بعد اذنكم كنت عاوز اعرف ايهما افضل الفيفا التقفيل الهندي...ولا الفيرنا الفيفا التقفيل المصري......؟
وياريت لو حد يوضح مميزات وعيوب الاتنيين
لاني بصراحه في ناس كتير شكرت في الفيفا وقالت انها افضل بكتير من الفيرنا بس اللي انا شايفه ان انتشار الفيرنا اكتر بكتير من الفيفا
فياريت حد يوضح ايهما افضل مع ذكر السبب
وشكرا لتعاونكم
(الفيرنا الفيفا التقفيل المصري) اعتذر عن الخطاء اقصد الفيرنا التقفيل المصرياقتباس:
المشاركة الأصلية كتبت بواسطة timo_crosswind
اللي اعرفه ان الفيرنا التقفيل المصري موتورها اقوي بكتير 106 حصان و عزم 143
الفيفا اعتقد 92 حصان
انا عارف ان الفيفا 1500 سي سي 95 هورس باوراقتباس:
المشاركة الأصلية كتبت بواسطة m7mda7md
وان الفيرنا 1600 سي سي 106 هورس باور
بس انا مقصدش قوه الموتور انا بتكلم عموما
يعني تقفيل خامات عفشه وهكذا انا عاوز اعرف مميزات وعيوب كل واحده فيهم من حيث كل حاجه
الفيفا طبعااااااااااا وسيبك من 106 حصان الفيفا تقفيلها احسن بكتيييييييييييير من الفيرنا المصري صوت الموتور اهدي بكتيييييير خامات احسن وهى افضل من الفيرنا المصري ومش لازم 106 حصان مش هتعمل سباق في الشارع انت عاريز عربية كويسة ومريحة وده رأيي الشخصي وتقييمي للفيفا والفيرنا 2008 اللى معايا ال 2010 معرفش ايه ظروفها
انا حسيت فعلا ان الفيفا افضل لما ركبتها وده كان سبب سؤالياقتباس:
المشاركة الأصلية كتبت بواسطة mshmshm3
ليه بقي انتشار الفيرنا يفوق بكتير انتشار الفيفا؟؟؟؟
اكيد في اسباب وده اللي خلاني اعمل الموضوع ده.
حضرتك معاك فيفا 2010 ؟
السلام عليكم ورحمة الله وبركاته
انا هدي حضرتك راي وخصوصا انى من ملاك الفيفا ووالدى يمتلك سيارة فيرنا اتوماتيك
مميزات الفيفا :-
1- جودة التقفيل الهندي من حيث الأبواب والسقف .
2- صوت ماتور هادي حتى سرعة 130 كم يبدأ صوت الماتور في العلو بعد ذلك لإرتفاع عدد لفات المحرك .
3- اتزان عالى على السرعات العالية بعد 120 كم
4- لون تابلوه انيق جدا حيث ان لون التابلوه بيج .
5- كاسيت اصلى هيونداي وسكماعت امامية اصليه .
6- فرامل ممتازه جدا جدا بمجرد لمسه خفيفة العربية بتقف
7- عفشة قويه وممتازة بجانب جودة تعليق السيارة
8- شكمان السيارة مرفوع ولا يحك في المطبات .
9- استهلاك بنزين معقول بدون استخدام التكيف .
اما بالنسبة لعيوب الفيفا :-
1- ارتفاع اسعار قطع الغيار التى لاتسخدم إلا في الفيفا مثل الإكصدام الأمامى والخلفى - الفوانيس -....إلخ
2- السيارة gls تفتقر إلى جهاز انذار ووحدة رفع واريال كهرباء.
3- فنيات السيارة لايفتى فيها إلا داخل التوكيل يعنى لو في الصعيد او في قرية يبقى لو حصل معاك حاجة جمدة محدش هيفهمها إلا في التوكيل .
4- كاسيت السيارة شرائط وليس سي دي
5- مجموعة زراير الزجاج الكهربي لا توجد بها لمبة .
مميزات الفيرنا المصري :-
1- السيارة منتشرة انتشار سريع وقوى
2- سعر إعادة البيع اعلى من نظيرتها الفيفا
3- توفر قطع الغيار وتوفر عدد الميكانيكين الملمين بها .
4- ماتور قوي 1600 سي سي .
