تحذير من قطع غيار عبدالله أوبل

**Atef Saleh** · 25-03-2010 11:33 AM

المشاركة الأصلية كتبت بواسطة hanykd

السلام عليكم ورحمة الله
ماهى المشكلة إن حتى التجار بقى بيضحك عليهم فى البضاعة والكلام والله من تجار كبار
وبعد مشاكل كتير لدرجة إن التاجر وأنا بشترى منه التيل بقوله التيل دة لو صفر يبقى حارجعه
قالى لأ يبقى ماتخدوش أحسن قولتله يبقى أكيد مضروب قاللى أنا والله شاريه على إنه ريمسا ومستورد بس برضه الله أعلم
وسبحان ربى العظيم فى أحوالنا
أخوكم فى الله هانى

مع الاحترام الشديد للأخ اللى اشتريت منه بس ده ماينفعش يتقال عليه تاجر القصه اللى حضرتك بتقولها دى بتحصل معايا فى اى نوع تيل لأن التيل ممكن يصفر لاسباب كتير و لكن الزبون مش ذنبه يعنى لازم التيل يرجع فى جميع الاحوال و ده اسلوبى فى الشغل .

**kar!m** · 25-03-2010 11:51 AM

فعلا أنا كنت لسه عنده أول امبارح و الحاجات اللى عنده رديئه جدا .. واضطريت اركبها عشان العربية كانت مفكوكة و قلت شوية كدة وابقه اغيرها تانى .. هو شغله كويس .. اللى عاوز يروح يجيب قطع غيار أصلية و يروح يركبها عنده

**tamertamer** · 25-03-2010 12:48 PM

المشاركة الأصلية كتبت بواسطة rabbat5

غيرت بكرة شداد دينامو من عند عبدالله بتاريخ 8/2009 و جابت آخرها من 15 يوم ، غيرت تيل sk من عنده برده و مكملش شهر و نص و هاتك يا صفير ، غيرت بطاحات من 3 شهور و اتطبقت و غيرتها النهاردة و الغريب انها قال ايه جي ام .
الخلاصة قطع الغيار اللى عند عبدالله صيني فى صيني اللى عايز يعمل حاجة عنده يبقى يشتري حاجته معاه .

انا اتنبح صوتى وانا بقول هات قطع غيارك بنفسسسسسسسسسسسسسسسسسسسك

لان لما بتحط حاجة رديئة بتبوظ حجات جنبيها وتبوظ اداء العربية

المشاركة الأصلية كتبت بواسطة atef saleh

يا رجاله الغلط مش عند الراجل للأسف الغلط عند حضراتكم انتم اللى غيرتو الميكانيكي من فنى اصلاح الى تاجر و ده اللى خرب الدنيا يعنى الراجل بقى يكسب من الناحيتين مصنعيه و مكسب قطع غيار و طبعاً بالنسبه لمكسب قطع الغيار فعقليه الميكانيكى غير عقليه التاجر التاجر بيحاول يجيب البضاعه الكويسه علشان يكسب زبون مستمر و دائم لكن الميكانيكى بيبص للمكسب الكبير بس يعنى محدش يحاول يقنعنى انه نزل يشترى قطع غيار و خدها وحشه من غير مايعرف لان الموضوع ده انا عايش فى من زمان الزبون هو السبب فى غزو قطع الغيار الصينى للبلد فمثلاً اول ما يدخل زبون عندى اول حاجه بيسأل عليها مفيش صينى و بعد كده تقعدوا تشتكوا و الكل يقول البضاعه مضروبه اللى مضروب هو سلوك الناس مش البضاعه احنا بنقيم البضاعه على اساس السعر الاول و بعدين الجوده و ده قمه الخطأ ناس كتير جداً بتشترى منى قطع غيار و تطلب الصينى بحجه انه هيبيع العربيه و مش عايز حاجه كويسه فارد عليه سيبها من غير اصلاح علشان ماتتعبش اللى هيشترى هل ده مقبول من صاحب العربيه و مش مقبول من الميكانيكى او التاجر يا ريت نغير مفاهيمنا الاول و بعدين هنلاقى الدنيا اتظبطت و صدقونى لو الزبون مسألش عن الصينى مفيش حد هيجيبه من الاساس لكن سبب وجوده اننا بندور على السعر اولاً و لو حد فيكم يعرف تاجر قطع غيار يسأله السؤال ده :
كام زبون بيدخل يسأل عن قطع غيار بيسأل عن السعر قبل مايشوف البضاعه ؟
و الرد انا هاقوله مسبقاً :
أكتر من 95% و انا متأكد معلش انا طولت على حضراتكم بس انا كان نفسى اقول الكلام ده من زمان و فى نصيحه يا ريت تعملوا بيها يا ريت كل صاحب عربيه يشترى قطع غياره بنفسه من محل معروف ليه و مضمون حتى و ان كان اغلى شويه من اى محل تانى لكن يكون فى ثقه بينه و بين صاحب المكان لأنه بالطريقه دى مش هيتعب و عمره ماهيجيب حاجه مش كويسه و جربوا و منتظر رأيكم و عارف انكم هترتاحوا و يمكن كمان تدعولى و شكرا

