صدف دي و لا موضوع الابراج ده حقيقي ؟

**romeo_6887** · 25-03-2010 04:54 PM

المشاركة الأصلية كتبت بواسطة human12

بص يا سيدى
ماتقولش انك بتحب ممثلين معظم الناس ممكن تكرهك فى عشتك لو قلت انك بتحب ممثلين

و ده برضه بيرسى على المغنيين

ابو تريكه لأ عشان رفع شعار غزه و لاعب خلوق

الافلام و التليفزيون انسى

الاغانى لأ - الافلام لأ

الراجل فاتح موضوع خفيف و مش طالب دار الافتاء

اللى شايف الكلام مش عاجبه يقول موش عاجبه ليه - و بعدين موش بيتكلم على منجمين الراجل عايز يقول ممكن عشان الجروب ده من الناس بيشاركوا خصايص معينه
طبعا كلام مش علمى و مش مدروس كفايه بس هيه مصادفه لذيذه

يعنى انا مثلا كل اللى انا ارتبط بيهم كانوا من برج معين - لما اقول كده حرام فى حاجه؟ ديه صدفه و حصلت و مش مؤمن ان المفروض ان ده ليه علاقه بس ماينفيش ان فيه pattern

لو قلت كده ده يستدعى تحذيرات من النار و احاديث ؟

و بعدين بيحب ممثل ولا ممثله ماقلش انهم مثله الاعلى ولا ان دول الايدول بتوعه
الراجل بيعجب بتمثيلهم - ايه علاقه ده انه يحشر معاهم

طيب ماهو ممكن يكون بيحب الصحابه و يحب النبى عليه افضل السلام و كمان بيحب الشعراوى
و ممكن يكون الراجل موش مسلم اصلا!!

جميل ان فى كل المجالس يبقى فيها ذكر الله و رسوله و ديه اطيب المجالس

بس برضه نحكم عقلنا شويه مش كل ما حد يتكلم على الدنيا شويه يبقى الهجوم كده - اكننا هنا فى عالم مثالى

الله ينور عليك
انا عامل الموضوع ده عشان كنت مستغرب من العامل المشترك ( شهر الميلاد ) و اللي اكتشفته صدفه بحته عشان كده كنت مشدود للموضوع لكن لا قصدي اني مؤمن بالتنجيم او العلم بالغيب
احنا الحمد لله مسلمين و لا نؤمن بغير الله سبحانه و تعالي

**ShoumaShaheen** · 25-03-2010 05:31 PM

أخى human12

الله سبحانه و تعالى قال فى صورة العصر :
بِسۡمِ ٱللهِ ٱلرَّحۡمَـٰنِ ٱلرَّحِيمِ
وَٱلۡعَصۡرِ (١) إِنَّ ٱلۡإِنسَـٰنَ لَفِى خُسۡرٍ (٢) إِلَّا ٱلَّذِينَ ءَامَنُواْ وَعَمِلُواْ ٱلصَّـٰلِحَـٰتِ وَتَوَاصَوۡاْ بِٱلۡحَقِّ وَتَوَاصَوۡاْ بِٱلصَّبۡرِ (٣)

فمن حقى عليك يا أخى يا human12 لما تلاقينى بقول كلام مش صحيح إنك تنبهنى و تصحح لى بأسلوب جميل و مفيهوش إهانه ليا
وأنا المفروض أشكرك على حرصك على مصلحتى و مصلحة كل اللى بيقروا الموضوع ده.

أنت قلت :

المشاركة الأصلية كتبت بواسطة human12

الراجل فاتح موضوع خفيف و مش طالب دار الافتاء

يمكن تكون أنت شايف إنه موضوع خفيف , لكن أؤكد لك إن النبى عليه الصلاة و السلام كان شايف أنه موضوع خطير و عشان كده نبهنا ليه
تمام زى مأنا قلت و كذلك إخوانى ahmadalaaeldin و أيضا mohammed_raafat جزاهم الله خير الجزاء

سيادتك قلت برده

المشاركة الأصلية كتبت بواسطة human12

طيب ماهو ممكن يكون بيحب الصحابه و يحب النبى عليه افضل السلام و كمان بيحب الشعراوى
و ممكن يكون الراجل موش مسلم اصلا!!

و ردى على كلامك هو كلام الله سبحانه و تعالى
بِسۡمِ ٱللهِ ٱلرَّحۡمَـٰنِ ٱلرَّحِيمِ
" قل إن كنتم تحبون الله فاتبعوني يحببكم الله ويغفر لكم ذنوبكم والله غفور رحيم ، قل أطيعوا الله والرسول فإن تولوا فإن الله لا يحب الكافرين "

فالمحبه تتطلب الإتباع : مش بالكلام و بس
مينفعش أقول إنى بحب النبى عليه الصلاة و السلام وأنا أصلا مش مؤمن بيه أو أنا مش بأقلده فى كل حاجة كان بيعملها و أمرنا بيها
و كذلك حبى للصالحين كالصحابه رضوان الله عليهم مش حينفعنى لو أنا مش بأعتبرهم مثلى الأعلى و بأعمل زيهم

عجبنى كلامك جدا لما قلت :

المشاركة الأصلية كتبت بواسطة human12

جميل ان فى كل المجالس يبقى فيها ذكر الله و رسوله و ديه اطيب المجالس

بس رجعت و زعلت منك لما قلت :

المشاركة الأصلية كتبت بواسطة human12

بس برضه نحكم عقلنا شويه مش كل ما حد يتكلم على الدنيا شويه يبقى الهجوم كده - اكننا هنا فى عالم مثالى

ساعات كتير الواحد عقله بيبقى مصدى حبتين و محتاج يتعمله عمره
و الموضوع ده مش محتاج تفكير طالما إنه موضوع إتكلم عنه الشرع و نبهنا لخطورته النبى عليه الصلاة و السلام

بأعتذر عن الإطاله و لكنى وجدت إنه من باب الأمانه إنى أرد على الكلام الخطير اللى إتكتب
حتى لا يتهمنى ربى بالتقصير يوم القيامه

هدانا الله و إياكم إلى صالح الأعمال و الأقوال

**aly_hosny** · 25-03-2010 05:46 PM

انا بحب افريل لافين وناوي اتجوزها ان شاء الله "لسه مطلقة"
بس هي مواليد سبتمبر وانا ابريل وهي اكبر مني بست سنين

**ShoumaShaheen** · 25-03-2010 06:00 PM

المشاركة الأصلية كتبت بواسطة romeo_6887

الله ينور عليك
انا عامل الموضوع ده عشان كنت مستغرب من العامل المشترك ( شهر الميلاد ) و اللي اكتشفته صدفه بحته عشان كده كنت مشدود للموضوع لكن لا قصدي اني مؤمن بالتنجيم او العلم بالغيب
احنا الحمد لله مسلمين و لا نؤمن بغير الله سبحانه و تعالي

أخى العزيز romeo_6887
الحمد لله على نعمة الإسلام و كفى بها نعمة
و أسأل الله سبحانه و تعالى أن يحيينا على الإسلام و أن يميتنا على الإسلام

**Ralliart** · 25-03-2010 06:12 PM

ايه المانع انها تكون صدفه !!
اكيد في ناس تانيه بتحبهم ومش مولودين في نفس الشهر

المشاركة الأصلية كتبت بواسطة aly_hosny

انا بحب افريل لافين وناوي اتجوزها ان شاء الله "لسه مطلقة"

بس هي مواليد سبتمبر وانا ابريل وهي اكبر مني بست سنين

بس مالكش دعوه بأفريل دي تبعي وانا مواليد سبتمبر كمان

**نور القمر** · 25-03-2010 06:15 PM

المشاركة الأصلية كتبت بواسطة samehafez

اتفق مع حضرتك .... التنجيم و المنجمون حاجة
و نظرية الصفات المشتركة بين مواليد الشهر الواحد دي حاجة تانية
طبعا مش معني كده ان انا مقتنع بيها ....
بس انا شايف ان ملهاش علاقة بالغيب

كنت هقول نفس الكلام واستغربت من كمية المشاركات اللي بتكلم عن الغيب
فين الغيب او التنبؤ لما نقول ان في صفات مشتركة بين مواليد نفس الشهر بغض النظر اذا كان الكلام ده حقيقي ولا لأ !!!

**aly_hosny** · 25-03-2010 06:21 PM

المشاركة الأصلية كتبت بواسطة Mostafa_Elhussain

بس مالكش دعوه بأفريل دي تبعي وانا مواليد سبتمبر كمان

لا لا لا لا لا لا
دا انا السبب في طلاقها

فضلت ابعت رسايل لجوزها لغاية ما خليتو يطلقها بالتلاتة عشان اضمن
اصل الواد امور وانا قولت ممكن قلبها يحن ولا حاجة

**Xander2010_Evo** · 26-03-2010 04:00 AM

هههههههه عااااادي جدآآآآ
أنا بحب amy leeبتاعت فريقevanscence:‎‎)‎‎)‎
طب أقولك حاجة
العبد لله ووالدي وحماقي و2أصحابي
وأخت واحد صاحبي تاني من مواليد نفس اليوم في نفس الشهر هههههه
غريبة مش كده بردو???
وحكاية الأبراج ده موضوع فاااكس
محدش بيصدق الهبل ده أساسآ

**Mohamed.Raafat** · 26-03-2010 06:09 PM

لما الواحد رد على الموضوع

انا كان قصدي ان فعلا فيه صفات مشتركه بين الناس
بس مش لازم ناخد الموضوع ده كواقع مسلم بيه و نتعامل بيه في حياتنا مع الناس
مش افرض مثلا ان فلان ده من برج كذا و صفاته كذا فمينفعش انى اتعامل معاه عشان انا من برج تاني ( و الكلام الهجص ده )
كان القصد ان الموضوع بتاع الصفات المشتركة ده موجود بس مناخدهوش كحقيقة مسلم بيها

كل الناس اللى شاركت قالت رأيها من باب حب النصيحة و الخير لأخواتنا هنا
مش موضوع اننا عايشين في عالم مثالي ولا حاجة
بل هو حب الوصول الى الافضل بالمجتمع اللى احنا عايشين فيه

و من منطلق رايي الشخصي بحاول نساعد الناس على قد ما نقدر و لو حتى بالنصيحة ( لأن اوقات كتييييييييرة جداااااااا بيكون الواحد مننا بيعمل حاجات غلط و نفسه يكون فيه حد يعرفه ان ده صح و ده غلط

ياريت بس الاستاذ صاحب الموضوع ما يزعلش من الردود ان كانت خرجت لبُعد تاني غير اللى هوا كان عايزه
بس ده من باب حب الخير للناس
و جزانا الله و اياكم الثواب و ادخلنا الجنة برحمته