5- السيارة بها حهاذ انذار وسنتر وكاسيت سي دي
عيوب الفيرنا لمصري :-
1- السيارة غير متزنة بالمرة على السرعات العالية بعد 120 كم
2- فرامل السيارة ليست بجودة وكفاءة الفيفا (والله سمعت تعليق من واحد فيرناوي قالى انها عربية بتطير لكن مبتقفش )
3- سوء التقفيل المصري ثل ظهور بنط اللحام -سماع صوت تزييق في ابواب السيارة .
4- لون التابلوه الرمادى (طبعا ديه اذواق)
5- شكمان يتأرجع عمري ماشفت فيرنا شكمانها ماسك نفسه
6- الكاسيت انت ونصيبك ممكن يكلع كويس ويعمر معاك وممكن يبوظ منك قبل ماتوصل بيها البيت من المعرض
7- عفشة السيارة قوية ولكنها ليست كعفشة الفيفا
8- جهاز الإنذار لايعمل على شنطة السيارة ولا على الكابوت .
اتمنى انى اكون وفقت في المقارنة وخلاصة القول
جودة التقفيل يبقى فيفا
جودة الماتور يبقى فيرنا
انا كنت زيك كده في الأول وصليت استخارة وربنا هدانى للفيفا وصدقنى المقارنة ديه والله مفترتش حاجة على اي من العربيتين حيث انى بركب العربيتين بصفة دائمة واسف على الإطاله
نسيت اضيف حاجة
الفيرنا المصري استهلاك بنزين اعلى من الفيفا
ارجو من متابعة رابطة ملاك الفيرنا فيفا ورابطة الفيرناوية
فيرنا فيرنا حتي الموت
جزاك الله كل خيراقتباس:
المشاركة الأصلية كتبت بواسطة sahin_1996_133
انا لما ركبت الفيفا حسيت بالكلام اللي حضرتك ذكرته
عشان كدا كنت مستغرب جدا من انتشار الفيرنا عن الفيفا
وده السبب اللي خلاني افتح الموضوع ده هنا في قسم هيونداي
متشكر جدا لمشاركه حضرتك المفيده
وربنا يبارك في عربيتك ويكفيك شرها
ممكن اعرف ايه المميزات اللي حبتها في الفيرنا...؟اقتباس:
المشاركة الأصلية كتبت بواسطة m7mda7md
وشكرا لمشركتك
لو عايز تعرف حاجة تانى انا تحت امرك
اقتباس:
المشاركة الأصلية كتبت بواسطة sahin_1996_133
بجد مقارنه ممتازه جدا خصوصا انها عن تجربه, جزاك الله خــــــير
فيفا احسن الماتوراوكتينه 87 مش 91 زى الفيرنا
اوكتين 87 يعنى نص التانك 80 و النص التانى 92 يعنى توفير فى البنزين و تقفيل ممتاز انا غطاء شنطة العربية معوج و قالوا لازم اروح الهياكل علشان يظبتوة
و لو الاتوس برايم تنفعك هاتها احسن
ماتورها موفر للبنزين
تتركن فى اى حته
حجمها مناسب لشوارع مصر
هاتشباك يعنى لو عايز تنقل تلفزيون 32 بوصة يدخل من وراء يعنى الاتوس اجدع و اوفر لك 9 الاف جنية و تشيل اى حاجة
اما الفيرنا و الفيفا ما تقدرس تنقل فيها تلفزيون اكبر من 20 بوصة :b4_556:
http://www.nilemotors.net/Nile/image...p-right-10.gifالسلام عليكم ورحمة الله وبركاته
انا هدي حضرتك راي وخصوصا انى من ملاك الفيفا ووالدى يمتلك سيارة فيرنا اتوماتيك
مميزات الفيفا :-
1- جودة التقفيل الهندي من حيث الأبواب والسقف .
2- صوت ماتور هادي حتى سرعة 130 كم يبدأ صوت الماتور في العلو بعد ذلك لإرتفاع عدد لفات المحرك .
3- اتزان عالى على السرعات العالية بعد 120 كم
4- لون تابلوه انيق جدا حيث ان لون التابلوه بيج .
5- كاسيت اصلى هيونداي وسكماعت امامية اصليه .
6- فرامل ممتازه جدا جدا بمجرد لمسه خفيفة العربية بتقف
7- عفشة قويه وممتازة بجانب جودة تعليق السيارة
8- شكمان السيارة مرفوع ولا يحك في المطبات .
9- استهلاك بنزين معقول بدون استخدام التكيف .
