ما معدل استهلاك الكارينز للبنزين اصل فى ناس بتقول ان الموتور 1600 صغير على الباضى وان العربيه دى بتنزل بره 2400 سى سى فا كل لما الموتور يكون صغير على الباضى تستهلك بنزين كتير ارجو الافاده صرورى
عرض للطباعة
ما معدل استهلاك الكارينز للبنزين اصل فى ناس بتقول ان الموتور 1600 صغير على الباضى وان العربيه دى بتنزل بره 2400 سى سى فا كل لما الموتور يكون صغير على الباضى تستهلك بنزين كتير ارجو الافاده صرورى
معدل الاستهلاك ياباشا فى الاتوماتيك من 9 الى 10 كيلو تقريبا فى اللتر ودة داخل البلد بس لسة ماسفرتش بيها ولما اسافر هبقى احسب اما بالنسبة للمانيول فا توجد مشاركة من الاخ خالد بيقول انها 12 داخل البلد و 15 على الطريق السريع
يا ريت باقى ملاك العربية تفيدنا فل النقطة دى
استهلاك البنزين لكيا كارنيز الاتوماتك بيدور حول 10 كم / لتر ............. بيزيد شوية ليصل 11 - 11.50 كم / لتر واو يقل شوية ليصل 8.5 كم / لتر .
جوه البلد مينفعش تتحسب لأن كل واحد سواقته و طريقه و ظروف الزحمه معاه مختلفه ... يعنى انا مشوارى قصير (6-8 كيلو) بس كله شوارع داخليه و تقاطعات فبالتالى استهلاكى ممكن يزيد عن حد مشواره 20-30 كيلو نصهم ماشى مبيقفش ...
انا جوه البلد بعمل 8-9 كيلو فى اللتر (160-180 فى الصفيحه) العربيه اوتوماتيك
على طريق السفر لو ماشى 90-110 على طريق مفيهوش مطالع و الهوا مش شديد بتعمل 13-14 كيلو فى اللتر (260-280 فى الصفيحه) و ده مع التكييف (التكييف مبيزودش استهلاك على الطريق الطوالى خالص)
لو زودت (انا جربت 140-160) على طريق الغردقه الاستهلاك ما زادش كتير عمل حوالى 12 كيلو فى اللتر (240 فى الصفيحه) مع التكييف برضه
لو طريق زى طريق طابا-نويبع الاستهلاك هيزيد قوى لأن العربيه فى المطالع بتسحب جامد و لو فى هوا شديد فى وشك نفس الكلام (يعنى رايح الغردقه بتعمل 240-260 فى الصفيحه و انت راجع الهوا بيكون فى المواجهه ممكن تعمل 180-200 فى الصفيحه لو هتمشى على 140-160 لو ماشى اخرك 120 الاستهلاك هيكون افضل شويه)
على فكره ظبط الكاوتش بيفرق جامد فى الاستهلاك برضه و ده عن تجربه
الخلاصه ... العربيه استهلاكها مش وحش بالنسبه لوزنها و تصميمها ... طبعا متقارنهاش بعربيه سيدان صغيره يعنى استهلاك السيينا 1600 عندى مختلف تماما و المقارنه هتكون مش مظبوطه لو قلت ان الكارينز استهلاكها وحش عشان السيينا بتوفر عنها
شكرا على الردود على سوأل استهلاك البنزين للكارينز ... انا عجبانى العربية فخامة و وسع و شكل بس معرفش عنها من ناحية الاستخدام يعنى هل هى سيارة عملية و اعتمادية؟؟ و هل ليها اعطال معروفة و ايه عيوبها
طبعا سمعت كتير ان البودى تقيل الى حدما على موتور 1600 بس دى مش مشكلة معايا ان بس يهمنى تكون سيارة عملببببة .. !!