كلام سليم 100 فى 100 مضبوط

المشاركة الأصلية كتبت بواسطة hanykd

السلام عليكم ورحمة الله
ماهى المشكلة إن حتى التجار بقى بيضحك عليهم فى البضاعة والكلام والله من تجار كبار
وبعد مشاكل كتير لدرجة إن التاجر وأنا بشترى منه التيل بقوله التيل دة لو صفر يبقى حارجعه
قالى لأ يبقى ماتخدوش أحسن قولتله يبقى أكيد مضروب قاللى أنا والله شاريه على إنه ريمسا ومستورد بس برضه الله أعلم
وسبحان ربى العظيم فى أحوالنا
أخوكم فى الله هانى

دة ميتسماش تاجر قطع غيار دة تاجر عربية خيار انا لما بمسك اى قطعة غيار من الخامة بعرف دية صناعة اة او على الاقل الجودة من التقفيل والصطنبات وخلافة وفى اغلب الاحيان تقيمة بيبقا مضبوط بنسة 95%

المشاركة الأصلية كتبت بواسطة atef saleh

مع الاحترام الشديد للأخ اللى اشتريت منه بس ده ماينفعش يتقال عليه تاجر القصه اللى حضرتك بتقولها دى بتحصل معايا فى اى نوع تيل لأن التيل ممكن يصفر لاسباب كتير و لكن الزبون مش ذنبه يعنى لازم التيل يرجع فى جميع الاحوال و ده اسلوبى فى الشغل .

كلام صحيح

**ahmedmaklad** · 25-03-2010 12:56 PM

مش فاكر بصراحة مين اللي كان سالني علية و قلت راي قبل كده هو كويس جدااا و المصنعية فعلا كويسة بس عيبة قطع الغيار و مش بيجيب صيني عشام مش عايز اظلمة هو بيجيب قطع غيار رديئة يعني التيل الـ sk وحش فعلا بس هو شغال بيه هو بس بيسترخص البضاعة عشان يمكن المستوى عنده مش قوي

**hostook** · 25-03-2010 02:47 PM

من الاخر كده الي استفدته ان لما اروح لميكانيكي اولاً ميكنش عنده محل لبيع قطع الغيار خاص بيه لانه هيحاول يبعلي باي شكل
ثانيا لو حبكة ورحت لواحد عند محل اشتري برده من بره .

**rabbat5** · 25-03-2010 04:51 PM

ما هو المشكلة انه بيمدح فى قطع الغيار الموجودة عنده و هو عارفني انى مبشتريش صيني و كذا مرة يقولى انت كييف أصلي لكن لما أكون محتاج بلية أو سير أو بكرة أو بطاحة أو تيل تلاقي الصنايعية بيشكروا فى الحاجة لغاية ما يقنعوك انها كويسة على العموم الواحد اتعلم.

**rabbat5** · 25-03-2010 05:04 PM

في الصيف اللى فات كنت بغير شوية حاجات بعد ما خلصوا بيدوروا العربية مبتدورش قعدوا ساعة و نص مش عارفين المشكلة فين فى الآخر قالوا يمكن الكمبيوتر اللى هو الكنترول يونت فكوه و بصوا عليه لقوا فيه لاين فاصل و محتاج لحام طلعت مع حازم عشان نصلحه لقينا الراجل مش موجود المهم قلت لعبدالله هو بكام جديد و بكام استيراد قاللى معرفش جديد من التوكيل بكام بس هو معدي يعني ممكن اشوفهولك استيراد يعمل الف جنيه قلت له طيب انا هجيبه بنفسي رحت لمحمد قشطة فى الحي السادس بعد ما كلمته على التليفون المهم أخدت من عنده ثلاث قطع و رحت أجرب عند صابر فى رابعة لقيت واحد شغال رجعتله و حاسبني على 600 جنيه المهم قبل ما اروح لصابر اتصلت بعبدالله قلت له الكنترول موجود قدامي على 700 ايه رأيك قاللى ممتاز قلت له يعني لو بتاعي اللى عندك رحت صلحته فى وسط البلد هتاخد ده مني ب 700؟ قالى اه هاته بس المهم رجعت له و ركبته و العربية اشتغلت بدون مشاكل و بعد ما أخد حسابه قاللى على فكرة انت واخد الكمبيوتر محمل 200 جنيه . عايز يقول انه ب 500 .