المميزات المادية والعينيه في رحلة البحث عن وظيفة الالفية (موضوع للمناقشة)
اعضاء المنتدى الكرااام
الموضوع بإختصار ومين غير رغي كتير إن شاء الله
كل واحد يقول هو بياخد إيه من شغله ... طبعا مش بقصد هنا إنت بتاخد كام .. عشان الحسد طبعا:3mla: ... أنا بقصد مسميات البنود اللي إنت بتستفيد منها زي مثلا- المرتب(أساسي و متغير و بدل غلاء معيشة).
- البونص السنوي (مرة أو مرتين المرتب - مرة أو مرتين في السنة)
- المكافأت (مكافأة اعارة - مكافأة تحقيق الترجيت الخ
- العيدية (مولد النبي - عيد الفطر - عيد الاضحى)
- موبايل (فاتورتك اللي بيدفعوهالك مفتوحة ولا ليمتد)
- أي حاجة زي كده
طب هتستفيد إيه من الموضوع ده:
هتعرف أنهي شركة أو منظمة تقدم فيها وإنت مطمن
طب إزّي
اقولك
إنت شغال مثلا في الشركة العربية ل إنتاج علب السمنة :36_1_1[1]:
ووظيفتك مثلا مصمم إعلانات علب السمنة
وبتاخد مرتب بس .. وبتدور على شغل بره
وعرفت إن في حد بيشتغل في شركة تانية في نفس البوزيشن بس بياخد مرتب وبونص وبدل ساعات عمل زيادة مثلا ... ساعتها كلنا هنستفيد وهنفيد بعض
طب الفكرة جت إزّي
اقولك
المنجينج ديركتور عندنا اتغير وأول لما جه قعد معانا مجموعة مجموعة عشان عددنا كبير
المهم الراجهل ده طلع مش سهل ... لما قلناله المرتبات ضعيفة
قالنا طب وأنتم عرفتوا منين ... اولناله من صحابنا اللي في شركات تانية
طبعا روحت سألت صحابي على متوسط المرتبات وال بنافيتس اللي بياخدوها لقيت حاجة تانية خالص
معلش طولت عليكوا بس عشان الموضوع يبقى واضح كل واحد هيقولينا الاتي
- اسم الشركة أو الجهة التي تعمل لديها
- انترناشونال ولا لوكال
- البوزيشن
- بقالك كام سنة
- الترقية إيه نظامها (كوسة ولا في نظام)
- ال Benefits اللي ذكرتها فوق( 1,2,3,4,5,6)
- متثبت ولا عماله مؤقتة
- اتثبت امتى
- بيتخصم منك ضرايب وتأمينات
- الخ
وبما إني أول مرة أعمل موضوع في الاجتماعي فـاسمحلي إني ابدأ بنفسي
اسم الشركة أو الجهة التي تعمل لديها
(Commercial International Life Insurance Company) - (CIL)
انترناشونال ولا لوكال - (international)
البوزيشن - Administration Assistant
بقالك كام سنة - سنتين وكام شهر
الترقية إيه نظامها (كوسة ولا في نظام) - كوسة
ال Benefits- مرتب أساسي و بدل غلاء معيشة زيه بالضبط ومتغير عشان التأمينات
- البونص السنوي (مرة أو مرتين المرتب بالكتير قوي - مرتين في السنة)
- المكافأت (مفيش)
- العيدية (مولد النبي - عيد الفطر - عيد الاضحى)نص مرتب من الأساسي في التلات اعياد مخصوم منهم الضرايب
- موبيل (ليمتد - 200 جنيه وعلى حسب إنت محتاجه ولا لأ )
- أي حاجة زي كده (تأمين طبي تبع في Royal Care)
- بشتغل من 8:30 صباحا حتى 5:00 مساءا وال أوفر تايم بيتحسب من بعد الساعة 6:30 الساعة بساعة ونص ولو اشتغلت في الأجازة الاسبوعيه أو اعيد رسمية الساعة بساعتين (جمعة وسبت أجازة )
متثبت ولا عماله مؤقتة - متثبت
اتثبت امتى - من ساعة مدخلت الشركة
بيتخصم منك ضرايب وتأمينات - طبعا
معلش طولت عليكوا بس يارب تكون الفكرة عجبتكوا ومتنسوش تدعولي عشان عندي انترفيو بكرة الساعة تلاتة في HSBC القرية الذكية
