مع الاحترام الشديد للأخ اللى اشتريت منه بس ده ماينفعش يتقال عليه تاجر القصه اللى حضرتك بتقولها دى بتحصل معايا فى اى نوع تيل لأن التيل ممكن يصفر لاسباب كتير و لكن الزبون مش ذنبه يعنى لازم التيل يرجع فى جميع الاحوال و ده اسلوبى فى الشغل .
عرض للطباعة
فعلا أنا كنت لسه عنده أول امبارح و الحاجات اللى عنده رديئه جدا .. واضطريت اركبها عشان العربية كانت مفكوكة و قلت شوية كدة وابقه اغيرها تانى .. هو شغله كويس .. اللى عاوز يروح يجيب قطع غيار أصلية و يروح يركبها عنده
انا اتنبح صوتى وانا بقول هات قطع غيارك بنفسسسسسسسسسسسسسسسسسسسكلان لما بتحط حاجة رديئة بتبوظ حجات جنبيها وتبوظ اداء العربية
كلام سليم 100 فى 100 مضبوط
دة ميتسماش تاجر قطع غيار دة تاجر عربية خيار انا لما بمسك اى قطعة غيار من الخامة بعرف دية صناعة اة او على الاقل الجودة من التقفيل والصطنبات وخلافة وفى اغلب الاحيان تقيمة بيبقا مضبوط بنسة 95%
كلام صحيح
مش فاكر بصراحة مين اللي كان سالني علية و قلت راي قبل كده هو كويس جدااا و المصنعية فعلا كويسة بس عيبة قطع الغيار و مش بيجيب صيني عشام مش عايز اظلمة هو بيجيب قطع غيار رديئة يعني التيل الـ sk وحش فعلا بس هو شغال بيه هو بس بيسترخص البضاعة عشان يمكن المستوى عنده مش قوي
من الاخر كده الي استفدته ان لما اروح لميكانيكي اولاً ميكنش عنده محل لبيع قطع الغيار خاص بيه لانه هيحاول يبعلي باي شكل
ثانيا لو حبكة ورحت لواحد عند محل اشتري برده من بره .
ما هو المشكلة انه بيمدح فى قطع الغيار الموجودة عنده و هو عارفني انى مبشتريش صيني و كذا مرة يقولى انت كييف أصلي لكن لما أكون محتاج بلية أو سير أو بكرة أو بطاحة أو تيل تلاقي الصنايعية بيشكروا فى الحاجة لغاية ما يقنعوك انها كويسة على العموم الواحد اتعلم.
في الصيف اللى فات كنت بغير شوية حاجات بعد ما خلصوا بيدوروا العربية مبتدورش قعدوا ساعة و نص مش عارفين المشكلة فين فى الآخر قالوا يمكن الكمبيوتر اللى هو الكنترول يونت فكوه و بصوا عليه لقوا فيه لاين فاصل و محتاج لحام طلعت مع حازم عشان نصلحه لقينا الراجل مش موجود المهم قلت لعبدالله هو بكام جديد و بكام استيراد قاللى معرفش جديد من التوكيل بكام بس هو معدي يعني ممكن اشوفهولك استيراد يعمل الف جنيه قلت له طيب انا هجيبه بنفسي رحت لمحمد قشطة فى الحي السادس بعد ما كلمته على التليفون المهم أخدت من عنده ثلاث قطع و رحت أجرب عند صابر فى رابعة لقيت واحد شغال رجعتله و حاسبني على 600 جنيه المهم قبل ما اروح لصابر اتصلت بعبدالله قلت له الكنترول موجود قدامي على 700 ايه رأيك قاللى ممتاز قلت له يعني لو بتاعي اللى عندك رحت صلحته فى وسط البلد هتاخد ده مني ب 700؟ قالى اه هاته بس المهم رجعت له و ركبته و العربية اشتغلت بدون مشاكل و بعد ما أخد حسابه قاللى على فكرة انت واخد الكمبيوتر محمل 200 جنيه . عايز يقول انه ب 500 .
كلام سليم تماماً
طيب انا بشترى من مصدرين موثوق فيهم و باجيب الأفضل اى ما كان سعره و باجيب حاجتى بايدى و اقول للميكانيكى اعمل كذا و كذا