ايهما افضل الفيفا الهندي ولا الفيرنا المصري.....؟

**timo_crosswind** · 25-03-2010 04:41 AM

المشاركة الأصلية كتبت بواسطة m7mda7md

فيرنا فيرنا حتي الموت

ممكن اعرف ايه المميزات اللي حبتها في الفيرنا...؟
وشكرا لمشركتك

**A_A_ELAZIZ** · 25-03-2010 10:02 AM

لو عايز تعرف حاجة تانى انا تحت امرك

**shiko85** · 25-03-2010 10:08 AM

المشاركة الأصلية كتبت بواسطة sahin_1996_133

السلام عليكم ورحمة الله وبركاته
انا هدي حضرتك راي وخصوصا انى من ملاك الفيفا ووالدى يمتلك سيارة فيرنا اتوماتيك
مميزات الفيفا :-
1- جودة التقفيل الهندي من حيث الأبواب والسقف .
2- صوت ماتور هادي حتى سرعة 130 كم يبدأ صوت الماتور في العلو بعد ذلك لإرتفاع عدد لفات المحرك .
3- اتزان عالى على السرعات العالية بعد 120 كم
4- لون تابلوه انيق جدا حيث ان لون التابلوه بيج .
5- كاسيت اصلى هيونداي وسكماعت امامية اصليه .
6- فرامل ممتازه جدا جدا بمجرد لمسه خفيفة العربية بتقف
7- عفشة قويه وممتازة بجانب جودة تعليق السيارة
8- شكمان السيارة مرفوع ولا يحك في المطبات .
9- استهلاك بنزين معقول بدون استخدام التكيف .
اما بالنسبة لعيوب الفيفا :-
1- ارتفاع اسعار قطع الغيار التى لاتسخدم إلا في الفيفا مثل الإكصدام الأمامى والخلفى - الفوانيس -....إلخ
2- السيارة gls تفتقر إلى جهاز انذار ووحدة رفع واريال كهرباء.
3- فنيات السيارة لايفتى فيها إلا داخل التوكيل يعنى لو في الصعيد او في قرية يبقى لو حصل معاك حاجة جمدة محدش هيفهمها إلا في التوكيل .
4- كاسيت السيارة شرائط وليس سي دي
5- مجموعة زراير الزجاج الكهربي لا توجد بها لمبة .
مميزات الفيرنا المصري :-
1- السيارة منتشرة انتشار سريع وقوى
2- سعر إعادة البيع اعلى من نظيرتها الفيفا
3- توفر قطع الغيار وتوفر عدد الميكانيكين الملمين بها .
4- ماتور قوي 1600 سي سي .
5- السيارة بها حهاذ انذار وسنتر وكاسيت سي دي
عيوب الفيرنا لمصري :-
1- السيارة غير متزنة بالمرة على السرعات العالية بعد 120 كم
2- فرامل السيارة ليست بجودة وكفاءة الفيفا (والله سمعت تعليق من واحد فيرناوي قالى انها عربية بتطير لكن مبتقفش )
3- سوء التقفيل المصري ثل ظهور بنط اللحام -سماع صوت تزييق في ابواب السيارة .
4- لون التابلوه الرمادى (طبعا ديه اذواق)
5- شكمان يتأرجع عمري ماشفت فيرنا شكمانها ماسك نفسه
6- الكاسيت انت ونصيبك ممكن يكلع كويس ويعمر معاك وممكن يبوظ منك قبل ماتوصل بيها البيت من المعرض
7- عفشة السيارة قوية ولكنها ليست كعفشة الفيفا
8- جهاز الإنذار لايعمل على شنطة السيارة ولا على الكابوت .
اتمنى انى اكون وفقت في المقارنة وخلاصة القول
جودة التقفيل يبقى فيفا
جودة الماتور يبقى فيرنا
انا كنت زيك كده في الأول وصليت استخارة وربنا هدانى للفيفا وصدقنى المقارنة ديه والله مفترتش حاجة على اي من العربيتين حيث انى بركب العربيتين بصفة دائمة واسف على الإطاله

بجد مقارنه ممتازه جدا خصوصا انها عن تجربه, جزاك الله خــــــير

**atamim** · 25-03-2010 10:37 AM

فيفا احسن الماتوراوكتينه 87 مش 91 زى الفيرنا

اوكتين 87 يعنى نص التانك 80 و النص التانى 92 يعنى توفير فى البنزين و تقفيل ممتاز انا غطاء شنطة العربية معوج و قالوا لازم اروح الهياكل علشان يظبتوة

