-
ضروري : تقييم ستروبن c3
انا عندي فرصة لشراء ستروين c3 بس المشكلة ان مفيش عنها معلومات كتير فى المنتدي انا كل المحتاجه الاتي :
1- هل قطع الغيار اللي فى التوكيل معمره ولا لأ؟
2- اذا كان حد بيعمل صيانة بره التوكيل ياريت يدلنا علي حد كويس
3- اسعار الصيانة الدورية جوه التوكيل كام والصيانة كل اد ايه ؟
4- انا سألت علي علبة الدريكسون فى عز العرب وامير وجوزيف لقيتها ب 18000 جنيه - ايه تعليقم علي السعر ده
5- سالت علي قطع الغيار فى التوفيقية لقيتها فرنساوي مستورد بنصف السعر او اكتر - ايه رايكم فى قطع الغيار دي
-
انسي ان حد يرد عليك
انا حاولت اسال هنا و علي منتديات تانيه كان العربيه من كوكب تاني و ماحدش يعرف عنها حاجه
مافيش الا عضوه جزاها الله كل خير ردت عليا لما قرات لها مشاركه انها عندها العربيه بس من كلامها انها مش حلوه
لو عرفت حاجه عنها ابقي قولي
و يا رت كمان لو تفقلي معروضه عليك بكام و موديل سنة ايه؟
-
انا عارف حد كويس مبيشتغلش الى الستروين وعنده محل ستروين وبيجو فى الحرفيين والورشة فى جسر السويس بيفتح مخصوص جنب بتوع المرسيدس والبى ام دبليو واسمه الحج محمد سليمان وتليفونه
0121600406
-
دي اخر اسعار شفتها
اسعارها كالتي
موديل 2003 1200 سي سي 40000
موديل 2003 1400 سي سي 45000
بالنسبة لقطع الغيار هعمل حصر باسعارها من التوكيل ومن التوفيقية واكتبه ان شاء الله
-
بص يا كبير
الستروين ال c3 عربية اوروبى ومحترمه موت بس انت متتطحنهاش لو هتجيبها علشان تعيش معاك وفكك من التوكيل والتوفيقية علشان متكرهش نفسك وخليك فى الحرفيين وافرك شوية على قطع غيارها العربية معايا بقالها شهرين قمة فى الاحترام واستهلاك البنزنين وشياكة فى الركوب العربية دى بجد انا حبيتها انا ركبت سويفت + وسكودا + وشوما + ولانوس + واكسنت + وماتيز + وكيا برايد + وفيرنا بجد بس احترمت اوى العربية دى هاتها ومتحطش فى دماغك وربك يستر م الاعطال
-
بص ياسيدى انا عندى العربية دى 2005
وانا اللى حذرت امه الله منها لانها بصراحة مش عجبانى لعدة اسباب خاصة بطبيعة سواقتى
اولا العربية عفشتها ناشفة جدا
ثانيا الدواسات برده ناشفة
هى طبعا عربية محترمة جدا مفيش حد ينكر لكن كونها 1200 ده بيخلى عزمها وشدة تسارعها مش عاجبنى
لكن طبعا لانها اذواق فانا بافضل جدا اسوق عربيتى الفيرنا على انى اسوق الستروين
هى دى بس المشكلات اللى واجهتنى معاها وما دون ذلك فهى طبعا عربية ممتازة للناس اللى مش بتفرق معاها خشونة العفشة والدواسات
وربنا يباركلك فى الاختيار
Content Relevant URLs by
vBSEO 3.6.0 PL2