عرض للطباعة
جبت صني 2010 مانيوال و العربية عاملة تقريبا 4000كم دلوقتي
المشكلة ان العربية بمجرد ما توصل لسرعة 100كم/ساعة لفات الموتور بتكون عند ال3000rpm و بالتالي فصوت الموتور عالي جدا و لما تعدي ال100 لفات الموتور بتزيد أكتر كمان و بتوصل ل3400rpm تقريبا عند ال120
بصراحة بشكل عام أنا مش من هواة السرعة لكن مستغرب الموضوع جدا .. السؤال هل ده طبيعي ؟؟ بالمقارنة بعربيات تانية من نفس الفئة و بقدرة محرك مقاربة و نفس السعة اللترية لفات الموتور بتكون في حدود 2500rpm لحد ال120كم/ساعة تقريبا
طبيعي يا فندم سير كاتينه عربيه حضرتك جنزير
و قلب شويه كده في المواضيع المثبته و في قسم النيسان كمان هتلاقي حاجات كتير قوي يمكن تهمك قدام
انا عندى برضه الصوت عالى بعد ال100 بس انا اوتوماتيك
ياريت لو حد يعرف ليه يقول لنا.
تم الرد بالفعل
ألف ألف شكر على الرد ..اقتباس:
المشاركة الأصلية كتبت بواسطة amir
أنا معنديش مشكلة في صوت الموتور, بس لو ممكن توضحلي ايه علاقة ان السير يكون جنزير بعدد لفات الموتور ؟؟
معلش يا باشا اصل انا وانت ردينا على الموضوع فى نفس الوقت فعشان كده مشوفتش ردكاقتباس:
المشاركة الأصلية كتبت بواسطة amir
وتحياتى
هل حضرتك جايب الغيار الخامس ولا ماشى على الغيار الرابع
الخامس طبعا .. مش أوي كده يعني :colsmil:اقتباس:
المشاركة الأصلية كتبت بواسطة alrabeh
السؤال بس, الناس اللي عندهم صني 2010 مانيوال لفات الموتور بتبقى كام عند ال100 و ال120 ؟؟
طبعاً تم الرد على موضوع الصوت العالى للموتور أما السرعة فعند سرعة 100 كم عداد الـ rpm بيقرأ 2500 و ده بيكون فى أول الغيار الخامس طبعاً أنا بتكلم عن المانيول
بالنسبه للفات الموتور على سرعة 100 يا ريت حضرتك تتأكد انها على 3000 فعلا لأن الطبيعي انها تكون على 2500 أو أقل
الكاتينه الجنزير مش السبب الأساسي ان صوت الموتور يكون عالي ... الكورولا القديمه والتيدا برضو كاتينه جنزير و معروف ان صوت الموتور مش عالي
على فكره عندي في ال sx4 برضو الموتور صوته عالي وكنت بقول عشان الكاتينه جنزير بس قلت طيب وليه التيدا صوت الموتور مش عالي ؟؟؟ انا ماجربتهاش بس قريت الكلام ده هنا
اللي عايز أقوله ان دي طبيعة تصميم المحرك والكاتينه الجنزير مش السبب الوحيد لصوته العالي
ادي الاعضاء ردو عليك
انا معايا اوتوماتك
بس نسب تخفيض الجير بوكس كان سبعاوي كاتبها بس مش فاكر فين
حد بقي يدور ربنا يكرمكو
عاده فى الصنى سرعه 100 على الغيار الخامس منيوال طبعا بيكون 2500 rpm وعلى سرعه 120 بيكون 3000 rpmاقتباس:
المشاركة الأصلية كتبت بواسطة q8_funky
لو عندك غير كده يبقى فيه حاجه مش صح - راجع التوكيل وخليهم يزبطوا الموتورعلى الكمبيوتر وشوف برضه الضفيره ممكن تسبب مشاكل من النوع ده وصمم انهم يحلوا المشكله مش مجرد هى كده وخلاص وصدقنى حتوصل للارقام دى لما تزبط الدنيا عندك
بالتوفيق
وكمان عزل الموتور عن الكابينة
دا برضو عامل اساسى
هو حكاية الجنزير دى مش اوى لان عندى جنزير و الصوت مش عالى
انما مشكله مشابهه حدثت لصاحبى و معه صنى ايضا و بنفس عدد لفات الموتور التى عندك
و اكتشف انه كان مشغل الاوفر دريف
شيك برضه و جرب
مش هاتخسر حاجه
بس هو الزميل العزيز معاه صني بناقل حركة عادة مش اوتوماتيك.. فلا وجود للاوفر درايف او سويتش هنا.اقتباس:
