ياجماعه هابيع نوبيرتى الحلوه لظروف ايه رأيكم فى السعر ده؟

1-ماركة السيارة دايو نوبيرا
2-الموديل/السنة2007
3-عدد الكيلومترات36000
4-لون السيارة-اسود
5-الكماليات (كاسيت-تكييف-زجاج كهرباء-باور-كراسى جلد طبيعى - ارضيه جلد)
6-حالة الصاج او الخوارج (فابريكة)
7-حالة الدواخل (فابريكة)
8-حالة الصالون ( حالة نادرة)
9-الحالة العامة او التقييم العام للسيارة (- حالة نادرة)
10-حالة الكاوتش (جيد)
11-حالة البطارية-جديده
12-مكان المعاينة- الهرم او المهندسين
13-السعر المبد ئي---68000
14-اسم صاحب الاعلان ورقم هاتفة-خالد----ت\0116123500
15-تاريخ انتهاء الرخصة؟2\2011
16- اشتراط التسجيل
18-حالة الموتور-جيد جداا صيانه بالتوكيل وبالفواتير

وصورتها فى التوقيع

ياريت تقولوا رأ يكم بصراحه

انا معرفش فى اسعار النوبيرا اوى بس العربية باين عليها بسم الله ماشاء الله سواء من كلامك او من الصورة باين ان مفهاش خربوش وان شاء الله باقى الاعضاء يفيدوك واعتقد على الحالة دى العربية هتتاخد بسرعه نظرا لشعبيتها فى مصر وعدم وجود الجديد منها

العربية دي حلوة مشاء الله بس عدلها 62 الف

ربنا يحسنلك بيعها و يا ريت تعمل موضوع في قسم البيع و الشراء

انا عرضها على قسم بيع السيارات بس انا قولت اخد راى جماعة الدايو ولو حد عايزها من قسم الدايو يبقى هو اولى من اى حد طبعا

بسم الله ماشاء الله

مرسيدس فعلا

وخساره بيعها فعلا

ربنا ييسرلك الحال

ولو حد أخدها منك ب65 ألف

هو اللى كسبان

انا شايف ان السعر عالى بس طبعا ده علشان الحاله

ربنا يوفقك فى البيع

اقتباس:

---

المشاركة الأصلية كتبت بواسطة wesam_salom

انا شايف ان السعر عالى بس طبعا ده علشان الحاله

ربنا يوفقك فى البيع

---

وانا كمااان
بس العربية عروسة ماشاء الله

ليه كده يا حج خالد زعلتنى والله
العربية دى يا جماعة ماشاء الله عليها زيرو بمعنى الكلمة

اشترناها سوا كسر زيرو واحنا اللى شلنا استيكرات الدهان بنفسنا

وربنا يحسنلك بيعها ان شاء الله يا خالد

اقتباس:

---

المشاركة الأصلية كتبت بواسطة dr_mak

العربية دي حلوة مشاء الله بس عدلها 62 الف

---

كلام مظبوط وفقا للسوق حاليا

العربية حلوة ما شاء الله بس السعر عالى شويتين

انا لسه شارى نوبيرا أخت اللى معاك بس لونها ابيض يوم 5/3/2010 فبريكا وعامله38000 كم وسعرها 61.500 جنيه بالعافيه وكان صاحبها عاوز 62000
وربنا معاك وتبيع باحلى سعر ان شاء الله :vctry:

اصل لو سعرها زى ماحضرتك كاتب 68الف هيبقى صعب لان فى السعر ده فى عربيات جديده زى لانوس وفيرنا ولوجان هم صحيح اقل من النوبيرا بس عربيات جديده برضه فاعتقد السعر عالى شوية بس حضرتك مقولتش فيه سبب للبيع ولا حاجة شخصيه ؟ لان العربية زى الفل ماشاء الله ومش عارف سبب البيع

هوة صعب شوية 65 ولكن أنا لو مكان المشتري بما أنني ناوي أركب فأنا شايف ان 65 مكسب كبير لأن توفير حوالي 12 ألف علي 36000 كم معقول جدا مادام حابب النوبيرا ومتصانة جيدا وأستخدام آدمي في تستاهل بجد

بسم الله ما شاء الله

ياجماعه العربيه دى بيتى جدااااا وسبب البيع ضيقه ماليه ولكن غير كده انا مفرتش فيها ابداااا لانى اعشق نوبيرتى انتو شايفين ان السعر غالى على العموم قابل للتفاوض

ربنا يوفقك فى بيعها و يرزقك بأحسن منها