ملهاش حل تانى وارجوكم ساعدونى

**moudy2002** · 11-01-2008 06:37 PM

احمد باشا
انا شايف الماروتى احسن اختيار لان العربية الى حد ما حديثة شوية وسهل سواقتها وتعلم المبادئ الاولية عليها وكمان حجمها صغير وهيقدر يسيطر على ابعدها بسهولة
لاكن العربيات القديمة لو اتعود على سواقتها هيبقى صعب علية يسوق عربية زى السيفك الجديدة
يعنى الفتيس التقيل والواحد محتاج يجيب 2 صعايدة يلفو الدركسيون معاة علشان يركن .. كل دة مش موجود فى الماروتى ...
انا المدام عندى بتسوق عربية والدها الى هى 131 وبحس انها لما تركب عربيتى ( اكسنت ) ان الدركسيون والفتيس هتلقع فى اديها من كتر متعاودت على 131
مع الاعتذار لاصحاب العربيات القديمة بس دة رأى الشخصى كل ما تعلى الموديل كل ما يبقى احسن

**3mr Farrag** · 11-01-2008 06:47 PM

انا مش شايف انها مشكله عويصه بصراحه للدرجه.......
يعني مع احترام لأرئكم .....بس من كلامكم كده انه بيدور علي دبابه مش عربيه
يعني هو كان في حد اتولد بيسوق......و الحمدلله الواحد بيسوق و انا عندي 13 سنه و يمكن اصغر....
و الحمدلله عمري ما خبط العربيه.....غير ممكن تتقال حاجات هبله جدا ....مش باينه اصلا
يعني الموضوع مش معركه للدرجه ديه......
و انا شايف ان انسب حاجه 128 و لو تعرف تجيب حاجه اكبر يبقي احسن....
لأن التعليم علي الصعب بيخليك تعرف تسوق اي حاجه.....(من ناحيه حجم العربيه)
يعني انا كان معانا 128 و الكورولا 2002.....
لما كنت باخود الكورولا بحس اني راكب مركب.....لحد دلوقتي حتا والله مش بطيق اسوق عربيات كبيره....
علشان متعود علي العربيات الصغيره.....
انا رأيي بلاش مروتي خالص.......لأنها مش صغيره بس .....ديه قد الكومدينو(مع احترامي لملاكها)
فلو اتعودوا علي سوقتها بجد مش هيعرفوا يسوقوا السيفيك بسهوله.....لو هما لسه مش كويسين في السواقه
و بلاش احسن اللادا و الدبابات ديه .......بس خليها حاجه حجمها كويس و مش صعبه

**3mr Farrag** · 11-01-2008 06:55 PM

معلش يا جماعه انا كان قصدي حاجه مش صغيره ذي الماروتي و 128.....
و تكون سهله في السواقه
بس مالحقتش اعدل بسبب الست دقائق.....

**hazem_khidr** · 11-01-2008 08:33 PM

المشاركة الأصلية كتبت بواسطة moudy2002

احمد باشا

لاكن العربيات القديمة لو اتعود على سواقتها هيبقى صعب علية يسوق عربية زى السيفك الجديدة

اللي اتعلم علي القديم بيسوق اي عربيه مش هوندا بس انما لو اتعلم علي عربيه ناعمه من الصعب انه يسوق عربيه قديمه

**SEATLOVER** · 12-01-2008 01:34 AM

لو عايز السيفيك الجديدة مايحصلهاش حاجة انشاء اللة يبقى اللى يسوقها بعد كدة لازم يتعلم عليها هى بس لو توفر التالى :
1- حضرتك اللى تعلمهم بنفسك عليها
2-حرص زيادة شوية منهم و عدم استهتار بأى توجيهات ليك
3-اختيار مكان فاضى و واسع جداً (و دة اصعب حاجة)
4-التأكد و بعد مرور وقت كافى جدا قبل المشى فى الشوارع الداخلية .

**M_ashraf** · 12-01-2008 04:14 PM

128 انا عملت كده وبعدين جبت الدايو
و بعت ال 128 في نص ساعة
رحت لواحد معرفة قلتله انا هبيع قللي وانا عندي المشتري في ساعتها
و جابلي الفلوس الصبح في ساعتها

**ahmed1981** · 12-01-2008 08:20 PM

المشاركة الأصلية كتبت بواسطة moudy2002

انا شايف الماروتى احسن اختيار لان العربية الى حد ما حديثة شوية وسهل سواقتها وتعلم المبادئ الاولية عليها وكمان حجمها صغير وهيقدر يسيطر على ابعدها بسهولة

نعم ماروتي أفضل الإختيارات في رأيي طالما ستشتريها مؤقتاً
وأقدر أقولك(ماروتي ماقصرتي :D)
سيارة صغيرة يشكر فيها كل ملاكها ولو كانت حديثة هتكون صيانتها سهلة وقليلة
إلا لو كنت هتشتري 128 موديل فوق سنة 2000 وفي الحالة دي هتبقى غالية عن السعر اللي بتقوله
والله أعلم