ياااااااااااااا جماعه انا بجد محتار بين الدايو نوبيرا والبيجو 405 يا ريت تفيدونى يا اهل الخبره:ask:
عرض للطباعة
ياااااااااااااا جماعه انا بجد محتار بين الدايو نوبيرا والبيجو 405 يا ريت تفيدونى يا اهل الخبره:ask:
ده حيتوقف على احتياجك من العربية
انا حتكلم عن ال 405 لانها معايا
ال 405 عربيه قوية بمعنى الكلمة
موتور من اطول المواتير عمرا
و عفشة تتحمل السير على اى نوع من الطرق (مطبات - مدقات صحراوية- طرق مدغدغة)(على فكرة انا بستخدمها كاننى راكب نص نقل)
واسعة جدا من الداخل-بالاضافة للاتساع الرهيب للشنطة (مش بقولك نص نقل)
عالية عن الارض متحكش معاك فى المطبات
ثابتة على السرعات العالية (غرز على 140 وملفات شرحه ) انا على العموم العربية مجربتهاش اكتر من 160 بس لحد السرعة دى العربية ثابتة
التكييف:جيد جدا (مش زى اليبانى و الكورى بس انا عندى تلاجة مبقدرش اجيب اخر درجة فيه)
الموتور :صوته اعلى من العربيات اليبانى و الكورى (كاربيراتير)
مدى الغيارات:احد مزايا 405 التانى ممكن تجيب بيه 100(لكن انا بمشى بيه على 70 علشان صوت العربية ميعلاش)
السحب وتجميع السرعات:سحبها ممتاز تجميعا برده كويس (لكن اعتقد النوبيرا تتفوق فى النقطة دى علشان كده باسالك انت عايز اية من العربية)
ال 405 والبيجو عامة محتاج اهتمام و ومراعاة و متابعة وانت تاخد منة احسن شغل ( العربية بعمل بيها فى الشهر 2500-4000 ك حسب الظروف وبامشى بيها فى طرق ميعلم بيها الا الله لكن العربية الحمد للة عمرها مخذلتنى
من ناحية اخرى النوبيرا عربية مدينة وطرق سريعه ممتازة فهى انعم من 405 و التكييف (اعتقد انه افضل)
وبردة اصحاب النوبيرا يفييدوك اكتر
وانا تحت امرك فى اى استفسار
واما عن النوبيرا مميزات وعيوب ....
اولا :- المميزات
1- ثبات العربيه ممتاز
2- موتور قوى وسريع التجميع
3- صالون واسع جدا وشكله شيك
4-قطع الغيار رخيصه ومتوفره .
5- اعادة البيع ممتازه ( المانيوال )
6- سهلة الصيانه كل الميكانييكيه عرفينها .
7- شنطة العربيه كبيره جدا .
العيوب
1- عفشه ضعيف تحتاج لصيانه كثير وخصوصا جلب المقصات .
2- واطيه شوايه على الارض .
3- الموتور قوى ولكن غير معمر مقارنه بالبيجو .
4- قطع الغيار غير معمره .
