النهاردة شوفت حتة اوبل واااو !!

النهاردة شوفت عند واحد زميلى بتاع معرض عربيات
حتة اوبل من اخر الاخر
موديل 2000 & 2000 سى سى ايكوتيك & اتوماتيك & فبريكة برة و جوة & مفيهاش خبطة توحد الله
لونها فضى ميتالك & سى دى
من الاخر تحفة فنية
طبعا انا اول ما شفتها نطيت فيها و حسيت انى لزقت فى الكرسى مش عاوز اطلع منها
كان المفتاح مش موجود علشان كدة معرفش عادة كام كيلو
الموتور ==== ))) فعلا فتحت الكبود كنت عايز ااخد الموتور بالاحضان - شكل حوض العربية يفرح
سالت على السعر
شكررنين
اول كلمة 72 الف
طبعا قفلت الكبود و تفيت علية و مشيت
هههههههههههههه
يا عم الحكاية مش محتاجة فقع مرارة
بس للامانة الصالون بتاع العربية كانك راكب مركبة فضائية
جميلة بكل المقاييس
اهو
الحمد لله اننا معانا عربيات = حتى لو معانا عجل او توك توك الحمد لله برضوا
و يجعلة عامر

انا و الله بدور لواحد صحبى على حته 2000 سىسى ايكو تك موديل 2002 او 2003 كده
هو كان قافش فى ليجانزا بس اقنعته اخيرا بالفيكترا 2000
بس هو مصعبها على نفسه قوى لانه طلبها سودا و طبعا اللون ده قليل اوى
بس و الله فكرتنى بموقف كنت ماشى جنب عربيه اوبل موديل فوق ال2000 و 2000 سى سى برضه
و كانت لونها دهبى و بجد ماشاء الله عربيه زيرو زيرو زيرو مافيش كلام و سيقها راجل عجوز اوى و دقنه طويله و بيضه و جنبه مراته
بقيت هاين عليه الحقه و قله بتبيع يا حج بجد انا مش عارف ازاى مخدش نمرته او نمرة العربيه وبعد كده الواحد يدور عليها
بجد عربيه زى دى ماتتسبش خااااااااالص .

هو ده الكلام
هى دى المواتير

عربية جامدة جدا


حضرتك معترض علي سعرها ليه؟

عرتى أحلى
ملعوب فى كهربتها للصبح و الفوانيس كان الوش مخلوع قبل كدا و عربية 100 100
و ردوا بحبها عن المرسيدس

السعر مناسب جدا للى حضرتك بتقولو بس هوه طبعا لازم كنت تعرف العداد بتاعها عامل كام وبعدين هوه حاطط 2000 جنيه زيادة فى السعر علشان التفاوض يعنى هيه هتخلص 70000 مثلا وده سعر كويس لو عدادها قليل

هو طبعا اوبل بالحاله دي قيمه كبيره والقيمه ماينفعش نقدرها بالمال ,,انما السوق له كلمه تانيه وهي ان الاوبل مالوش سعر يعني لو ماشيه 100000 كم مثلا وبحالتها دي كبيرها 65000 ج انما هي لو سي دي اكس هتعمل من 68-70 الف

بس فين الصور نشوفها ليه ما صورتها ياياشا

والله يا فادي انا عربيتي لحد دلوقتي في2 اصحابي عايزين ياخدوها بـ 75000 بس المشكلة اني مش عارف اركب ايه و لما عملت اعلان في كونتكت و كتبت 76000 في ناس كتير جدا كانت مستعدة تخلص على 75000 انا مش بقول كلام تاجر و لا عشان ابيع عربيتي بس والله ده اللي حصل معايا
بس احنا بنتكلم عن موتور ايكوتك شوف كام عربية ايكوتك 2000 سي سي بتتباع على الوسيط و لا كونتكت صعب قوي انك تلاقيها عشان اللي معاه و مرياحاة صعب انه يبيعها كل الموجود المعروض 1600 مانيوال او اتوماتيك او 2000 الموتور القديم فانا شايف السعر المعروض ده كويس لو كانت نضيفة انا عربيتي بتجيب الـ 140 دي لوحدها انا مش بجري بس والله ساعات بخاف منها
انا لو معايا فلوس زياده مش هبيعها بس انا بحب اغير بس طب ممكن تسعروا عربيتي ممكن تسوى كام
فكترا 2003 اتوماتيك 2000 سي سي - جنوط اوبل - فابريقة بالكامل ماعدا الاكصدامات - مرايات ضم و مالتي فانكشن(مركبهم) 3 مساعدين مونرو رفلكس لسة راكبين في الضمان عفشة جديدة بالكامل تراكشن كنترول موتور بسم الله ماشاء الله بحط زيت شيل الترا و بغيرة على 7000

