ملهاش حل تانى وارجوكم ساعدونى

**احمد عزت** · 11-01-2008 01:12 AM

طبعا اكيد عرفتونى لانى واجع دماغكم الفترة دة بس معلش استحملونى كنت اتكلمت قبل كدة فى مشكلتى وهية انى هستلم سيفيك ان شاء الله فى شهر 4 والمشكلة ان مفيش حد غيرى فى البيت بيعرف يسوق نهائى خاصتا ابنى الاكبر 21 سنة والمدام وكنت بفكر فى حاجة مستعمل يخبطوا فيها شوية وبردك تكون كويسة علشان مش عايز حاجة تضيعلى وقت وفلوس عند الميكانيكى يعنى حاجة كدة صغيرة ظريفة تقعد معايا بتاع 6 شهور كدة يخبطوا بيها والاهم لما اجى ابيعا ما اخسرش كتير وياريت ما اخسرش خالص.....المهم انا هحاول استقطع جزء من فلوس السيفيك وربنا ساعتها يفرجها وهاخد من مراتى بردك المهم ممكن الواحد يقدر يجمع 25 وانا مش عارف اختار اة هل اخلينى فى
128 ولا اجيب 127 واوفر فلوس اكتر ولا اجيب ماروتى والصراحة انا شايفها ظريفة وكانت فى واحدة واقعة ادامى موديل 2006 كانت ب27 الف نهائى طبعا ممكن اجيب موديل اقدم وارخص فاة رأيكم فالانواع دة من حيث سيرها وادائها والاهم انى عايز حاجة للتعليم لفترة 6 شهور وابيع ان شاء الله..........شكرا

**ابو سيف** · 11-01-2008 02:06 AM

رأي المتواضع اللى لا يرقى لأراء السادة الخبراء هنا انك تجيب ال 28 ( مش حبا فيها و لا اقتناعا بيها) بس ظروف حضرتك هتحتم عليك حاجتين
اولا حضرتك عايز عربيه متخسرش فيها حاجة ان شاء الله في الفترة الصغيرة دي لأنها مش مستاهله خسارة بصراحه لا سيما انها لا قدر الله ممكن تاخد خبطه هنا او حكه هنا في الفترة دي و دة هيتوفر في ال 128

الحاجة التانيه و الاهم ان حضرتك هتستقطع من فلوس العربيه اللى حضرتك حاجزها و بالتالي عايز تيجي في ظرف يومين تلاته تكون بايع العربيه من غير خسارة و يجيلك الف واحد عايز يشتري و دة بردو متوفر في ال 128

**Ahmed Samy** · 11-01-2008 02:12 AM

بس ما انصحش حضرتك بعربية حجمها صغير
لأن اللي هايتعلم على ماروتي مش هايعرف يسوق سيفيك بسهولة(طويلة ماشاء الله)
و لو الشكل مش فارق معاك
ممكن بيجو 404
او مازدا 323
أو بويك sky larck
بس بيعهم اتقل من ال 128

**hazem_khidr** · 11-01-2008 02:56 AM

رايي غير كده خالص
هات عربيه 125 بولندي موديل تمانينات عربيه كبيره و واسعه و حماله قاسيه يتعلموا عليها براحتهم و حتلاقي اسعارها معقوله و لما تبيعها مش حتخسر فيها كتير.
لان مع احترامي للجميع ال 128 و الماروتي و الكلام دا ما يستحملش واحد لسه بيتعلم مبادئ

**Xpert** · 11-01-2008 10:21 AM

ايييه يا رجاله اللي انتو بتقولوه ده ... 125 ايه و عربيه كبيره ايه ..
بص يا حج و يارريت لو تاخد بنصيحتي .. انا مع ابو سيف ... و مش اي 128 كمان .. انت تجيب 128 موديل 89-90 ... (او حاجه لقطه بقي تكون حاله الفابريكه .. بس دي صعب ..)
هاتجيب ال128 عشان المميزات الاتيه ...
1- قطع غيارها متوفره و رخيصه و عند البقالين
2- كله بيفهم فيها ميكانيكا و سمكره و كله . لو لا قدر الله حصل حاجه
3- اعاده بيعها سريع ( زي ما انت بتدور علي عربيه الجماعه يتعلموا عليها .. فيه غيرك كتير بيدور)
4- موديلات 89-90-91 لأنها محتفظه بقيمتها و بحالتها
5-مافيش باور ولا اي نوع من الكماليات ... (الاحسن انك تتعلم علي مانوال بدون باور .. عشان لو احترفته اعتبر نفسك احترفت الاوتوماتيك جميع الكماليات)
يبقي بقي التنبيه علي ... الحـــــــالـــــــه .. مهم جداً تكون حالتها نضيفه جداً .. عشان تحتفظ بقيمتها و محدش بختهالك ..
اخوك
جوني اكس

**ahmedelzeeny** · 11-01-2008 11:32 AM

انا انصحك بعربيه دفع خلفى تستحمل حد يتعلم عليها لو عايز عربيه مينقصش سعرها مليم يبقى فيات 132

**ابو سيف** · 11-01-2008 11:38 AM

يا جماعه احنا مش بننصح الاستاذ احمد عزت بأفضل عربيه في السعر دة و لا اوسع عربيه و لا اكتر عربيه حموله و لا اي حاجة الراجل هيستقطع من مبلغ العربيه اللى حاجزها و هيجي قبل يوم الاستلام بأسبوع او اكثر عايز يبيع بدون خسارة و دة في خلال ست شهور و اهم من البيع بدون خسارة هو

ســــــــــــــــــــــــ ـــــــــرعه اعـــــــــــــــــــــــ ـــــــادة البيع و يا ريت زي ما الاخ نصحك تجيبها حالتها كويسه مش ممتازة اوي و لا متبهدله
و في نفس الوقت زي ما الاخ الفاضل قالك انك لو لاقدر الله فيها اي مشكله اي ميكانيكي تحت البيت هيصلحهالك و تبقا تمام التمام

ربنا يوفقك

**حماده عزو** · 11-01-2008 01:21 PM

ليه مش شايف حد أتكلم عن الادا مع أنها
حماله أسيه
سعرها مناسب
سريعه البيع
هتنفع فى التعليم بسهوله
أى صنايعى حافظها + قطع غيار عند البقال
المبلغ هيجيب عربيه موديل التسعينات مرتاحه وحسب الحاله

**hazem_khidr** · 11-01-2008 02:38 PM

زي ما الاستاذ احمد الزيني و الاستاذ حماده قالو
عربيه دفع خلفي و قويه علشان تستحمل اللي بيتعلم و اللادا او ال 125 او ال 132 بيتوفر فيها الكلام دا و مش حتعطل كل شويه زي ال 128