و لو الاتوس برايم تنفعك هاتها احسن
ماتورها موفر للبنزين
تتركن فى اى حته
حجمها مناسب لشوارع مصر
هاتشباك يعنى لو عايز تنقل تلفزيون 32 بوصة يدخل من وراء يعنى الاتوس اجدع و اوفر لك 9 الاف جنية و تشيل اى حاجة
اما الفيرنا و الفيفا ما تقدرس تنقل فيها تلفزيون اكبر من 20 بوصة :b4_556:

**ASHRAF74** · 25-03-2010 11:31 AM

السلام عليكم ورحمة الله وبركاته
انا هدي حضرتك راي وخصوصا انى من ملاك الفيفا ووالدى يمتلك سيارة فيرنا اتوماتيك
مميزات الفيفا :-
1- جودة التقفيل الهندي من حيث الأبواب والسقف .
2- صوت ماتور هادي حتى سرعة 130 كم يبدأ صوت الماتور في العلو بعد ذلك لإرتفاع عدد لفات المحرك .
3- اتزان عالى على السرعات العالية بعد 120 كم
4- لون تابلوه انيق جدا حيث ان لون التابلوه بيج .
5- كاسيت اصلى هيونداي وسكماعت امامية اصليه .
6- فرامل ممتازه جدا جدا بمجرد لمسه خفيفة العربية بتقف
7- عفشة قويه وممتازة بجانب جودة تعليق السيارة
8- شكمان السيارة مرفوع ولا يحك في المطبات .
9- استهلاك بنزين معقول بدون استخدام التكيف .
اما بالنسبة لعيوب الفيفا :-
1- ارتفاع اسعار قطع الغيار التى لاتسخدم إلا في الفيفا مثل الإكصدام الأمامى والخلفى - الفوانيس -....إلخ
2- السيارة gls تفتقر إلى جهاز انذار ووحدة رفع واريال كهرباء.
3- فنيات السيارة لايفتى فيها إلا داخل التوكيل يعنى لو في الصعيد او في قرية يبقى لو حصل معاك حاجة جمدة محدش هيفهمها إلا في التوكيل .
4- كاسيت السيارة شرائط وليس سي دي
5- مجموعة زراير الزجاج الكهربي لا توجد بها لمبة .
مميزات الفيرنا المصري :-
1- السيارة منتشرة انتشار سريع وقوى
2- سعر إعادة البيع اعلى من نظيرتها الفيفا
3- توفر قطع الغيار وتوفر عدد الميكانيكين الملمين بها .
4- ماتور قوي 1600 سي سي .
5- السيارة بها حهاذ انذار وسنتر وكاسيت سي دي
عيوب الفيرنا لمصري :-
1- السيارة غير متزنة بالمرة على السرعات العالية بعد 120 كم
2- فرامل السيارة ليست بجودة وكفاءة الفيفا (والله سمعت تعليق من واحد فيرناوي قالى انها عربية بتطير لكن مبتقفش )
3- سوء التقفيل المصري ثل ظهور بنط اللحام -سماع صوت تزييق في ابواب السيارة .
4- لون التابلوه الرمادى (طبعا ديه اذواق)
5- شكمان يتأرجع عمري ماشفت فيرنا شكمانها ماسك نفسه
6- الكاسيت انت ونصيبك ممكن يكلع كويس ويعمر معاك وممكن يبوظ منك قبل ماتوصل بيها البيت من المعرض
7- عفشة السيارة قوية ولكنها ليست كعفشة الفيفا
8- جهاز الإنذار لايعمل على شنطة السيارة ولا على الكابوت .
اتمنى انى اكون وفقت في المقارنة وخلاصة القول
جودة التقفيل يبقى فيفا
جودة الماتور يبقى فيرنا
انا كنت زيك كده في الأول وصليت استخارة وربنا هدانى للفيفا وصدقنى المقارنة ديه والله مفترتش حاجة على اي من العربيتين حيث انى بركب العربيتين بصفة دائمة واسف على الإطاله
الله ينور عليك يا باشا مقارنة زى الفل

**A_A_ELAZIZ** · 25-03-2010 03:05 PM

شكرا لكافة الأعضاء وانا بجد تحت امركم في اي سوال يخص الفيرنا او الفيفا

**timo_crosswind** · 25-03-2010 05:30 PM

المشاركة الأصلية كتبت بواسطة sahin_1996_133

لو عايز تعرف حاجة تانى انا تحت امرك

شكرا لحضرتك
هو فعلا الفيفا فيها مريات كهربا والفيرنا مرايات عاديه...؟
ولا الاتنيين مرايات عاديه...؟

شكرا

**timo_crosswind** · 25-03-2010 05:33 PM

المشاركة الأصلية كتبت بواسطة atamim

فيفا احسن الماتوراوكتينه 87 مش 91 زى الفيرنا

اوكتين 87 يعنى نص التانك 80 و النص التانى 92 يعنى توفير فى البنزين و تقفيل ممتاز انا غطاء شنطة العربية معوج و قالوا لازم اروح الهياكل علشان يظبتوة