المشاركة الأصلية كتبت بواسطة mtak
تأكد من عدد لفات الموتور على النقلة الخامسة وعلى سرعة 100كم/س مع تثبيت رجلك (بدون تسارع)
ومعلش برضة تأكد ان العربية فراملها مش قافشة (سيب العربية ممورة ونزل فرامل اليد وانت مهدي اوي كده شوفها بتهدي طبيعي ولا بتقف اسرع بكتير من الطبيعي)
اقتباس:
المشاركة الأصلية كتبت بواسطة ahmadalaaeldin
:shyy:اعتذر بشدة
ماخدتش بالى من الحكاية دى
اصل اول ما سمعت الصوت العلالى عند 100 نطت مشكلة زميلى على الكيبورد :B4_444:
السلام عليكم
لا علاقه بارتفاع صوت المحرك فى الصنى بالكاتينه الجنزير تمامااااا
والاثبات انه فى كثير من السيارات الحديثه يوجد كتينه جنزير ولا يوجد مشكله الصوت العالى
مثال
تيوتا كرولا كتينه جنزير
تيوتا يارس كتينه جنزير
كيا سيراتو كتينه جنزير
هوندا كتينه جنزير
فهذه الصوت العالى ناتج عن تصميم المحرك ذاته
واكثر دليل ايضا ان نيسان تيدا يعنى نيسان برضه كتينه جنزير ولكن مع اختلاف التصميمات
وارجوا ان اكون اوضحت الفكره
أتفق معك فى كلامك
شكرا جزيلا لكم جميعا ..
بخصوص الصوت, صوت محرك الصني فعلا مرتفع و الموضوع كما أوضح البعض له علاقة بتصميم المحرك نفسه و الدليل سيارات تويوتا مثلا مشهورة بالصوت المنخفض جدا للمحرك لكن بشكل عام الصوت مش مشكلة بالنسبة لي ..
أما بخصوص المشكلة الرئيسية, راجعت الموضوع أكتر من مرة مع ملاحظة دقيقة لكل شئ .. و النتيجة كالآتي:
عند ال100كم + التكييف = لفات الموتور تقريبا 2600-2700rpm
عند ال120 + التكييف = لفات الموتور 3100rpm
و لما كانت تجربة الأعضاء الكرام هنا أنه عند ال120 تصل لفات الموتور فعلا الى ال3000rpm في الصني فأعتقد أن الموضوع عندي طبيعي ..
لكن سبب استغرابي من الأساس هو اني استخدمت هيونداي إلانترا 2006 و تويوتا كورولا و في الحالتين لفات الموتور عند ال120 لا تتخطى ال2500rpm و بالتالي فالوضع مع الصني غريب بالمقارنة
يا جدعان الراجل بيتكلم عن نسب التخفيضاقتباس:
المشاركة الأصلية كتبت بواسطة q8_funky
حد غيري قري الموضوع او المشاركه اللي سبعاوي كان كاتبها في الموضوع ده؟
مشاركات سبعاوي كتيره قوي قوي و انا فاكر اني قريت واحده ليه كان بيتكلم عن نسب تخفيض الجير في الصني
طبعا العضو q8_funky لسه منورنا جديد و ممكن ميكونش قري المشاركه دي لسبعاوي في وقتها
الظاهر الواحد لازم يتفرغ و يعمل موضوع تجميعي مميز زي الاخوه في قسم بروتون
أنا يا جماعة بحس إن إللي بيزود الإحساس بموضوع الصوت دة إن عزل الصني مش كويس أوي ذي العربيات التانية في نفس الفئة و دي من نقط ضعف العربية دي من وجهة نظري
آدى اللنك يا با شااقتباس:
المشاركة الأصلية كتبت بواسطة amir
http://www.nilemotors.net/Nile/672-a.html
شكرا الف شكر
و ده كلام الخلاصة للمهندس سبعاوى
"الخامس فى السيارات اليدوية بيكون النقلة الوحيدة اللى الفتيس مش بيخفض فيها سرعة المحرك لكن بيعليها ، يعنى مثلا ممكن تلاقى نسب تخفيض الفتيس اليدوى كالآتى: الأول 1 الى 4 يعنى كل ما الموتور يلف اربع لفات عمود خرج الفتيس يلف لفة واحدة، التانى 1 الى 3 مثلا، الثالت 1 الى 1.5 ، الرابع 1 الى 1 لكن الخامس مثلا بيكون 1.25 الى واحد يعنى خرج الفتيس يلف اسرع من الموتور ، ونفس الحال بالنسبة للرابع بتاع الفتيس الأوتوماتيك"
بس مش عارف برضه د امير يقصد ايه من الكلام ده!!
