مسافر بورسعيد ان شاء الله وعايز اعرف شويه استفسارات

السلام عليكم ورحمه الله وبركاته
تحياتى لاجمل اعضاء ف المنتدى
اما بعد
اتفقت انا واخويه وشويه اصحابنا اننا نطلع يوم ان شاء الله بورسعيد
منها تنفسح ومنها نعمل شوبنج بما انا بيقولى انى البس هناك كويس واسعارها الى حد ما
ما كويسه وقولنا بما ان احنا كده رايحين نقضى يوم ممكن برده نشترى شويه لبس من هناك
وطبعا منعرفش ايه احسن اماكن لبس هناك والاسعارها كويسه
انا روحت الصيف الى فات ونزلت الشارع التجارى لقيت البس فيه اسعاره زى عندنا بل واغلى كمان ف شويه حاجات
ف انا قولت مليش غير رجاله نايل موتوررز يفيدونى ف الموضوع ده

انا عايز اعرف ايه اماكن محلات البس الشيك هناك وبرده الى اسعرها كويسه واحنا هنبقى ف حدود5 مثلا يعنى هنشترى كميه
وشكرا
مقدما لاجمل اعضاء

بص يا سيدي

هتنور البلد انت وصحابك بس بلاش معاكسه في ال....* عشان الامن مش مستتب عندنا اليومين دول هههههههههه

انا هقولك علي محل كويس جدا هو في ضهر سينما مصر و اسمه تيتو هتتلاقي هناك شويه حاجات زي الفل و اسعارها مهاوده و انا مبشتريش الا من عنده

بس قولي هتروح باللوجان و بالالنترا ؟ عشان لو لوجان هتتلاقي كل الناس قاعده تبحلق و تبص عشان معندناش منها هههههههههه

و لو قابلتك حمله افتكر بس انك معلق نمر ملاكي قاهره او حروف و ارقام يعني انت باشا في بورسعيد يعني تتكلم كانك وزير داخل عليهم الحمله عشان بتوع مرور بورسعيد رخمين جدا جدا و ابقي طمنا لما ترجع البيت بالسلامه ان شاء الله

ربنا يخليك ياباشا انا احتمال نروح مواصلات لسه مش عارف وانا عربيتى ارقام وحروف والبلد منوره باهلها ها مستنين بقين الاعضاء

تروح و ترجع بالسلامه يا باشا

اقتباس:

---

المشاركة الأصلية كتبت بواسطة hamed_73

ربنا يخليك ياباشا انا احتمال نروح مواصلات لسه مش عارف وانا عربيتى ارقام وحروف والبلد منوره باهلها ها مستنين بقين الاعضاء

---

روح بالعربية احسن لأن الجمرك لو زحمة هتتبهدل لكن العربية بتتفتش و تمشى على طول اشترى نفسك و روح بالعربية

وشوفلك سلسة صلب تعلقها فى رقبتك عشان الحاجة متضعش منك اظن فاهم يا حامد
:pointi~2[2]::pointi~2[2]::pointi~2[2]::pointi~2[2]:

اقتباس:

---

المشاركة الأصلية كتبت بواسطة lion_heart

روح بالعربية احسن لأن الجمرك لو زحمة هتتبهدل لكن العربية بتتفتش و تمشى على طول اشترى نفسك و روح بالعربية

---

+111111111111

وكمان ياريت متشتريش كتير لان الجمرك بقى بيرخم شوية

ممكن حد يوضح موضوع الجمارك ده يا جماعة علشان مش فاهمه .

يعنى لو اشتريت بنطلونين مثلا و حطهم فى شنطة العربية و احنا راجعين ايه اللى هيحصل بقي !!!!!

و لو رحت بسوبر جيت برده ايه اللى هيحصل ؟

اقتباس:

---

المشاركة الأصلية كتبت بواسطة terrible_darsh

ممكن حد يوضح موضوع الجمارك ده يا جماعة علشان مش فاهمه .

يعنى لو اشتريت بنطلونين مثلا و حطهم فى شنطة العربية و احنا راجعين ايه اللى هيحصل بقي !!!!!

