاعدت المكاتب = كرش عظيم

اقتباس:

---

المشاركة الأصلية كتبت بواسطة maka

ههههههههههههههههههه :36_1_1[1]:

اشمعنا بواسير

---

واحد قاعد 17 ساعه ......... حاجه تجيب المرض بجد

فى رأيي انك تشتغل لو في حاله واحده بس .... ان السنترال ده بتاعك انت شخصيا و ايراده كله بتاعك و هو اللى فاتحلك بيتك انما 17 ساعه و مش سنترالك و مش مالك و بمرتب لا يذكر اساسا يبقى بتظلم نفسك و بلاش منه الشغل ده لأنه فى الأخر مش هايفيدك فى مستقبلك و مش هاتتعلم منه حاجه تنفعك غير تحويل التليفونات للحبيبه و الناس اللى مش عايزه تتعرف نمرتها ....... و يتكلم من الشارع علشان مايتعرفش , و تحول رصيد للناس بجنيه و اتنين جنيه .......
طبعا الشغل مش عيب و مسئوليه لازم تشيلها و هى دى الحياه بس اشتغل فى حاجه تنفعك فى مستقبلك لو ظروفك تسمح

سؤال : مين بيتكلم من السنترال من الأعضاء اللى معانا ؟؟؟
اعتقد ان كله معاه موبايل و بيتكلم منه فى اى وقت و لو ماعهوش رصيد هايجيب كارت بعشره او يحول من السنترال ب 2 جنيه و بس

اقتباس:

---

المشاركة الأصلية كتبت بواسطة mohamedezat

بعيد عن الالتزام او قيمه الراتب او الشغل عموما انت بتقول انه صاحبك ومش عاوز تخزله

انا رائى اخزله احسن ماتخسره (عن تجربه شخصيه وتجارب من الاخرين بلاش معرف فى الشغل)

---

انا شايف كدا برضه (انا بصراحه مجربتش بس حصل قدامى مواقف وتجارب كتير وفى النهايه بيخسروا بعض )

اقتباس:

---

المشاركة الأصلية كتبت بواسطة cyborg_ift

إحتراماً لكلام الإخوه

عارف يعني ايه تشتغل 17 ساعه في سنترال :fdsa:

احسن

---

علشان تشتغل 17 ساعة لازم يكون الشغل دة مقابل كوميشن هتتعب هتلاقى فلوس هيبقى عندك حافز قوى
انما مرتب ثابت صعب

يا جماعه في شاب و بنت هيشتغلوا معانا غير صاحبي ده يعني احنا 4 اشخاص و الموضوع السنترالات ده شغال عندنا كويس في المنطقه اللي انا ساكن فيها

شكلك مقتنع وعاوز تجرب
على العموم ربنا يوفقك ويثبتك فيه

ومتنسناش في كام عرض ولا أعضاء المنتدى ملهومش في الحب جانب :unhappy: