انا فى مشكلة يا جماعة
قاعدة الدينامو عندى فى فيليشيا 98 اتكستر ودى فى بلوكة الموتور ودلوقتى الدينامو ماسك فى وش التقسيمة بس ممكن حد يفيدى عند حد بيلحم بلوكات المواتير فى اسكندرية
عرض للطباعة
انا فى مشكلة يا جماعة
قاعدة الدينامو عندى فى فيليشيا 98 اتكستر ودى فى بلوكة الموتور ودلوقتى الدينامو ماسك فى وش التقسيمة بس ممكن حد يفيدى عند حد بيلحم بلوكات المواتير فى اسكندرية
ماتقلقش ربنا حيوفقك للحل إن شاء الله
بالنسبه لموضوع اللحام ده فما أظنش إنه هاينفع ويبقى معتمد عليه علشان الموتور بتاعنا ألومينيوم ولحام الألومينيوم بالطريقه اللى بيتعمل بيها من صنايعية مصر على قد علمى بيبقى مش قد كده
فحتى لو حد لحملك الجزء المكسور , حاول إن يكون في وسيلة تثبيت تانيه وتالته بحيث يبقى المجموع يعتمد عليه
مش لازم دايما يكون معالجة أى كسر هو لحامه ,خلى هدفك هو تثبيت الدينامو وده حايديك حريه أكتر فى إختيار وسيلة التثبيت فمثلا ممكن تستعمل واير أو جنزير أو بار حديد ....
الدينامو بيبقى متثبت من فوق بالشداد ومن تحت بيبقى متثبت فى القاعده بتاعته بمسمار طويل والقاعده نفسها بتبقى متثبته فى البلوك بمسمارين ده بالإضافه إلى تثبيت إضافى عن طريق زاويه حديد تصل مابين منطقة إتصال القاعده بالدينامو (مشار إليها بالسهم ) ومنطقه أخرى فى البلوك.
فإنت ممكن تخلى الصنايعى يعمل حتة حديد توصل مابين منطقة إتصال القاعده بالدينامو الأخرى (مشار إليها بالسهم الآخر ) وأى مسمار بالجانب الأيمن للموتور
وياريت تحددلنا مكان الكسر علشان نقدر نفكر معاك
وصدقنى الموضوع حايتحل إن شاء الله
دى صوره لدينامو الشداد بتاعه متشال
http://dc03.arabsh.com/i/01311/2lxpb8mu7pqp.jpg
وربنا يوفقك
عواد8760
الميكانيكى عمل لى لحام فى البلوكة عند واحد فى صلاح الدين متخصص فى لحام الالومنيوم تقريبا اول شارع يمين عند بتوع المواتير الاستيراد
ألمكان المكسور عندى هو اللى جنب وش التقسيمة على طول ودلوقتى الدينامو ماسك فى وش التقسيمة بس ف مايسل يمين شوية ومش بيشحن كويس وجزاكم اللة خير على الرد شكلى حبيعها انا بدات اكرهها بجد حتى مبقيتش انزل بيها واخد مواصلات
طيب الوصلة اللى حيعملهالى الميكانيكى فى جنب الموتور حتمسك فى حيخرم فى البلوكة ولا اية مش فاهم ارجو التوضيح
يا عم وزان إعتمد على الله وإن شاء الله هاتتحل.
أول حاجه أحب أصحح حته أنا موضحتهاش كويس وهى إن القاعده الحديد السمرا اللى بيركب عليها الدينامو بتبقى متثبته فى البلوكه بثلاث مسامير اتنين منهم بيشتركوا فى تثبيت غطا وش التقسيمه
ودى صوره للمكان وغطا وش التقسيمه وهو متركب
http://dc10.arabsh.com/i/01353/ue5sgcrrtbyg.jpg
ودول صور تانيه للمكان وغطا وش التقسيمه متشال (سيبك من الأسهم دى)
http://www.nilemotors.net/Nile/%3Ca%...xrgy4cj7zc.jpghttp://dc10.arabsh.com/i/01353/d3xrgy4cj7zc.jpg
http://dc10.arabsh.com/i/01353/orvfs4xqdo10.jpg
المكان ده بيبقى محور إرتكاز مشدود من اليمين بالسير وبار الشد ومن الشمال بالزاويه الحديد
http://dc11.arabsh.com/i/01353/g140zff2j0hc.jpg
http://dc11.arabsh.com/i/01353/tqd77qhqbnl8.jpg
تمام يا عم وزان.
نيجى بقى للكسر , واضح من وصفك ليه إنه ورا الثلاث مسامير بتاعة تثبيت القاعده الحديد بدليل إن القاعده والدينمو لسه ماسكين فى غطا وش التقسيمه والدينامو مائل لليمين.
نستخلص من الوضع ده كذا حاجه :-
أولا---> ممكن لو إستنيت شويه غطا وش التقسيمه ممكن كمان يطق.
ثانيا---> الكسر لازم يتسد بأى وسيله ويفضل اللحام, لأن بوجود الكسر منطقة وش التقيمه تبقى مفتوحه وده معناه دخول الميه والتراب والزيت وده طبعا هيبهدل الكاتينه.
ثالثا---> لابد من وجود تثبيت للناحيه الشمال تساعد الزاويه الحديد فى مقاومة قوى الشد لليمين علشان الكسر مايحصلش مره تانيه.
رابعا---> اللى يشد السير بعد كده ميشدوش زياده قوى.
وعلى ذلك أنا شايف إن الحل يكون كالآتى:-
أول حاجه تفك الدينامو وغطا وش التقسيمه وإذا لزم الأمر,ترس وش التقسيمه ومعاه سير الكاتينه.
بعد كده تخلى الراجل بتاع لحام الألومينيوم يلحم الكسر بس لازم تتأكد من عدم وجود ميلان أو أى معاوقه لحركة ترس وش التقسيمه و سير الكاتينه.
بعد كده ممكن تخلى الميكانيكى يعملك زاويه حديد من تخانه مناسبه (3-5 مللى) توصل مابين الثلاث مسامير بتوع تثبيت القاعده ومابين مسمار تثبيت الزاويه الحديد الأساسية بالبلوكه , وبكده يبقى عندك زاويتين للتثبيت من ناحية الشمال.
وأخيرا تركب كل حاجه وتغير جوان وش التقيمه وتقفل وتتكل على الله.
وأبقى طمنا
عواد8760
جزاك الله خيراً awaad8760 شرحك ممتاز
جزاك اللة خير حقيقى على لشرح والصور . بس انا فعلا روحت للميكانيكى وقولتلة على الكسر وقالى على واحد بتاع لحام المواتير روحتلة قلى لازم الماكينة تتحل خالص علشان خايف يلحم وهى قاعدة اولا مش حيملك المكان مزنوق ثالثا خايف من البنزين والزيت غير كدة قالى لازم افور الموتور كلة لانة بيلحم بمكن والتسخين شديد جدا خايف على الصمامات والبساتم تفرقع. من الاخر كدة ربنا يعوض عليا فى الموتور دة
فك والحم - أمرك لله - كده أوفر لك من أي حاجة تاني ..