يا ريت حد يقولى عن المعلومات دى عن الإبيزا يا رجاله

دلوقتى انا عاوز أعرف هل لو عاوز أشترى إبيزا فى حدود 30-35 ألف إيه المتطلبات اللى لازم تكون موجوده فى العربيه الإبيزه كمثال(تكيف-باور) يعنى مثلا لو ابيزا 99 كامله تعمل كام بالظبط و هل تعدى ال35 زى مبسمع و بشوف و هل وحش إنى أجيب موديل 94 انا بشوف الكوبيه منها بسم الله ما شاء الله شكله جامد و موتور 1300cc هل عربيه زى دى لو جبتها ب25000 مثلا وحش يعنى أنهى أفضل و هل حتفرق كتيرمبين المودلين و هل قطع غيار ال94 سعرها مختلف عن ال99 و لو عاوز أجيب عربيه موتورها مش متهان المفروض أجيبو كبسه كام فى الميه و تكون ماشيه أد ايه يكون معقول على عمرها؟ انا عارف ان الإستفسارات كتير بس معلش عشان حيران عشان انا بصيت على ال99 أسعار عاليه فى حين ان ال94 رخيصه و ممكن أظبطها بالفرق ده فى السعر

معلش انا اسف انا حطيت الموضوع فى الفولكس غلط يا ريت المراقبين ينقلوه بعد أذنكم

طيب هو مفيش حد من الناس بتاعت الفولكش عندها أدنى فكره ؟؟! حتى عن كبس الموتور أو عداد الكيلو

كبس الموتور ميقلش عن 75 في الميه ده اللي اعرفه وبيتقاس فالبنزينة واهم حاحة حالة العربية وموضوع الكيلوات ده مش هيفرق لو حالتها ممتازة....موديل 94 جميل ومكنة 1300 عليه جميلة بردو بس هي 94 مش باور وهي دركسيونها خفيف فبيقولوا عليها هاف باور وموديل 99 1400 سي سي وده نزل منه نسخ محدودة في باور وتكييف

و94 مفهوش تكييف و99 الف سي سي بتنزل من غير تكييف ممكن يركبله لأنه مجهز بكده بس يكون الكمريسور الأصلي بتاع الموتور دا وتفكو من علي مكنة استيراد لو كمريسور مش بتاعها يهلك الموتور ويخليك تخش في عمرة ودياوله فهي لو مش بتكييف وده الغالب ومفيهاش كومبريسور متركبلهاش غير بتاع المكنة بتاعتك لو ليها ملهاش حافظ علي مكنتك وعيش حياتك من غير تكييف....انا جبت بتاعتي مو 99 راكبلها كومبورسور بلدي ومكنتش بشغل التكييف المكنة طلعت خفيفة وبعدين فوتت عرفت انها خفيفة بعد مشتريت باسبوع فالأفضل تجيبها من غير تكييف مو94 1300 ومو99 1000 سي سي مفهمش كمبريسور ويفضل تجيبهم مش راكبلهم كومبريسور عشان تضمن حالة الموتور تكون حلوة بالتوفيق ياباشا

ألف شكر يا winds باشا طيب هو ممكن يكون كبس الموتور 75% و فى نفس الوقت خفيفه؟ و فى رأيك إبيزا ولا بولو أنا عارف ان الاتنين واحد فى الموتور و العفشه بس مش عارف دايما بحس ان البولو أجدد و مش متهانه هى عيبها الوحيد صغر حجم شنططها

اقتباس:

---

المشاركة الأصلية كتبت بواسطة zhelmy

ألف شكر يا winds باشا طيب هو ممكن يكون كبس الموتور 75% و فى نفس الوقت خفيفه؟ و فى رأيك إبيزا ولا بولو أنا عارف ان الاتنين واحد فى الموتور و العفشه بس مش عارف دايما بحس ان البولو أجدد و مش متهانه هى عيبها الوحيد صغر حجم شنططها

---

يا أفندم خليك في الأفضل حالا سواء بولو او ابيزا ومش هتفرق كتير بس اهم حاجه تكون الحالة العامة للعربية كويسه وربنا يوفقك واهم حاجه لما تلاقي عربية تستخير وربك اللي هييسر لك حالك

اقتباس:

---

المشاركة الأصلية كتبت بواسطة ehab_mansour

يا أفندم خليك في الأفضل حالا سواء بولو او ابيزا ومش هتفرق كتير بس اهم حاجه تكون الحالة العامة للعربية كويسه وربنا يوفقك واهم حاجه لما تلاقي عربية تستخير وربك اللي هييسر لك حالك

---

+11111111111111111111111

ابيزا 99 بينزل منها تكييف وباور وزجاج ومرايات كهرباء
دو وانت هتلاقى

شكرا يا جماعه على المعلومات و النصايح الجميله بس يا ريت حد يقولى على نقطه ان هل لو الموتور كبسه 75% ممكن يكون خفيف فى نفس الوقت؟ يعنى بالبلدى الموتور زى البطيخه ولا ممكن أعرف قبل ما أشترى؟

مفيش حد عارف؟

لأ طبعا ممكن تعرف قبل ما تشترى لو فى بخر من خرطوم الفايظ بتاع المبخره اللى داخل على العمه ولون الزيت مايل للسواد يبقى كدا الموتور خفيف
بس فى البدايه لو مفيش ولون الزيت فاتح أو بنى يبقى تمام
وممكن
أختبار تانى والعربيه دايره تفتح غطاء تذويد الزيت لو طلعلك بخار يبقى الموتور خفيف

والله أنت راجل 100%

اقتباس:

---

المشاركة الأصلية كتبت بواسطة zhelmy

والله أنت راجل 100%

---

ربنا يخليك