ياباشا ربنا يخليك على الرد المستفيض السريع اكيد البيجو هيا التوب واعتماديه لكن فكره قطع الغيار توافرها وسعرها عندى فيصل وكمان استهلاك البنزين
انتا عارف ظروفنا فمصر طبعا
انا بالمناسبه من الزقازيق مش عارف قطع الغيار ظروفها ايه
وكمان عايز استفسر انهو موديل افضل فال405 واسعاره ايه
معلش دوشتك بالاسئله
تحياتى
ياباشا انا مش عارف اقولك ايه والله النوبيرا معروفه بس انا سمعت مقوله انو الكورى منها احسن من المصرى يعنى لحد 2003يعنى الحاجه التانيه انها واطيه بس ممكن تعليتها بالطباق الجلد لو حيحصل تعليه هيأثر على الثبات ولا لا
شكر يا احمد باشا على الرد وربنا ما يحرمنا منكم
تقبل نحياتى واحترامى
اخوك
د.محمد
أنا رايه النوبيرا أفضل عربية حلوة ثبات واسع داخلي مطور جامد تكيف جامد امكنيات حلوة قطع غيار رخيصة وعند أي حد وشكل حديث إلى حد ما بس كده
ال 405 من رأيي وبالذات لو موديل قريب 2004 2005
البيجو عربية محترمة جدا
طيب يا جماعه نوبيرا 2002 او 2003 حالتها حلوه طبعا مانيوال تعملها كام
وانا سمعت انه هيعاد تصنيعها صحيح الكلام ده ولا لا
البيجو الاسد الفرنسى طبعا لا يعلى عليه ولكن قطع غياره نار مولعة واعادة بيعه تقيل شوية ده بالنسبة لل 405
اما النوبيرا وده عن تجربة 4 سنوات نمرة واحد فى كل حاجة ما عدا العفشة وسير التقسيمة ودول ممكن التغلب عليهم لما تبوظ العفشة ركب عفشة اعتمادية هتكون غالية شوية لكن هتعيش معاك كتير وبالنسبة لسير التقسيمة هات السير الاصلى
وغيره فى ميعاده اول بأول ده غير انها مطلوبة بشدة فى سوق المستعمل وبيعها سريع جدا وعن تجربة
وربنا يوفقك
............................
محمود عينو
لو في حل لموضوع العفشه يبقي نوبيرا
يا جماعه تسلموا جميعا وربنا مايحرمنا منكم ولا من مساعدتكم رجاله المنتدى وقت الزنقه موجودين والله انا حبيت المنتدى ده بسبب جدعنت الرجاله الى فيه انا اقتنعت بكلامكم انا ان شاء الله هجيب النوبيرا لان الفيصل عندى قطع الغيار واعاده البيع يعنى لو حبيت ابيع الاقى الشارى
البيجو حلوه بس قطعها زى الشباب مابيقولوا غاليه اضافع الى بيعها تقيل فمايناسبنيش لكن يسلموا الشباب على النصيحه
الطلب الاخير يارجاله لو عندكوا حد قدامه نوبيرا حلوه ياريت يبعتلى رساااااااااااااااله ياريت ياجماعه
شكرا جزيلا على المساعده:8_8_13::B4_388::satelite::S_thum1[1]:
بالمناسبه انا بحتج هههههههههههههههههه
بقالى سنه مشترك ولسه عضو جديد امتى يا جدعان اكون حتى عضو بس بلاش دهبى خلوها فضى انا مش طمعان هههههههههههه
سلام
واضح انو مفيش فايده من الاحتجاج:stink[1]:
يا راجل تبقى من الشرقية بلد البيجو وتسأل تركب بيجو ولا نوبيرا
على فكرة اسعار قطع الغيار للبيجو ال 405 عندكم ارخص من عندنا فى القاهرة (بالنسبة للاستيراد)
اما بالنسبة لقطع الغيار الجديدة فهى اكيد اغلى من النوبيرا لكن اطول عمرا
بردة مرة تانية الامر راجع لاحتياجك من العربية
وربنا يوفقك للاصلح
النتا عندك حق اكيد فى ان قطع الغيار الاستيراد بتاعت لبيجو ارخص فالزقازيق من القاهره بس اغلى من النوبيرا المشكله ان فعلا سعر اعاده البيع فالبيجو صعبه فعلا
