-
هل من مقترحات
الحمد لله رب العالمين انا بقالي حوالي 8 سنين بسوق و الحمد لله بردوا سواقتي لابأس بها بشاهدة الناس اللي بتركب معايا بغض النظر عن راي ابويا و امي في سواقتي :whtauwant:
المهم بالنسبه للحودث طبعا قدر الله و ماشاء فعل بس بقالي سنيتين من ساعة ماجبت العربيه اللي معايا دلوقتي وجود ظاهره غريبه و ابتديت في التزايد في اخر 6 شهور و هيا اني بسرح وانا سايق بس الحمد لله وانا سايق بطئ بمعني و الطريق واقف بنفضل كل شويه نمشي 2 متر و نقف و نمشي تاني و نقف المهم كذا مره اخبط في اللي قدامي بقي و علي حسب كل خبطه ارخم من اللي قبلها
مره كنت راجع من اسماعليه بليل و واقف قدام سوق العبور و كنت مصدع اخر حاجه و الزجاج الامامي بتوسخ مطرح الذباب و الحشرات الطائره اللي في الطريق فقولت امسحه بالمساحات و نسيت اني ماشي بالعربيه علي الاول دخلت في عربيه نص نقل و العربيه اتشلفطط الصراحه و عملتها المهم اريد حل للموضوع ده بقي علشان انا اتخنقت منه جدا و الاحساس بالذنب و تانيب الضمير بيأرقني بحس اني مهمل في النعمه اللي ربنا ادهالي
انا طبيعة شغلي 70% سواقه علشان المواقع في اماكن خارج القاهره بس باجي علي بليل و تقفل علي الاخر بقي من كتر التعب و الوقفه في الشمس و كده
عايز حل للموضوع ده علشان انا تعبت اوي فكرت اركب سنسور امامي (بس من غير تريقه لو سمحتوا) قولت علشان لما اسرح دا ينبهني بالمسافه اللي بيني و بين اللي قدامي قربت مش عارف هل دا حل و في حد عنده مقترحات اخري :shyy:
و جزاكم الله كل خير و معلش اني طولت عليكوا شويه
و اليكم صوره العربيه بعد الحوادث الكتير دي هما 4 صحيح منظرها صعب اوي
http://img139.imageshack.us/img139/7923/dsc00623q.jpg
-
تصدق فكره ممتازه موضوع السينسور الامامي
و العربيه زي الفل في الصوره
عموما حاول تقلل من عدد ساعات العمل او يكون معاك حد عشان تبدلوا في موضوع السواقه ده
و ربنا يعينك و يستر طريقك
-
لا و لا تريقة و لا حاجة
دة السيراتو الجديدة اسمع ان فيها سنسور امامي
-
-
ولا تريقة ولا حاجة حاول تنام فترة كافية ولما تلاقى نفسك مجهد يامتسوقش ياتشرب اى منبهات لان الاجهاد طبعا وقلة النوم هو اللى بيسبب كدة وموضوع السينسور دة عادى جدا انا ركبت مرسيدس كانت كلها سينسور من برة بس العربية لما تسرح وتقرب بسرعتها من اللى قدامها بتهدى وساعات بتقف لوحدها
-
نفس الموضوع ده بيحصل معايا ساعات
-
فكرة كويسة بتاع السنسور وياريت تبدا في التنفيذ:brn::36_1_50[1]::S_thum1[1]:
-
شكرا لكل الردود ياشباب
انا فعلا ان شاء الله هابتدي انفذ في موضوع السينسور دا علشان انا مضايق اوي كل شويه اخبط العربيه
ثانيا بالنسبه لموضوع النوم اليوم بيبقي مشحون اوي فعلا و مش بقدر انام اكتر من كده
بالنسبه للمنبهات بشرب الشاي بدل الميه و قليل لما بعطر في واحد بيعرف يعمل نسكافيه مظبوط
ربنا يستر طريقنا جميعا ياشباب
-
الموضوع صعب فعلا مع قلة التركيز وشدة الزحام
والسينسور الأمامي حيخنقك وحتلغيه بعد فترة لذا فالحل الأمثل هو محاولة التركيز باستمرار وتحاشي هذه النوعية من الأخطاء لاسيما لو العربية أتوماتيك حتلاقي نفسك كل شوية ممكن تريح على اللي قدامك
ربنا ييسر الحال الشوارع فعلا بقت مشكلة
-
احترس من فضلك .. السيارة لا ترجع الي الخلف
Content Relevant URLs by
vBSEO 3.6.0 PL2