انا مقبل على شراء فكترا 94 كاملة اوتوماتك 2000cc معدل البنزين ايه و الضريبة كام .واية رأيكم فى الموديل ده ولو اى حد عنده معلومة تفيد عن الصيانة والعيوب اكون شاكر جدا .
عرض للطباعة
انا مقبل على شراء فكترا 94 كاملة اوتوماتك 2000cc معدل البنزين ايه و الضريبة كام .واية رأيكم فى الموديل ده ولو اى حد عنده معلومة تفيد عن الصيانة والعيوب اكون شاكر جدا .
السلام عليكم و رحمه الله و بركاته
التجديد لسة عاملة النهاردة 24/3/2010
الضريبة عندى موديل 1996 & 2000 سى سى اتوماتيك هى 414 جنية
و بالنسبة لموديل 1994 هيكون 314 جنية لان السنة العربية نتقل 50 جنية بالظبط
استهلاك البنزين فى وسط البلد 160 : 180 كم
و على الطريق من 200 : 220 كم بدون تكييف
الحرارة عادى جدا من 90 : 92 : 95 درجة اوعى تتخض منها دة الطبيعى مع 2000 سى سى
العربية جميلة جدا و تحفة على الطريق و قمة الثبات
انا اخر مرة كنا ماشين بيها 190 كم على طريق الكريميات الشرقى الصحراوى و كانت قمة الثبات
اسعار قطع الغيار ببلاش
و اى خدمة يا برنس
الحاجة المهمة استلم التكييف كويس و شغال & الماف كويس و مبيقطعش & العفشة كويسة
و بعد كدة دوس و لا يهمك
سلام
طيب انا اقول ايه يا محمد يا هلالى و هل بعدك قولك قول
استلم العربية و لو عايز امان اكتر اوصل لغاية مقار و يعملك تقرير بكل مسمار فيها
هههههههههههههه
دايما اضافاتك فى الجون يا طنانى
لانى طبعا فى الصعيد عندنا مفيش توكيل مقار
التوكيل الوحيد اللى عندنا بتاع بسكو مصر
و اعتقد مش هيعرفوا يكشوا عليها هناك . و لو حصل و كشفوا عليها هيقولوا كلام فى الكلتش " العربية مفرولة - العربية زى السكر - يعنى اى كلام "
الحاجة التانية اللى اكتشفتها النهاردة فى الاوبل
طالما ماشية بلاش تتفزلك فيها و خليها ماشية و لا تفك و لا تنضف خليها ببركة الرحمن
نوماندى تو
و شكرا
اشكركم شكر جزيل لكن ماهو الماف .وجزاكم الله خير
منظم هوا العربية و اشهر عيب فيها و اغلى قطعة غيار فى الموتور كله فى الأستيراد
يعنى الماف اسعاره كام تقريبا
ماهو سعرالسيارة فكترا 94 كاملة اوتوماتك 2000cc الان؟
و شكرا
استيراد من 500-700