و لو الاتوس برايم تنفعك هاتها احسن
ماتورها موفر للبنزين
تتركن فى اى حته
حجمها مناسب لشوارع مصر
هاتشباك يعنى لو عايز تنقل تلفزيون 32 بوصة يدخل من وراء يعنى الاتوس اجدع و اوفر لك 9 الاف جنية و تشيل اى حاجة
اما الفيرنا و الفيفا ما تقدرس تنقل فيها تلفزيون اكبر من 20 بوصة :b4_556:

شكرا لمشركتك
بس بما انك ذكرت الاتوس برايم...ممكن اعرف الكماليات الموجوده في العربيه دي ايه.....؟

**m7mda7md** · 25-03-2010 06:57 PM

المشاركة الأصلية كتبت بواسطة timo_crosswind

ممكن اعرف ايه المميزات اللي حبتها في الفيرنا...؟
وشكرا لمشركتك

الفيرنا عربيه حلوه اوي
اول حاجه شدتني ليها موتورها
محدش و النبي يقولي السحب مش كل حاجه و الكلام ده لأن ده رأيي و دي اكتر حاجه عجباني في العربيه و بتكلم عن العربيه بشكل عام
غير كده العربيه تشبه اللانسر ف كذا حاجه زي مثلا ال delay اللي ف لمبه الصالون و الازاز الكهربا اللي بيفضل شغال شويه حتي بعد ما تفصل الكونتاك و حجات تاني مش فاكرها و الله
ثانيا صوت العربيه واطي الي حد كبير
استهلاك البنزين كنت فاكره عالي لما كانت العربيه جديده لكن الحمد لله العربيه عامله 17000 كيلو و الاستهلاك تمام و قارنته مع عربيات تاني منها النيسان صني و اللانسر و كانت كويسه بس كانت الحسبه تقريبيه
العربيه واسعه و شنطتها واسعه و بفضلها عن اللانوس ع الرغم من ان ناس بتقول ان اللانوس اوسع

**A_A_ELAZIZ** · 25-03-2010 11:06 PM

المشاركة الأصلية كتبت بواسطة timo_crosswind

شكرا لحضرتك
هو فعلا الفيفا فيها مريات كهربا والفيرنا مرايات عاديه...؟
ولا الاتنيين مرايات عاديه...؟

شكرا

الفيرنا gl &gls الإثنين مرايتهم عادية اما المريات الكهربا فيها في الأتوماتيك بس بلإضافة إن الأوتوماتيك جنط 14 مش 13 زي المانيوال
اما بالنسبة للفيفا gl مرايتها عادية اماglsمرايتها كهربا

طبعا حضرتك عارف الفرق بين الكاملة والفول اوبشن في الفيرنا والفيفا بس انا برضه هقولها لحضرتك

الفيرنا أو الفيفا العادية

1- نفس ماتور الفول ابويشنز .
2- لايوجد عداد لفات المحرك .
3- لايوجد بها ساعة في التابلوه
4- زجاج عادي
5- مريات عادية
6- اريال عادي
7- لايوجد مسند ذراع للسائق
8- الفيرنا بتنزل بكاسيت روود ستار الفيفا بصراحة مش عارف .

الفيرنا الفول ابشنز مانيوال
يوجد بها كل ماسبق عدا المريات الكهربا فلا توجد إلا في الأتوماتيك بإضافة إلى خاصية تاخير لمبة الصالون بالإضافة إلا تشغيل لمبة الصالون بمجرد استخدام السنتر
وبدون فتح اي باب .
شنطة السيارة تفتح من الصالون
الفيرنا الأتوماتيك
توجد بها كل ماسبق بالإضافة إلى انوار شبورة وجنط 14
الفيفا الفول ابشنز
زجاج كهربا - مريات كهربا -اريال عادي - فتح الشنطة وتنك البنزين من داخل الصالون -السيارة لا توجد بها انوار شبورة - ولا خاصية delay للمبة الصالون -الجنط المستخدم مقاس 13

الموضوع: ايهما افضل الفيفا الهندي ولا الفيرنا المصري.....؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هل الفيرنا الفيفا اكثر اتزانا من الفيرنا وليس بها عيب الزوايا الشهير

ايهما افضل لبنت اللوجان الفيرنا اللانوس

ايهما افضل الفيرنا ولا الاكسنت

اية الفرق بين الفيرنا و الفيفا

اشتري فيرنا المصري و لا الفيفا

الكلمات الدلالية لهذا الموضوع

المفضلات

المفضلات

ضوابط المشاركة