اما بالنسبة لعيوب الفيفا :-
1- ارتفاع اسعار قطع الغيار التى لاتسخدم إلا في الفيفا مثل الإكصدام الأمامى والخلفى - الفوانيس -....إلخ
2- السيارة gls تفتقر إلى جهاز انذار ووحدة رفع واريال كهرباء.
3- فنيات السيارة لايفتى فيها إلا داخل التوكيل يعنى لو في الصعيد او في قرية يبقى لو حصل معاك حاجة جمدة محدش هيفهمها إلا في التوكيل .
4- كاسيت السيارة شرائط وليس سي دي
5- مجموعة زراير الزجاج الكهربي لا توجد بها لمبة .
مميزات الفيرنا المصري :-
1- السيارة منتشرة انتشار سريع وقوى
2- سعر إعادة البيع اعلى من نظيرتها الفيفا
3- توفر قطع الغيار وتوفر عدد الميكانيكين الملمين بها .
4- ماتور قوي 1600 سي سي .
5- السيارة بها حهاذ انذار وسنتر وكاسيت سي دي
عيوب الفيرنا لمصري :-
1- السيارة غير متزنة بالمرة على السرعات العالية بعد 120 كم
2- فرامل السيارة ليست بجودة وكفاءة الفيفا (والله سمعت تعليق من واحد فيرناوي قالى انها عربية بتطير لكن مبتقفش )
3- سوء التقفيل المصري ثل ظهور بنط اللحام -سماع صوت تزييق في ابواب السيارة .
4- لون التابلوه الرمادى (طبعا ديه اذواق)
5- شكمان يتأرجع عمري ماشفت فيرنا شكمانها ماسك نفسه
6- الكاسيت انت ونصيبك ممكن يكلع كويس ويعمر معاك وممكن يبوظ منك قبل ماتوصل بيها البيت من المعرض
7- عفشة السيارة قوية ولكنها ليست كعفشة الفيفا
8- جهاز الإنذار لايعمل على شنطة السيارة ولا على الكابوت .
اتمنى انى اكون وفقت في المقارنة وخلاصة القول
جودة التقفيل يبقى فيفا
جودة الماتور يبقى فيرنا
انا كنت زيك كده في الأول وصليت استخارة وربنا هدانى للفيفا وصدقنى المقارنة ديه والله مفترتش حاجة على اي من العربيتين حيث انى بركب العربيتين بصفة دائمة واسف على الإطاله http://www.nilemotors.net/Nile/image...t-bot-left.gif
الله ينور عليك يا باشا مقارنة زى الفل:S_thum1[1]:
شكرا لكافة الأعضاء وانا بجد تحت امركم في اي سوال يخص الفيرنا او الفيفا
شكرا لحضرتكاقتباس:
المشاركة الأصلية كتبت بواسطة sahin_1996_133
هو فعلا الفيفا فيها مريات كهربا والفيرنا مرايات عاديه...؟
ولا الاتنيين مرايات عاديه...؟
شكرا
شكرا لمشركتكاقتباس:
المشاركة الأصلية كتبت بواسطة atamim
بس بما انك ذكرت الاتوس برايم...ممكن اعرف الكماليات الموجوده في العربيه دي ايه.....؟
الفيرنا عربيه حلوه اوياقتباس:
المشاركة الأصلية كتبت بواسطة timo_crosswind
اول حاجه شدتني ليها موتورها
محدش و النبي يقولي السحب مش كل حاجه و الكلام ده لأن ده رأيي و دي اكتر حاجه عجباني في العربيه و بتكلم عن العربيه بشكل عام
غير كده العربيه تشبه اللانسر ف كذا حاجه زي مثلا ال delay اللي ف لمبه الصالون و الازاز الكهربا اللي بيفضل شغال شويه حتي بعد ما تفصل الكونتاك و حجات تاني مش فاكرها و الله
ثانيا صوت العربيه واطي الي حد كبير
استهلاك البنزين كنت فاكره عالي لما كانت العربيه جديده لكن الحمد لله العربيه عامله 17000 كيلو و الاستهلاك تمام و قارنته مع عربيات تاني منها النيسان صني و اللانسر و كانت كويسه بس كانت الحسبه تقريبيه
العربيه واسعه و شنطتها واسعه و بفضلها عن اللانوس ع الرغم من ان ناس بتقول ان اللانوس اوسع
الفيرنا gl &gls الإثنين مرايتهم عادية اما المريات الكهربا فيها في الأتوماتيك بس بلإضافة إن الأوتوماتيك جنط 14 مش 13 زي المانيوالاقتباس:
المشاركة الأصلية كتبت بواسطة timo_crosswind
اما بالنسبة للفيفا gl مرايتها عادية اماglsمرايتها كهربا
طبعا حضرتك عارف الفرق بين الكاملة والفول اوبشن في الفيرنا والفيفا بس انا برضه هقولها لحضرتك
الفيرنا أو الفيفا العادية
1- نفس ماتور الفول ابويشنز .