لو مرتاح ف عربيتك بلاش تبيع عشان ح تواجه مشكله ف شراء عربيه تانيه

اقتباس:

---

المشاركة الأصلية كتبت بواسطة N.a.j.d

لو مرتاح ف عربيتك بلاش تبيع عشان ح تواجه مشكله ف شراء عربيه تانيه

---

:vctry::vctry::vctry:

بالظبط مرتاح في العربية تبعها ليه
عشان تجدد مش سبب مقنع قوى لأن معنى كدا إنك زهقت منها و مش مريحاك

عربية من الأخر تحفه

انا عملت موضوع على اللي بيحصلي فيها الايام الحمد لله ما كانش في عيب في العربية والله يعني ممكن تقولوا عين جامدة شوية و النهارده جابت اخرها العربية مريحاني جداااااااااااا لحد النهارده الحمدد لله على كل شيء

انا بتعب لما اسمع 2000سىسى ايكوتيك

يبقى انا انتحر بقى

يامعلم انت 2000 سىسى
انا 1200
تنتحر ليه

امال انا اعمل ايه؟
انا اتعقدت من ال2000 سىسى ايكوتك
ياه ايام ما كنا بنسرق العربيات و نظم سباقات دراج ريس :36_1_34[1]:
كنت بشد بعربيتى القديمه ال132 2000 سى سى 112 حصان (للى مش عارف)مع فيكترا 2000سى سى ايكوتك بتاعت صحبى عادى بقى ما كتيجورى 2000 مع بعضه :B4_556:
وفى الاول مشينا مع بعض اول وتانى و مره واحده التاني بتاعى خلص و دالخل على ال90
و التانى بتاعه لسه شغال والله :B4_444:
انا مشقادر انسى الصوت بتاع الرشاشات (الصفاره الصغننه) بتاعت سحبت الاوبل اكيد عرفنها :stink[1]:
التانى عنده مش راضى يخلص ما شاء الله و نفخ و محدش مننا لحقه
انا الموتور بتاعى فوت على فكره بعد الشده دى

اقتباس:

---

المشاركة الأصلية كتبت بواسطة cayman69300

النهاردة شوفت عند واحد زميلى بتاع معرض عربيات
حتة اوبل من اخر الاخر
موديل 2000 & 2000 سى سى ايكوتيك & اتوماتيك & فبريكة برة و جوة & مفيهاش خبطة توحد الله
لونها فضى ميتالك & سى دى
من الاخر تحفة فنية
طبعا انا اول ما شفتها نطيت فيها و حسيت انى لزقت فى الكرسى مش عاوز اطلع منها
كان المفتاح مش موجود علشان كدة معرفش عادة كام كيلو
الموتور ==== ))) فعلا فتحت الكبود كنت عايز ااخد الموتور بالاحضان - شكل حوض العربية يفرح
سالت على السعر
شكررنين
اول كلمة 72 الف
طبعا قفلت الكبود و تفيت علية و مشيت
هههههههههههههه
يا عم الحكاية مش محتاجة فقع مرارة
بس للامانة الصالون بتاع العربية كانك راكب مركبة فضائية
جميلة بكل المقاييس
اهو
الحمد لله اننا معانا عربيات = حتى لو معانا عجل او توك توك الحمد لله برضوا
و يجعلة عامر

---

معلش لو أمكن بعض التفاصيل الهامة زي عاملة كام ألف كيلو ولو حأتعبك ممكن صور للعربية؟ عشان فى واحد صاحبي مهتم وإن كان كده حيسافر لها أسيوط عشان يشوفها.

تحياتي.

ربنا يوفقك فيها شكلها تحفة

اقتباس:

---

المشاركة الأصلية كتبت بواسطة ahmedmaklad

و - جنوط اوبل - تراكشن كنترول

---

التراكشن موجود فيها ولا انت اللى مركبة؟!!
والجنوط انت اللى مركبة ؟

اقتباس:

---

المشاركة الأصلية كتبت بواسطة eng\ahmed

التراكشن موجود فيها ولا انت اللى مركبة؟!!
والجنوط انت اللى مركبة ؟

---

انا كنت شاريها كده بس كان معايا الجنوط الحديد الاصلي بتاعتها و الطاسات و التراكشن ده المفروض انه فيها برده انا ماعملتش فيها حاجة ده ايام ماكنت عربية نضيفة
انا كنت بجد النهارة متنكد و انا شايف العربية بتتفك
احمد ما تقولي رايك في الموضوع بتاعي

مستني رد صاحب الموضوع. أو ياريت تحط رقم تليفون المعرض عشان نتصل بيه ولك خالص الشكر.

تحياتي.