الماسورة اللى فى الموتور من ورا واللى خارج منها خراطيم كاوتش لتكييف السخن وهى بلاستيك لقيتها اليوم بتجيب نقط ميه مع الحرارة ممكن لحامها بديفكون ولا لازم تتغير وبتعمل كام دى
عرض للطباعة
الماسورة اللى فى الموتور من ورا واللى خارج منها خراطيم كاوتش لتكييف السخن وهى بلاستيك لقيتها اليوم بتجيب نقط ميه مع الحرارة ممكن لحامها بديفكون ولا لازم تتغير وبتعمل كام دى
لو قصدك علي الماسوره بتاعه شجره الميه فدي مابتتغيرش جديده ..هاتدور عليها استعمال الخارج ,بس جرب موضوع اللحام ده اول في حاجه جديده اسمها عجينه السباك ,عباره عن مادتين برده بيتعجنوا مع بعض بس ماشاء الله عليها جربتها في عربيه واحد صاحبي مليت بيها طبه في وش السلندر وبتتحمل الحراره العاليه انما الديفكون ده راحت عليه واتغش ,جرب وادعيلي
بزبط زي ما قال فادي حضرتك جيب الماسورتين دول وحتبقى حجر
وحتنساها
تمام يا فادي
جيبت انبوبتين اسود وابيض abro وبيتخلطو هما دول وعلى فكرة مكتوب عليها صناع امريكي هى دى انا لسة ماحططهاش الصبح ان شاء الله
لا مش هما دول التانيه صباع عامل زي التين الصلصال كده .مايهمش هقولك علي حاجه حلوه , اختبر قوه الانبوبتين اللي انت شريتهم عندك في البيت علي كذا خامه (اي حاجه قديمه في البيت بلاستيك او فيبر ) لو صلابته عجبتك توكل علي الله ولو مااقتنعتش بيه اسال علي العجينه دي عند بتوع الحدايد والبويات .
عارفهم انا كنت لاحم وش سلندر بتاع النتيسان لما صباب كسر مكانه و لغاية دلوقتى مشيه بيه
وانا كنت بلحم بيهم الفتيس بتاع عربيتي القديمة كانت سكودا فيلشيا والفتيس بتعها معروف انه واطي جدا عن العربية فبيتخبط على طول كنت بلحمة بالامبوبتين دول وعلى فكرة لحام جامد اخر حاجة بس لازم تنشف مكانه كويس وتسيبه لحد لما يمسك جامد سيبه يوم كده اضمن لانه بيمسك من بره وممكن يكون لسه منشفش من جوه وربنا معاك ياباشا وسلامي للجميع.
هقولك على طريقة اسهل
تجيب الحتة اللى فيها الخرم دى
و تطلع البيت
تجيب سكينة قديمة و تسخنها على النار لحد ما تحمر و تمس بالحتة اللى فى السكينة السخنة بالجنب كدة الحتة المكشروخة فى الشجرة و تفضل تمسحها و تفرد من الحتة اللى جنبها " يعنى بالبلدى تليسها " و بعدين حط عليها زيادة امان الانبوبتين
كدة يبقى انت جبت من الاخر
سيحت البلاستيك و سد الفتحة و كملت علية بالانبوبتين
و شكرا
فكره مش بطاله
جبت عجينة السباك اللى قال عليها فادى بصراحة ملهاش حل زى ماتكون زودت سماكة الماسورة المفوض انى كنت لغيت المية السخنة اللى داخلة على سربنتينة التكييف الميكانيكي طبب الدخول والخروج معجبنيش الكلام ده جيت من نفسى جبت ماسورة نص بوصة ركبتها فى النص بين خرطومين الدخول والخروج عورت نفسى واحتست جبت الميكانيكي وهو بيركب الماسورة كسر الماسورة الرفيعة اللى جاية من ماستر الفرامل لالشجرة اللى فى الموتور تقريبا بوابات الهوا المهم اللفندى فكها وشال الحتة المكسورة ولحمها بس مش عاجبنى الكلام ده ... وصلت الدخول والخروج عشان سريان المية فى الموتور