ان العضو او الاعضاء بيتكلمو عن الفتيس و الجير بوكس و سر الصوتاقتباس:
المشاركة الأصلية كتبت بواسطة ahmediak
و مشاركه سبعاوي كانت بتتكلم عن نسب التخفيض
فهل ده سبب كون الماتور صوته عالي علي السرعات العاليه؟
مش عارف يا باشا انت بتجاوب و لا بتسال بس انا برده معاك على الخطاقتباس:
المشاركة الأصلية كتبت بواسطة amir
بصراحه ربنا انا دماغي شتت من المواضيع المنفصله المتعددهاقتباس:
المشاركة الأصلية كتبت بواسطة ahmediak
زائد اني لسه كنت هرد في موضوعي شهاده لله
انا اسف لو لخبطت حد
الظاهر الواحد لازم يتفرغ و يعمل موضوع تجميعي مميز زي الاخوه في قسم بروتون[/quote]
يا ريت والله تبق عملت جميلة مش هننساها لك
يا ريت والله تبقى عملت فينا جميلة مش هننساها لكاقتباس:
المشاركة الأصلية كتبت بواسطة amir
الموضوع ليس له صله ان الفتيس اوتوماتيك او عادى
فى الحالتين نسب التخفيض فى اخر سرعه اقل من الواحد الصحيح
ففى السرعه الثالثه فى الاتوماتيك يكون نبسه التخفيض 1 الى 1
وفى السرعه الرابعه فى الفتيس الاوتوماتيك يكون نسبه التخفيض 1 الى واحد ايضا
والنقله التاليه فى كلا الفتيسين يكون نسبه التخفيض اقل من الواحد
ولكن الفرق بين الفتيس الاوتوماتيك والعادى ان فى حاله الفتيس العادى عدد نسب التخفيض اى عدد متغيرتها اكثر من الفتيس الاوتوماتيك فيوؤدى ذلك لعدم احتياج السائق لارتفاع عدد لفات الموتور زياده لملائمه ظروف الطريق وهذا هوا السبب الرئيسى فى ان الفتيس الاوتوماتيك يستهلك بنزين اكثر قليللا من الفتيس المانيوال
وهذه النسب غاالبا هى نفس النسب فى جميع السياراااااااااااااااات ما عدا على ما اعتقد ان تيوتا 2010 المانيوال جعلوا نسب التخفيض فى الفتيس المانيوال 6 نسب تخفيض اى ست نقلات وهذا سيفيد قليلا فى تحكم السائق اكثر فى متغيرات الطريق واختيار النقله المناسبه تماما للظروف والطريق وسيقلل من ارتفاع سرعه دوران المحرك مما يعود على تقلييل استهلاك البنزين قليلا
لكن ارتفاع صوت الصنى من وجهه نظرى ليس الا لسببين رئيسيين
السبب الاول هوا تصميم المحرك واقصد هنا بالتصميم هوا طول مشوار البستم قليلا عن اغلب السيارات
والسبب الثانى هوا التصميم الايروديناميكى للسياره الذى يجعلها بعد سرعه ال 100 كلم يحدث صوت حفيف للهوا من اسفل السياره بالاضافه لسوء العزل
وشكرا