الموضوع: عاوزين نفرفش ............ اللى عنده نكتة حلوة يقولها

المشاركة الأصلية كتبت بواسطة أحمد كمال

واحد و مراته رايحين المستشفى عشان الست هتولد ولي العهد المنتظر من زماااااان بعد سنين طويلة و الست بتصوت و بتتألم و حالتها حالة

المهم جالهم الدكتور و قال لهم فيه دكتور تاني عايز يكلمكم

التاني جه و قال لهم انا اخترعت جهاز ينقل جزء من الم الولادة من الام للاب .... بس عايز اجربه ..... مستعدين؟

الراجل عمل دكر و قال له ايوة مستعدين ....... اديني 100% من الالم

قال له لأ حضرتك الم الولادة ده عنيف جدا و ربنا خلق الست بس تستحمله ..... نجرب ب 10%

قال له موافق .... مضوا على الموافقة و ابتدوا

شغل الجهاز على 10% ..... صويت الست هدي شوية ..... الدكتور سال الراجل ... هااه؟ ايه الاخبار؟ مش حاسس بحاجة !! انت بتهزر؟ لا و الله بجد ..... مش حاسس ..... اديني 20% ....

راح مديله 20% ..... الست صوتها وطي شوية كمان و هديت شوية ....... و الراجل ولا كأنه هنا اصلا !!! ..... الدكتور قال له ما تنشفش على نفسك و من فضلك قول لي لو حاسس بحاجة ..... قال له و الله مفيش ..... اديني 50% .....

اداله 50% ..... الست بقت يعني يادوب متألمة بس ما بتصوتش ..... و الراجل و لا كان فيه حاجة ..... قال للدكتور باقول لك ايه ..... سيبها على الله و اديني ال 100% و انا المسؤول

اداله ال 100% بقت الست طبعا مش حاسة بحاجة و بتتكلم و تهزر مع الممرضات و خلصت الولادة و الكل فرحان و مهيص ..... الدكتور بقى طاير من الفرحة و عمال يقول انا عبقري ..... انا اخترعت الولادة بدون الم .... بدون الم لا عالام و لا الاب ....

الاب باس البيبي و قال للام انا هاروح اعد العدة لاستقبال ولي العهد و السبوع و اللذي منه و راجع لك تاني


المهم روح .. و هو داخل العمارة لقى ستات لابسة اسود و بترقع بالصوت سألهم فيه ايه قالوا له



الأستاذ حسين جارك مرة واحدة قعد يقول آااااااااه آاااااااااااه بصوت عالي شوية بشوية صوته قعد يعلى و يصوت ..... لحد ما مرة واحدة وقع طب مات ......

ههههههههههههههههههههههههه ههههههههههههههههههههههههه
تصدق انا قعدت بتاع خمس دقايق علشان افهمها
بس والله الدكتور اللي اخترع الموضوع ده جامد
وياتري الراجل اخد باله ولا زيي كده ماخدش باله غير بعد فتره

المشاركة الأصلية كتبت بواسطة أحمد كمال

ههههههههههههههههههههههههه ههههه انا عارف هي نكتة عسرة الهضم شوية ههههههههه

تقريبا الراجل راح دبح العيل و امه و الدكتور اللي اخترع الجهاز و انتحر ههههههههههههههههههه

دي نكته عايزه فوار وراها
بس لما تتفهم تجيبلك اسهال ضحك
ههههههههههههههههههههههههه هههههه
ايه الهبل اللي انا بقوله ده
بس عموما الراجل ده الله يكون في عونه