شكرا" لذوقك أستاذ محمود ربنا يبارك فيك
عرض للطباعة
الصراحه يا أستاذ أحمد .. مش عارف أشكرك إزاى على المعلومات المفيده اللى بتقدمهالنا
مليون شكر .. مش هيكفوا
أنا هكملك أخر المستجدات اللى حصلت
بص يا باشا ... أنا امبارح رحت جبت 4 بوجيهات لانسر أصلى .. من محمد جابر . .فى شارع دمشق .. ب 85 جنيه
و رحت للمركز .. و غيرتهم .. و غيرت فلتر البنزين و فلتر الهواء.
و قلت أغير زيت .. و لكن المفاحأة ..إنى ببص ع الموتر كويس لاقيته منشع زيت حواليه (من ناحيه الشمال .. و أنا واقف قدام العربيه) .. و قست الزيت .. لاقيت مفيش زيت خالص !!! ..( أنا للأسف مش بخرج بالعربيه الصبح لأانى بستسهل المترو إنى أروح الشغل بيه .. و بخرج بالعربيه بالليل و مش كل يوم .. و العربيه راكنها فى جراج .. يعنى مكنتش بتابع الموتور بالنظر الفترة اللى فاتت .. بس أخر مرة قست فيها الزيت كان من 3 أسابيع .. و كان تمام )
المهم .. الراجل قالى إنت لازم تروح لميكانيكى .. يشوف حكايه الزيت ده .. و ممكن يكون الجوانات .. أو الأولسيه !!
و قالى أنا هزودلك زيت رخيص .. 3 ألاف .. لحد ما تشوف العربيه فيها إيه .. و زود تقريبا 2.5 لتر أو 3 .. لحد ما العلامه جت ع الـMax
شكله كده الموتر مصمم إنه يتفتح :untitled 1: .. و لكن المشكله إنى ماديا مش جاهز الفترة دى .. إلا بعد شهر تقريبا ..
و عايز أسألك .. فى ميكانيكى نظبف .. بيفهم .. أروحله .. علشان يعرف يفك و يركب صح .. و ميعمليش مشكله بعد كده
و يا ريت لو فى كذا واحد قلى عليهم .. علشان أشوف الأقرب ليا .. للمتابعه و كده :16:
و فى حاجه كمان .. و انت بتتكلم عن التليين ذكرت عداد الـRPM .. و لكن العربيه عندى مفيهاش RPM .. أنا ممكن أجيب عداد خارجى صغير ؟؟ و أركبه فوق التابلوه على الجنب الشمال كده ؟؟؟ ينفع يعنى ؟
و ربنا يسترها .. إن شاء الله
دلوقتي لما روحت امبارح اول ماوقف العربية الاقي شوية مية صغيرين بيقعدو ينقطو من عند جوان وش السلندر مش جوان التاكيهات ومتاكد ان هي ميه
مع العلم اني من يومين روحت قرطت عالوش لان كان في تسريب زيت
ملحوظة كمان وانا بعمل جوان الوش الراجل ودي الوش للخراط ولما جه يجيب الجوان جاب جوانين وحطهم من غير لزق خالص لا سيلكون ولا جملكة
قلتلو مش هتحط حاجة عالجوان قاللي لا كده صح
فمعرفش هل هو لما قرط كسر جوان او جرح فيه او لما محطش مادة لازقة زي الجملكة او السليكون حصل تسريب
للعلم التسريب بيكون يجي 5 دقائق بعد ماتقف ويجي كباية مية والغريب ان ميه الرداتير مابينقصوش
روحت النهارده للميكانيكي من 10 الصبح وركنت العربية قدام ورشتة علشان تبرد لانو هيشتغل في وش السلندر وقعدت اتمشي في روكس وصليت الجمعة
وبدانا المعمعة .......روحنا فتحنا غطاء التاكيهات وقاللي هاقرط عالوش لو جاب معايا يبقي عايز يتقرط عليه ولو ماجابش هنفك الوش ونبص عالجوان
المهم جه يقرط الوش جاب معاه فقرطنا وقفلنا قاللي دور ندور ونبطل نلاقي الميه برضو بتنقط
المهم قاللي المية دي جاية من طبة بتكون 3 طبات ورا الفرن ويبقي ارفعلكو الصور
المهم روحنا لخراط في الزيتون بيعملهم وجبت الواحدة ب 10 جنية وركبناهم وبيكونو 4 طبات 3 ورا وش الفرن وواحدة ورا الفلام ...اللي هي ..الاسطوانة والديسسك
المهم غيرنا 3 بس اللي ورا الفرن وقفلنا وحطينا ميه خضرة ودور ياعم
نلاقي برضو ميه طبعا انا قعدت اعترض بطريقة مينفعش اقولها هنا
لقيت الميكانيكي جاب كشاف ودخل جوه الموتور قاللي المية مش جاية من الوش المية جايه من الطبة اللي ورا الفتيس
تييييييييييييييييت
طبعا حل الفتيس وبعد ماحل لقينا الاسطوانة والديسك ضايعين
روحنا جبنا اسطوانة وديسك وبلية وسرة وطبة ب 450
المهم ركبنا الطبة والاسطوانة والديسك وزود وحط مية وكولو تمام لحد دلوقتي
والحمد لله
ولو حد عندو استفسار يقولي
ابو عبد الله
بالنسبه للعداد اللى فيه rpm ممكن تشتريه وتركبه عندك بدل القديم يا أستاذ محمد
هيركب وهيشتغل على طول بدون أى تعديل ولا أضافه
محتاج حل عاجل
فاكرين لما قولتلكم ان عربيتي الويرا بتسقف خفيف واني شاكك في اسلاك البوجيهات انها سيئه
دلوقت موبينة الويرا بتاعتي باظت وفصلت الشراره عن البوجيه رقم 2 دلوقت العربيه بتلت
رحت لميكانيكي شاطر قالي اسلاك البوجيهات السيئه تسببت في خراب الموبينه نتيجة الحمل الزائد ومقاومة الاسلاك الكورية سيئة الصنع يعني بدأت بالتسقيف الخفيف وانتهت بتخريب الموبينه
رحت النهارده لفيت الحرفيين حاره حاره ما لقيتش موبينه نهائيا ليها لاني كنت عايز موبينه + اسلاك بوجيهات اصليه استيراد
اللي كانت شبهها بالظبط هي موبينة الفورد بس للأسف الفيشه طلعت مختلفه
لقيتها أخيرا عند اولاد منصور في الجيزه ب 400 جنيه وبيقول الماني ( بس أكيد صيني !!!! طبعا ) من غير الاسلاك اما طقم الاسلاك الاصليه ( أمريكي ) ب 325 جنيها يعني المحموع = 725 جنيها
طبعا ما اشتريتش لان المبلغ كتير اوي عليا نفسي الاقيها استيراد بالاسلاك بتاعتها وتكون حنينه في السعر
تنصحوني أدور فين ؟؟؟؟
شكرا ليكم
أنا ساكن فى المرج يا باشا
أنا دلوقتى كل يومين كده بكشف ع الزيت .. و تقريبا فى نفس المستوى
هو بقاله 4 أيام
و كمان يا ريت تقلنا يا باشا على موضوع العدادات اللى فيها rpm .. ممكن نلاقيها فين و بكام
علشان العربيه الصراحه عجبتنى .. مع انها أول عربيه ليا .. و ناوى إن شاء الله تعمر معايا شويه :)