2- لايوجد عداد لفات المحرك .
3- لايوجد بها ساعة في التابلوه
4- زجاج عادي
5- مريات عادية
6- اريال عادي
7- لايوجد مسند ذراع للسائق
8- الفيرنا بتنزل بكاسيت روود ستار الفيفا بصراحة مش عارف .
الفيرنا الفول ابشنز مانيوال
يوجد بها كل ماسبق عدا المريات الكهربا فلا توجد إلا في الأتوماتيك بإضافة إلى خاصية تاخير لمبة الصالون بالإضافة إلا تشغيل لمبة الصالون بمجرد استخدام السنتر
وبدون فتح اي باب .
شنطة السيارة تفتح من الصالون
الفيرنا الأتوماتيك
توجد بها كل ماسبق بالإضافة إلى انوار شبورة وجنط 14
الفيفا الفول ابشنز
زجاج كهربا - مريات كهربا -اريال عادي - فتح الشنطة وتنك البنزين من داخل الصالون -السيارة لا توجد بها انوار شبورة - ولا خاصية delay للمبة الصالون -الجنط المستخدم مقاس 13
م/ أحمد عبد العزيز
شكراً للمقارنة الجميلة
بمناسبه المرايات الكهربه
انا جايب اتنين للفيرنا العاديه الواحده ب 150 جنيه صيني و شغالييييييييييييين تمااااااااااااااااااااااا اااااااااااااام الحمد لله ليهم اكتر من سنه
جزاك الله كل خير انا تحت امركماقتباس:
المشاركة الأصلية كتبت بواسطة m.osman
بالنسبه للتركيب, حضرتك ربكتهم فالتوكيل ؟؟ و التكلفه كام ؟؟اقتباس:
المشاركة الأصلية كتبت بواسطة m7mda7md
جزاك الله كل خيراقتباس:
المشاركة الأصلية كتبت بواسطة sahin_1996_133
انا شاكرلحضرتك جدا
شكراً للمعلومات
طيب محدش قال يشتري انهي فيهم برده يعني شي محير جدا خصوصا موضوع البنزين هل الفيفا عربية موفرة للبنزين و بامانة ولا ايه ؟
ممكن تفاصيل بس يا باشا ياعنى حوارها سهل ولا صعب و عملت إيه فى المرايات الأصليةاقتباس:
المشاركة الأصلية كتبت بواسطة m7mda7md
ياعنى هل خد المرآه الصلية و حتطها فى البودى الصينى مثلا عشان إنت عارف شغل المرايات
الكلمتين دول من راجل بيفهم
الفيفا ما هي إلا فيرنا موديل قديم من الفيرنا التي نعلمها (موديل 2003), و لك أن تعلم ان الفيرنا هي تحديث الفيفا. كل ما في الموضوع ان الهند مازالت تنتجها حتى الآن و حتى إنتهاء رخصتها من هيونداي. غير ذلك فهي ليست أفضل من الفيرنا بشىء. و من غير المعقول شراء سياره تم إستبدالها بآخرى أفضل و كل ذلك لإنها أرخص ب 1000 جنيه. و صراحة لا أجد تفسير لهذا سوى ان الوكيل أراد بيع سياره فيرنا آخرى مستغل بذلك نجاح الفيرنا و يسوقها على أساس انها الشكل الجديد بل و أرخص.
و أنا لن أكتب أكثر من ذلك عن هذه السياره التي لا تستحق الإنتشار في الأسواق المصري.