و لو رحت بسوبر جيت برده ايه اللى هيحصل ؟

---

انا مرحتش هناك قبل كدة يا درش بس الى اسمعة من الناس الى راحت هناك
انهم لما العربية بتعدى الجمارك بيشفوكم مشترى اية لو كدة ممكن يرخم عليك ويقولك ها تدفع جمارك على الحاجة الى انت مشتريها
يعنى لو مشترى بنطلون ب 50 جنية يقولك علية جمارك 15 جنية

مستنينك لما ترجع بالسلامة علشان تحكلنا عملت أيه أوعى تنسى

اقتباس:

---

المشاركة الأصلية كتبت بواسطة mgazaly

انا مرحتش هناك قبل كدة يا درش بس الى اسمعة من الناس الى راحت هناك
انهم لما العربية بتعدى الجمارك بيشفوكم مشترى اية لو كدة ممكن يرخم عليك ويقولك ها تدفع جمارك على الحاجة الى انت مشتريها
يعنى لو مشترى بنطلون ب 50 جنية يقولك علية جمارك 15 جنية

---

أيه الغلاسة دي ده انا اشتري من القاهرة أحسن بقى

اقتباس:

---

المشاركة الأصلية كتبت بواسطة mgazaly

وشوفلك سلسة صلب تعلقها فى رقبتك عشان الحاجة متضعش منك اظن فاهم يا حامد
:pointi~2[2]::pointi~2[2]::pointi~2[2]::pointi~2[2]:

---

فاهم يابااشا

طيب مش قولتلى ايه الاماكن البس الى حلوه من هناك

اقتباس:

---

المشاركة الأصلية كتبت بواسطة hamed_73

فاهم يابااشا

---

يا سلام على الاحترام ايواا كدة :pointi~2[2]::pointi~2[2]:

اقتباس:

---

المشاركة الأصلية كتبت بواسطة hamed_73

طيب مش قولتلى ايه الاماكن البس الى حلوه من هناك

---

11111111111111111111111

احلي بلد في الدنيا بورسعيد ان كنت قاعدت فيها 7 سنين وبحب جو بورفواد جو مختلف عن جو افريقيا الي هيا بورسيعد لان بور فواد في اسيا قارة تانيا خالص هههههههههههههههه

اقتباس:

---

المشاركة الأصلية كتبت بواسطة terrible_darsh

ممكن حد يوضح موضوع الجمارك ده يا جماعة علشان مش فاهمه .

يعنى لو اشتريت بنطلونين مثلا و حطهم فى شنطة العربية و احنا راجعين ايه اللى هيحصل بقي !!!!!

و لو رحت بسوبر جيت برده ايه اللى هيحصل ؟

---

و لا حاجه
هو الطبيعى ان الاوتوبيس او الميكروباص العربيه بتتفتش
واللى معاه حاجه من الركاب موظف الجمرك بيقدر المبلغ اللى
هيحتسب جمارك للسلعه ديه و حضرتك بتدفع وبيديك وصل و بيكون
فى مشرف عام على المنفذ فى كل ورديه و بيتدخل لو المواطن حس ان القيمه
المحتسبه مبالغ فيها ورفض الدفع او طلب تقليل المبلغ

و للسيارات الخاصه نفس الكلام
واوقات كتير جدا ممكن تعدى من الجمرك من غير ما تدفع اى رسوم

واظن ان الضغط على المواصلات العامه بيكون اقل شويه من السيارات
الخاصه يمكن لان الموظفين بيكونو مركزين مع السواقين اكتر
( الموقف الرئيسى فى بورسعيد فى اكشاك كل شغلتها انها تاخد البضاعه
من التجار و تغلفها بشكل معين و تسلمها للسواقين اللى بيوصلوها
القنطره غرب وطبعا السواقين بيدفعو لموظف الجمرك عشان
البضاعه تخرج بدون جمارك )

اقتباس:

---

المشاركة الأصلية كتبت بواسطة هيثم

و لا حاجه
هو الطبيعى ان الاوتوبيس او الميكروباص العربيه بتتفتش
واللى معاه حاجه من الركاب موظف الجمرك بيقدر المبلغ اللى
هيحتسب جمارك للسلعه ديه و حضرتك بتدفع وبيديك وصل و بيكون
فى مشرف عام على المنفذ فى كل ورديه و بيتدخل لو المواطن حس ان القيمه
المحتسبه مبالغ فيها ورفض الدفع او طلب تقليل المبلغ

و للسيارات الخاصه نفس الكلام
واوقات كتير جدا ممكن تعدى من الجمرك من غير ما تدفع اى رسوم

واظن ان الضغط على المواصلات العامه بيكون اقل شويه من السيارات
الخاصه يمكن لان الموظفين بيكونو مركزين مع السواقين اكتر
( الموقف الرئيسى فى بورسعيد فى اكشاك كل شغلتها انها تاخد البضاعه
من التجار و تغلفها بشكل معين و تسلمها للسواقين اللى بيوصلوها
القنطره غرب وطبعا السواقين بيدفعو لموظف الجمرك عشان
البضاعه تخرج بدون جمارك )

---

اشكرك .

و لكن مثلا لو جبت بنطلون ب 150 جنيه و الموظف شافه هياخد كام " مثلا " و لو قلت له ده ب 100 هيعمل ايه ؟؟

معلش اصلى مش فاهم الحكاية دى خالص و مفيش حد يعف حاجة عنها .

نصيحه بلاش تروح خالص احسن
هات اى حاجه انت عاوزها من بلدك لانك حتلاقى هناك حاجات اغلى بكتير ده لو لقيت اصلا حاجه كويسه كلها حاجات مضروبه وزباله واغلى من بره كتييييير

اقتباس:

---

المشاركة الأصلية كتبت بواسطة terrible_darsh

اشكرك .

و لكن مثلا لو جبت بنطلون ب 150 جنيه و الموظف شافه هياخد كام " مثلا " و لو قلت له ده ب 100 هيعمل ايه ؟؟

معلش اصلى مش فاهم الحكاية دى خالص و مفيش حد يعف حاجة عنها .

---

اظن المبلغ اللى هتدفعه مش هيتعدى 15 جنيه
و موظف الجمرك ما بيسألش حضرتك
اشتريت الحاجه ديه بكام ... هو
بيبص على السلعه و يقدر المبلغ

بس لو معاك فواتير بالسلع اللى اشتريتها
على الاقل ده هيعفيك من انه يقدر سعر الشراء
بمبلغ اعلى من الحقيقى

يعنى افهم من كده انى مشتريش حاجه هناك

ماتخفش...انا بروح بقالى تقريبا 6 سنين وعمرى بصراحه مادفعت مليم جمرك....... وبنزل افتح الشنطة بيبص المامور بتاع الجمرك عليها ويقولى مع السلامه...واخر مره من اسبوع كنت هناك ..وكنت شاري ستاير معديه الف جنيه ولبس برضه بحوالى 900 جنيه..والله ولا كلمنى.وخد بالك برضه هو ليه نظرته يعنى تقريبا هو بيدور على التجار وكده انما واحد رايح مع اصحابه او عيلته اكيد بيعدوه.والجمرك برضه مبقاش زى زمان لان بورسعيد ماعدتش زى زمان.....في بقي محل فى التجارى بجيب منه على طول اسمه السيوطى .هاجيبلك اسم الشارع بالظبط بس يارب الاقي الكارت

اقتباس:

---

المشاركة الأصلية كتبت بواسطة lion_heart

روح بالعربية احسن لأن الجمرك لو زحمة هتتبهدل لكن العربية بتتفتش و تمشى على طول اشترى نفسك و روح بالعربية

---

جمارك ايه السوبر جت عمر محد قالى ورينى معاك ايه

اقتباس:

---

المشاركة الأصلية كتبت بواسطة terrible_darsh

ممكن حد يوضح موضوع الجمارك ده يا جماعة علشان مش فاهمه .