والله انا كان قدامى 405 بيضه تحفه موديل مش فاكر اوى تقريبا 94 عارفين اتباعت بكام 32الف ولما سألت عن سبب رخصها قالولى قطع الغيار ورغم كده انا كنت محتار وقلت اكلم الشباب الى انا اثق فيهم فالمنتدى وتقريبا وصلولى نفس المعلومه انتا عارف ظروفنا كشباب الدخل وانتا عارف التكمله فانا عايز حاجه متغلبنيش فتصليح ولو حبيت ابيع الاقى مشترى ومخصرش كتير وفى نفس الوقت تكون عربيه واسعه تكفى اسرتى لاننا والحمد لله 5 دلوقتى اتجوزت بدرى بقا 00000جوزونى:stink[1]: ههههههههههههه الحمد لله
شاكر على الرد
بالمناسبه عمرى 32 سنه اتخطفت بدرى يا رجااااااله قصدى اتجوزت بدرى والحمد لله انتو عارفين سلو الشراقوه
عملت ايه يا ترى جبت ايه
أنا رأيي البيجو طبعا أحسن خصوصا لو حالتها كويسة ... أنا كنت ركبت عربية صاحبي نوبيرا بس مشينا بيها قليل ومش بسرعة إنما طبعا من ناحية الوسع البيجو اوسع بكتير والتابلوه في البيجو اشيك كتير وخاماته أنضف بكتير قوي (احنا عربيتنا 405 موديل 98 اللي هي التابلوه الشكل الجديد عشان فيه شكل قديم كده تعبان الصراحة )
و بنسبة للثبات مفيش مقارنة طبعا البيجو أحسن هو أنا زي ما قلت مامشيناش بالعربية بتاعته كتير بس صحابنا اللي ركبه معاه قالوا لي إن العربية خفيفة قوي وثباتها وحش إنما أما ركبه معايا قالوا لي ما شاء الله عالثبات وغير كده إذا كانت ال 405 والبيجو معروفة بثباتها اللي أحسن من عربيات تانية ياباني وكوري وانا نفسي جايب بيها 200 وكانت ما شاء الله زي الفل وباخد بيها ملفات كتير وجامدة على 170 و العجل مبيعملش صوت حتى مع إن راكب فيها نسر يعني ثباته ضايع يبقى إزاي الناس اللي بتقول النوبيرا اثبت !!!
وغير الثبات في الشوية اللي مشيتهم معاه حسيت طبعا بفرق كبير في العفشة لصالح البيجو وعشان كده متأكد إن كلام صحابي صح بنسبة للثبات
والصاج طبعا ال 405 صاجها أنشف كتير
هي النوبيرا ممكن فعلا هتبقى أحسن في السحب وهدوء صوت الموتور لإن فعلا موتور ال 405 صوته عالي إنما غير كده أنا شايف ال 405 أحسن كتير يعني
هو أنا مع حضرتك في إن النوبيرا شكلها أحدث بس أنا بحس إن البيجو لو متحافظ عليها كويس من بره وشكلها زي الجديدة بيبقى شكلها اشيك ... أنا عارف إن فيه ناس كتير ممكن تختلف معايا في ده بس ده رأيي ...
يعني أنا بحس لو راجل لابس بدلة راكب النوبيرا أو راكب ال 405 (زي ما قلت مع افتراض الحالة الكويسه من بره ) بحس هيبقى شكله اشيك في ال 405 ومعروف إن العربيات الفرنساوي طول عمرها شيك وبنت ناس :cool (1):
وزي ما قلت ده رأيي وممكن ناس تختلف معايا فيه :patch2:
السلام عليكم
يا ريت حد يفيدنى ياجماعة بيجو 405 موديل 98 بحالة ممتازة سعرها كام
البيجو ما شاء الله اسد فرنسي بس ابعد عن الايراني
معايا نوبيرا ٢٠٠٢ و من انصارها بشدة ، لو تناسينا طبعا جلب المقصات
الموضوع اتكتب سنه 2010
فات 7 سنين على الموضوع
اعتقد حاليا سنه 2017 النوبيرا تكسب البيجو 405
والدليل على كلامى سعر اعاده البيع
حلو فالمنتدى ان الواحد يقدر يرجع لورا ويشوف مواضيع قديمه ويقرا احنا بنفكر ازاى ونقارنه بالواقع
هو دا التاريخ
ال405 بتلعب من 50 ل80 الف
النوبيرا بتلعب من 70 ل 110
النوبيرا اسهل فالبيع عن ال405