انا معنديش العربية علشان اقول لك على كل كمالياتهااقتباس:
المشاركة الأصلية كتبت بواسطة timo_crosswind
بس الى اعرفة ان فيها تكييف و ازاز كهرباء و سنتر و مش متاكد فيها انذار ولا لقى
بس بجد العربية كويسة جدا جدا فكر كويس لان الهاتش باك لية مزايا كتير
:vctry:
و كمان استهلاك البنزين حيوفر معاك كتير
:vctry:
و فرق 9 الاف جنية فى السعر ما بينها و بين الفيرنا
:vctry:
و ابعاد العربية واضحة خالص فى الركنه و تركن فى اى مكان (انا عربيتى مقدرش اركن فى مكان بحجم الهاتشباك زى البولو و غيرها لانى عندى فرق نص متر بتاع الشنطة)
فانت حتقدر تركن مكان اى عربية بسهولة
دى مييييييييييييييييييزة حتحسها جدا فى الشوارع الزحمة
بص الخلاصة
ان العربية تكون زيررو هية زيرو
العربية يكون فيها تكييف و هية فيها تكييف
العربية فيها ازاز كهرباء و هية فيها
العربية توفر بنزين و تتركن فى اى حته و هية فيها الميزة دى
ففكر كويس و ربنا يباركلك
دا كلام سليم 100%, و بصراحه انا افضل الفيرنا على الفيفااقتباس:
المشاركة الأصلية كتبت بواسطة m_mekkawy
طيب ما الفيرنا نفسها تم استبدالها بالنيو اكسنت و طبعا هى افضل و الفرق بين الفيرنا الكامله منيوال و النيو اكسنت المنيوال 5000 جنيه فقط, صح ولا انا غلطان ؟؟!!اقتباس:
المشاركة الأصلية كتبت بواسطة m_mekkawy
انا معاك ان الفيفا لا تستحق الأنتشار و ده اللى حصل فعلا, يعنى بمقارنه عدد الفيرنا مع الفيفا نسبه الفيفا هتكون صغيره, و سبب عدم الأنتشار هو وجود موديل احدث بموتور اقوى و شكل افضل و قطع غيار منتشره و سهوله الصيانه و...اقتباس:
المشاركة الأصلية كتبت بواسطة m_mekkawy
معلش مش فاهم قصدك ايه من راجل بيفهم ؟؟؟!!!اقتباس:
المشاركة الأصلية كتبت بواسطة m_mekkawy
انا ياحج ناقل الكلمتين دول من ويب سايت تانى فبقلك انه راجل بيفهم تاييدا لكلامه الحكيم.
اتمنى من من يريد معرفة اكثر عن الفيفا مراجعة رابطة ملاك الفيرنا فيفا وارجو من الجميع مرجعة المقارنة التى سبق وان اجريتها بين الفيرنا والفيفا حتى لاتظلم اي من السيارتين
السلام عليكم ورحمة الله وبركاته
أنا من جنوب سيناء و عاشق للهيونداى فيفا وبصراحة كدة كانت مريحانى جدا لانى كان معايا العربية دى موديل 2009 وبعدين للاسف بعتها حبا فى التغير وجبت بى أم دبليو ( الدبانة 1992) وبعدين بعتها و رجعت وأشتريت حتة فيفا تانى موديل 2008 وبعدين بعتها أول ما ظهرت الجيلى أميجراند بالسوق ورحت أشترتها من غبور وقعدت معايا سنتين وبعدين لسة بايعها من شهر تقريبا وحاليا كنت بدور على حتة فيفا تكون مستعملة أستعمال نضيف وفابريكة ويفضل أن تكون زجاج كهرباء ، فلو حد عاوز يغير ويبيع ممكن نتواصل مع بعض وأشتريها باذن الله وزى ما بيقول المثل
( من فات قديمه تاه ) مش كده ولا أيه ؟!!
وده رقم تليفونى للى يحب يبيع ويتواصل معايا
01005488040
هو أي حاجه تقفيل مصري ..يبقى من غير ما تسأل وحشه ..رغم إني مركبتش الفيفا وسوقت الفيرنا ..إلا إني كنت متأكد إن الفيفا أحسن من غير ما جربها
طبعا ممتازة وأحسن من الفيرنا المصرى ولكن كان يعيبها وجود بعض البارومة فى بعض الاماكن زى المساحة اللي وراء الزجاج الخلفى تحت من عند الشنطة وديه كانت عندى فى موديل 2008 و 2009 أول عربية ركبتها من الفيفا ... ياريت لو حد عاوز يبدل ويركب حاجة تانى وعاوز يبيع الفيفا يتواصل معايااقتباس:
المشاركة الأصلية كتبت بواسطة m_m_sh_a