يعنى لو اشتريت بنطلونين مثلا و حطهم فى شنطة العربية و احنا راجعين ايه اللى هيحصل بقي !!!!!

و لو رحت بسوبر جيت برده ايه اللى هيحصل ؟

---

بص يا باشا موضوع الجمارك دة بالمزاج ملهاش قاعدة عندهم
بس طالما مش معاك حاجات كتير متقلقش
وياريت متشتريش قماش مش متفصل من بورسعيد لان مش عارف بيضايقهم ويعفرتهم جدا
ويوم لما الجمارك بترخم بيدفعك 10 او 20 بالكتير جدا
وبرضة ياريت تبقى داخل كدة محترم والحاجة اللى معاك تكون حاطتها فى شنطة العربية وتكون شنطة العربية منسقة كدة ومترتبة ومتعملش مش زى ما بعض الناس بتعمل يقعدوا يخبوا الحاجة تحت الكراسي وفى التابلوة ولو العربية فى ناس كتير بيحطو الشنط تحت رجليهم كل الشغل دة بيضايقهم جدا.
وبرضة مثلا متحاولش تظهر ان تاجر بمعنى
انك مثلا عجبك بنطلون متجبش منة نصف دستة والوان مختلفة
لا هاتلك بنطلون او اتنين بالكتير نفس الشكل
وكدة خش وانت متطمن وان شاء الله مفيش جمارك

ولو عندك اطفال صغيرين بورسعيد بالنسبة لك هتبقى تحفة فى الهدوم ليهم
وكمان لو رحت بورسعيد اوعى تنسي تجيب عيش من هناك لان العيش هناك جميل جدا (عيش الافران العادية)

وكمان نصيحة للى ناوى يسافر بورسعيد من على طريق مصر اسماعيلية بورسعيد
بلاش جرى الطريق فية ردارين واحد الكامين بتاعة عند مستشفى السلام الدولى واللجنة التانية تقريبا فى الكيلو 86
وياريت محدش يمشي فى شمال الطريق لانة فية كذا نقرة غبية جدا ولما تعدى الكارتة بتاعت الاسماعيلية امشي على شمال الخط الى فالنص ومتمسكش اخر الشمال لان برضة فى كام نقرة سخيفة فى الشمال وممشيش فى اليمين لانة مكسر زى ميكون فى دبابة كانت مشية علية
وكدة نوصل اسماعيلية بخير ان شاء الله وعند مدخل الاسماعيلية الاولانى خلى بالك الطريق هيقف فجاءة علشان بيعملوا كوبري فية

طريق بورسعيد اياك والجرى علية فى منحنيات شديدة شوية وكمان العربيات النقل مبوظة الاسفلت بتاعة ومخلية الطريق عامل زى شريط القطر
ولما توصل بورسعيد بالسلامة ان شاء الله
اوعى تتكلم فى موبيل او تقلع الحزام وانت سايق لان بورسعيد عبارة عن شارع واحد بالطول وكلة اشارات وكل اشارة فيها امين

وبرضة خلى بالك بيبقى فى عربيات كدة بتبقى فى الشوارع بتاع الهدوم بتبيع شيكولاتات ومصاصات ولبان وحاجات كتير كدة حلوة متشتريش منهم ودة لان معظم الحاجات دى بيبيقى صلحيتها انتهت او قربت على الانتهاء + كمان انهم بيبالغوا اوى فى اسعارها وبيعلوك على اساس انك زبون

شكرا لدكتور هانى وشكرا التفاصيل يامصطفى بس برده عايز شويه اسماء محلات كده علشان اشوف هنشترى ايه

اقتباس:

---

المشاركة الأصلية كتبت بواسطة hamed_73

شكرا لدكتور هانى وشكرا التفاصيل يامصطفى بس برده عايز شويه اسماء محلات كده علشان اشوف هنشترى ايه

---

الشوارع اللى اعرفها التجارى والحميدى غير كدة معرفش كتير للاسف

شكرا يامصطفى باشا والله الموفق ان شاء الله